Klokka har akkurat passert 15.00. Temperaturen ute er+ 10grader C; det er lettskya og strålande sol.Rasmus med familie reiste i dag tidlig, dei skulle ta 10-ferja frå Volda. Minstemann var heldigvis litt betre, men det blir vel ein lang tur både for han og dei andre.Det var var siste gongen den gamle Mondeoen var her i Starevegen, for dei har kjøpt ny bruktbil mens dei var her - på nett. Får håpe dei er heldige med den-ein Subaru Forester.
Det er alltid vemodig når dei reiser igjen, så då er det godt å ha noko å henge fingrane i. Det vart både golvvask, klesvask og støvsuging før huset var i orden igjen. Eg følte meg rimelig pigg, men etter ei kvilestund på sofaen, kjende eg at forkjølinga heng i. No skal eg konsentrere meg om å bli frisk til tysdag -då skal Margrete og eg + andre pensjonistar til Eid og sjå/høyre "Tryllefløyten". Eg har aldri vore på opera før, og ikkje ein gong inn for døra i Operahuset på Eid. Det er jo for så vidt ei skam.No skal Nils ut og sjå etter båten, og eg skal prøve å få lese litt meir i lydboka mi, utan å somne.
PS: Fekk melding frå Rasmus kl.15.40-då var dei på Bromma, så då har det no gått radig så langt.
PPS: Dei var heime i K. før klokka halv sju.
3 kommentarer:
Kjekt at Rasmus fekk fint reisever trass alt. Sikkert flott over Sognefjorden.
Fint med blå himmel, snødekte fjell og grønn plen på bilda dine.
Det er trist når barn og barnebarn reiser, huskar då Kris og foreldra budde på Ås og var heime i feriar. Elles er vi heldige som har alle rundt oss, sjølv om eit par av bb er vekke på skule.
For eit nydeleg ørstabilete!
Her er og kaldare etterkvart, men snø ser vi ikkje.
Legg inn en kommentar