Dagbok 2024: 31.desember

Klokka er no19.19, temperaturen ute på trappa er minus 3  grader,. Det har vore rimeleg bra ver i dag, så vidt eg veit har det verken snødd eller regna. 

Men det hadde snødd ganske mykje sidan Geir moka i går. Eg hadde så smått tenkt meg på butikk, men då måtte eg ev. moke snø først.

 Marit inviterte meg til å vere hos dei i kveld i lag med andre gjestar. Det var no veldig hyggeleg, men eg var ikkje i humør til å vere i lag med folk, eg ville vere heime åleine, Det har eg vore mange andre gonger i seinare tid, og eg synest det er heilt OK.

Mykje av føremiddagen brukte eg på datamaskina, og fekk til slutt reparert mailen min-håper eg. Men noko står att.

Eg vart lei av heile maskina og gjekk ut og moka snø. Eg fann ikkje den spaden som Øystein hadde brukt, men eg har fleire spadar så det gjekk no bra. Det var ein heil jobb berre å ta trappa, og så tok eg noko med brettet på tunet. Eg hadde så smått tenkt meg på butikken, men slo det i frå meg, så eg trong ikkje moke meir. I fjor moka eg ikkje i det heile tatt, for då gjekk eg med boten hand. Handa er ikkje heilt god no heller, så eg begrensar meg litt. 

No høyrer eg kor dei skyt ute. Det gjorde vi ikkje i min barndom og ungdom på Eid. Men der gjekk vi nyttårsbukk, det vil seie at vi kunne kle oss ut og gå på besøk til folk, og då fekk ein gjerne komme inn og få servering om ein ville. Og så måtte vertskapet finne ut kven ein var. Eg veit ikkje om dei har denne skikken enno.

Den siste dagen i året tenkjer ein gjerne tilbake til det som har hendt ,og det året vi no har lagt bak oss har har ikkje  vore godt for alle; krigar og ulykker har prega 2024 i mange land, mens vi har hatt det bra her. Eg er nokså sikker på at FRED er det som alle ønsker for det nye året. Alle kan eg vel ikkje seie, for det er no visst nokon som vil ha KRIG ?

Eg skal skrive meir neste år,

Her har eg trakka veg til kjellaren då eg henta spaden. Kan vere bra for Erlend.

Det har kome mykje snø sidan Geir var her og moka i går kveld

Dagbok 2024: 30.desember

                                       Geir har moka tunet i dag
 

Klokka er no 19.07, og det er så vidt der er ei kuldegrad eller to . Men i dag vart eg overraska med mykje snø på tunet, noko spom eg ikkje var særleg glad for. Det er ikkje berre det at eg er lat, men eg er ikkje heilt god i den handa eg braut i fjor-og så er det no tungt. Eg tok på meg høge gummistøvlar og gjekk ut i garasjen etter ved. Eg har fyrt litt i omnen i dag, og slo av varmepumpa mens eg tøka klede i trommelen. Eg hadde ein nokså stor klesvask i dag, så det var godt å få den unna.Dei store dukane ligg til tørk på stativet, men dei er ikkje stryketørre enno.

Eg har sete og sett mykje TV i dag, det meste har eg sett før, eg har i heile dag følt på at det er helg, så eg har ikkje gjort så mykje, men eg laga middag til meg sjølv, det gjer eg ikkje kvar dag. I dag vart det pølser og potetstappe, etter at eg har fått i meg restane av gulasjen i går. Tok med meg ein kaffikopp inn att i godstolen.Eg treng ikkje å gå i detalj om det eg har gjort, men det eg ikkje fekk gjort var å fare på butikken sidan det var så mykje snø. No spørs det om det er råd å komme ut i morgon. Det er no nyttårsaftan, så eg burde kanskje kjøpe noko godt til kvelden. Men eg greier meg med det eg har viss det bli problem me å komme seg ut.

Marit har vor på besøk til Kjartan i dag, så eg har passa Lollo. Ho kom ikkje då eg ropa på henne, men så gjekk eg opp på platten deira og ropte på henne og då kom ho frå garasjen. Det vart ikkje så spennande innhald i bloggen i dag-men det er ikkje bra viss det blir for spennande heller. Eg skal sette inn bilde når eg får nok straum på telefonen.

 

 

                                  Eg skal moke trappa i morgon

Dagbok 2024:29.desember

 

                                                                   Akkurat no

Klokka er no 16.07, temperaturen ute er + 2grader og det regnar. Og det er mørkt. Men sola har snudd så det går rette vegen.

Det har ikkje hendt så mykje i dag, og det som HAR hendt var ikkje så kjekt.Eg var rimeleg tidleg opp i dag. og etter ei stund skulle eg dusje, det var då det skjedde. Menseg stod i ro inne i dusjen,begynte matta som eg stod på å sige bortover sik at eg blei sittande på "golvet" i dusjen, utan å grei å reise meg opp. (Det var truleg kome mykje såpe i vatnet)Det var ikkje vondt og eg hadde ikkje slått meg, så det var ikkje farleg. Men eg kunne ikkje reise meg opp og det var vanskeleg å komme opp og ut. Men eg hadde ikkje noko val-dette måtte eg greie sjølv.Og etter litt plunder kom eg meg ut på golvet,og etter enda meir plunder greidde eg å reise meg opp.Eg veit at eg burde hatt eit handtak inne i dusjen, og eg har mange handtak liggane. Men inne i dusjen er det ikkje råd å skrue noko fast.

Men eg kom meg på beina og fekk på meg klede , så alt var i orden då Marit kom ned litt seinare. Vi diskuterte Dusjkabinett og sikkerheit, for ho har det samme problemet.Den matta som eg har på golvet i dusjen løsnar når det blir mykje såpe, og det vart det i dag. Men eg skal undersøke om ein kan sikre seg på andre måtar. Det er vanskeleg å sette opp handtak når alle veggane er av glas. Dette var temaet vårt i dag mellom anna. Ho skal ut til Kjartan i morgon og då skal eg mate Lollo

No har eg ete siste resten av Gulasjen til middag og det blir ikkje tur ut i dag, for det vart bekmørkt før eg hadde ete ferdig. Så blir det vel å strikke på lestane eg held på med-og så sjå TV. Eg har lyst å strikke meg ein ny genser, for dei er har, er mykje brukte. Eg tek gjerne imot råd og tips frå døtrene mine. I morgon er det yrkedag, og takk for det- Det kan hende eg må hamdle litt  til nyttårs-aftan men eg har no mat -så eg slepp å svelte.

 Klokka er no 21.02,temperaturen ute er +5 grader C og det regnar. Ikkje direkte julestemning, men greit nok for meg, eg slepp i alle fall å moke snø.

 I dag sov eg lenge og stod ikkje opp før klokka var 10. Etter frokost etc. tok eg ein tur på Vernet og der trefte eg ei kollega-venninne som eg brukar å treffe der av og til. Vi hadde sjølvsagt mykje å snakke om. 

Eg visste no at det var kvardag i dag, så eg kunne handle viss eg ville. Men eg skulle ikkje ha noka anna enn at eg ville kjøpe meg ein kalender-Sunnmørs-kalender. Eg har hatt fleire slike før og dei er så gode å sjå når eg sit ved bordet. Ja, og så er der mange fine bilde. Det var no litt kjekt å ha ærend på ALTI. Eg trudde ikkje der var så mykje folk i dag, men der var full rulle. PÅ laurdagar er det ofte mange tilreisane på ALTI, men eg trefte no ei eg kjende også, "Feliz Navidad "sa ho- eg går i lag med henne på spansk- nemlig.

Til middag i dag vart det restar og eg trur eg har nok til i morgon også. 

Elles set eg mykje og ser TV og strikkar, som vanleg.

dagbok 21024:27.januar

 

Klokka er no17.13, temperaturen ute er +5 grader C,og i år har vi ei veldig grøn jul. Det er i grunnen greitt for meg,men når eg ser ut på hagen, tenkjer eg på at eg skulle ha hatt ein mann med motorsag som kunne ha klipt epletreet. Men det får vere til det lid på våren.Eg synest det er fint med grøne plenar, men det er liksom feil for årstida.

Eg stod ikkje opp grytidleg i dag og det første eg gjorde etter frokost var å gjere ferdig sudokuen frå i går. Så tok eg ein heilt alminneleg "fredagsvask" og sette på oppvaskmaskin etc. Akkurat som ein vanleg fredag. Middagen min var litt uvanleg, for då åt eg karamellpudding som Solveig hadde laga og kom hit med i går. Den var altfor god til å "kome vekk". Eg hadde tenkt at eg skulle komme meg ut og gå tur i dag, men det har ikkje skjedd enno i alle fall. Eg kveikte i omnen og sette meg til å småsove og sjå TV. 

Eg kan no gå tur om det er mørkt, det er gatelys over alt,nesten ,og eg har lommelykt. Men eg trur eg ventar til i morgon. Eg trur ikkje eg treng å handle i morgon,men eg får no sjå etter om eg har det eg treng om det skulle komme eit menneske. Eg har ferdigkjøpte småkaker og kransekake om eg skulle få besøk, men det får eg vel ikkje.

Eg trivst godt åleine også, men er det nokon som vil kome er dei velkomne.

Eg håper alle er friske etter kvart- "Regn i kveld " står det å maskina mi. Regnet slepp vi å moke i alle fall. 

                                        Grøn jul

Dagbok 2024: 26.desember: 2.juledag

 

Klokka er no 19.30, temperaturen ute er +4 grader C. Det er overskya, og eg trur det har regna litt innimellom. Kvit jul er det i alle fall ikkje. Eg var tidleg oppe i dag og begynte å gjere klart for juleselskap. Det har i mange år vore ein tradisjon at barn og barnebarn har vore her i Starevegen på 2.juledag.

Så i dag kom døtrene med barn på besøk.

Eg hadde laga gulash i dag også, men no må eg snart lære meg ein ny rett, trur eg, slik at eg kan variere kosten. Margrete kom i lag med Svein og alle fire barna. Solveig og Øystein hadde med seg dei to eldste gutane. Dei skal tilbake til Oslo i morgon, men eg forstod det slik at dei skulle komme att. Einar jobbar no i NRK, men han skal tilbake til Sunnmørsposten, slik eg forstår de. Etter at gjestane for har eg rydda og vaska opp både i maskina og med hand. Det er heldigvis yrkedag i morgon så då får eg shine opp litt

det er ikkje slutt på jula enno. frå gammalt av varte jula til 13,januar,20. dag jul . No må eg sjå litt på TV -en har ikkje hatt den på i dag.

Dagbok 20 24:25.desember.1.juledag

 

Klokka er no 20.00, temperaturen er + 10 grader og det regnar. nedst på skjermen min står det:Regn advarsel, så då står vi vel i fare for å drukne. Eg er berre glad for alt som kjem ned er vatn -ikkje snø. Og eg trur ikkje det er fare for oversvømmelse her eg bur. men ein veit aldri-.

I dag har eg vore heime heile dagen åleine, og det var planlagt. I morgon er heile familien invitert hit på middag og kaffi. Det er ein gammal tradisjon  at vi møtest har den dagen. Eg har brukt litt av dagen til å førebuselskapet, men eg har hatt god tid til å slappe av også. Har sett TV og strikka ,eg kan ikkje sjå TV utan eg har strikketøy og omvendt.

Dagen blir sjølvsagt litt lang når ein er åleine, men det gjer ingen ting for tida gå likevel for fort. Både Solveig og Margrete har/har hatt ei stygg forkjøling, men eg håper dei kan komme i morgon likevel. Eg er i alle fall frisk-så langt og så er eg no vaksinert mot det meste.

Eg har ikkje snakka med nokon i dag anna enn på Facebook, så eg håper her blir litt meir livat i morgon.

Håper at resten av slekta har det bra også.

Dagbok :Julaftan 2024

 

                                       Kvit jul i vinduskarmen

Julaftan kl 22.54. Eg kom nettopp heim frå Hareid, der eg har vore i kveld.Einar henta meg tidlegare i dag og Øystein køyrde meg heim att. Denne gongen slapp han å moke snø, for i dag har nedbøren vore regn, ikkje snø. Vi hadde ein fin ettermiddag  og kveld, vi var ikkje så mange som vi brukar å vere, Olaug  med familie var heime med seg sjølv i Bergen td. Solveig har vore sjuk nokre dagar, og var ikkje heilt i form, men alt gjekk bra. Vi fekk god mat og det var mange fine gåver i pakkane. Eg vil nytte høvet til å takke for alt det fine eg fekk -og som eg ønska meg Til dømes hadde Solveig strikka fine vottar til meg og Margrete gav meg fine og gode skinnhanskar. Dette var noko som eg sette på ønskelista mi då vi hadde snø og kulde  for eit par tre veker sidan.No skal eg ta bilde, når telefonen får straum nok, og så blir eg vel sittane oppe ei stund. 

I morgon skal eg førebu 2.-dags selskapet som vi skal ha her, då kjem både Solveig og Margrete med familiane sine. Det er så kjekt når søskenbarna  får treffe kvarandre no når dei elles er speidde utaover landet. 

1.juledag var ein litt kjedeleg dag før, særleg for barna, for då skulle ein halde seg heime, og helst inne.

Så strengt er det ikkje no.

Eg håper at alle andre har hatt ein fin dag også. Og så håper eg at vi alle får fleire fine juledagar,

                                                                           Julegåver

Dagbok 2024: 23.desember: GOD JUL

 Klokka er no 18.20, temperatur-målaren står på 0,  det er opplett-og på markane ligg det litt snø. Eg håper i mitt stille sinn at det ikkje kjem meir snø på ei stund. På PC-en min står det at temperaturen skal stige, så då må det bli varmegrader.

I dag køyrde eg til Vik i 10-tida og handla litt på ALTI, før eg for oppatt på Vallabøen og handla på KIWI. Det var så kjekt på butikken i dag, for alle var i så godt humør.

Eg rydda litt i huset og kveikte i omnen før eg sette meg til med strikketøy og TV.

Det varte ikkje så lenge før heile barneflokken til Margrete kom på besøk. Med seg hadde dei ein nydeleg krans som eg fekk. (Bildet)

Dei fekk enkel servering, kjøpekaker og kaffi, men på 2.juledag skal dei få litt meir å smake på.

Det er no veldig kjekt å få besøk av vaksne barnebarn og vi har mykje å snakke om.Ingeborg er den som bur lengst vekke, på Nordstrand i Oslo ,der ho er lærar på ein barneskule. Eirik er musikklærar  i Trondheim, Amanda er nyss utdanna lærar og bur heime enno, mens Erlend bur her i kjellar-leilegheita mi, og driv med musikk. Han spelar altså.

Då dei skulle vidare gjekk eg opp til Marit som har fødselsdag i dag-heile 86 år. Dei hadde feira i går, men der var rikeleg med kake att til i dag,så vi åt og drakk og prata ei god stund-

I morgon kjem Einar og hentar meg, så skal eg feire julekvelden hos Solveig og familien. Gutane er heime, men Olaug er heime i Bergen med vesleguten, Tobias, som vart fødd den 1. november.

Eg skriv ikkje julebrev eller kort, for eg skriv her på Bloggen kvar dag, så eg har ikkje så mykje meir på hjatet. 

Så då vil eg ønske alle som er innpå her  ei  GOD JUL ! Vi er heldige som kan feire jula i fred!

Dagbok 2024:22.desember

                                                 Starevegen i dag

Klokka er no18.07, temperaturen ute er    grader C og det regnar litt smått heile tida. Det er ikkje akkurat dette vi meiner med julestemning, men eg er glad så lenge vi slepp å moke, og så lenge det ikkje er så kaldt. Eg likar verken snø eller kulde.Men vi må no ta imot det veret vi får, Det er folk i verda som har større problem med veret enn det vi har.

Eg stod ikkje tidleg opp i dag heller, eg skreiv handleliste og tenkte meg på butikken; eg visste at butikkane skulle vere opne i dag. Eg fann også fram eit lys som eg skulle ha med til grava. Eg har nokre "stearinlys" som går på batteri så dei skin nokre dagar før ein må skifte batteriet.

Eg køyrde først fram på Askjellhaugen og sett lyset på plass. Men då eg kom bort til butikken viste det seg at der var stengt. Eg rekna med at dei sikkert kom til å opne litt seinare.

Eg såg at naboar gjekk tur, så eg vart frista til å gå på Vernet. Det var heilt bert på gata, men eg tok med staven likevel. Det var bra for på Vernet var det snø, men eg går ganske trygt når eg har stav. Der var ikkje mange på Vernet i dag, men eg trefte att eit par som eg har snakka med før, og det var koselig.

Då eg var heime igjen hadde Marit sendt melding om at NO var butikken open igjen. Eg såg etter handlelista mi og tenkte eg kunne ta turen med det samme, men handlelista mi var heilt borte vekk, eg leita utan å finne. Det var då eg bestemte meg for å handle i morgon i staden, for då må eg uansett nedover til Vik.

Eg fann ikkje på noko anna lurt, men der er mykje kjekt på TV for tida, og eg har lestegarn, så då seier det seg sjølv kva ein kan gjere. Etter ei stund måtte eg ha litt mat, og ikkje lege etter ringde det på døra. Det var Eirik som var her og skulle hente Erlend, men så fekk no eg helse på han også. etter enda ei stund ringde det på døra igjen, eg kjende ikje dei to med ein gong, for det var blitt litt mørkt også,me det var Håkon og Amund som kom med gåve til Margrete frå Solveig- Det kan vel hende at Margrete kjem ein tur og hentar gåva si. Eg veit ikkje kva planer alle har, Eg har i alle fall planer om å fare på butikk i morgon, trur eg fer tidleg på dag. 

I morgon har Marit fødselsdag, i år fyller ho 86 år, så ho ligg litt framfor meg i alder og visdom.

Julaftan brukar eg å vere på Hareid. Vi har ikkje snakka om det i år, men eg går ut frå at det blir slik. I fjor var eg heilt hjelpelaus med venstrehanda i gips, så då var det Solveig som måtte ta seg av det meste. Men i år har eg tenkt å samle alle til middag og kaffi på 2.dag. her i Starevegen. Eg trur helsa er bra nok til det.

Elles ønsker eg at alle som er innom og les bloggen min får ei god jule-og nyttårshelg. Og no er sola på veg oppover igjen og dagane vert lengre og lysare,

                                              GOD JUL!

Dagbok 2024: 21.desember

 Klokka er no 17.55, temperaturen ute er +5 graderC ogdet regnar, og PC-en spår om enda meir regn, greitt nok for meg, regnet slepp vi å moke..

Til vanleg vaknar eg mange gonger  før eg står opp for godt, Det slapp eg i dag, for då sov eg faktisk til klokka var 10 på10 (som regel brukar eg å begynne å stå opp i 6-tida).

Eg hadde eit par ting eg ville ordne i dag, men då måtte eg ut og køyre. Eg rekna med at det var mykje trafikk i dag-men ikkje SÅ mykje. Eg ville bort i Furene på Coop og det ville visst alle andre også, nei ikkje alla circa halvparten av bilane ville til Ørsta. Eg passar godt på fartsgrensa-at eg ikkje køyrer for fort eller for seint. Fartsgrensa på denne strkninga er 70km i timen, og då legg eg meg så tett eg kan oppunder grensa, likevel er det somme som må køyre forbi i vill fart. Men ikkje mange.

Eg trudde kanskje dei hadde ein rotskrellar på CO-OP, men det var der ikkje. Eg hadde noko anna eg skulle kjøpe der så turen var ikkje bortkasta, Der var mykje trafikk i Furene i dag, for der er mange butikkar no.

Eg kjørte tilbake til sentrum, og ville parkere ved ALTI slik eg plar, men det var ikkje råd å finne plass der i dag, så eg køyrde bort til Jernia, der eg fe\kk det eg skulle ha, nemlegrotskrellaren. Eg fekk ein som var heilt lik den eg har mist, berre at den virka litt veikare, men eg prøvde den både på poteter og gulrot då eg kom heim. Når eg først var i gang tok eg og skrella både poteter og gulrot til middag, for eg hadde ein liten overraskele til meg sjølv, eg skulle få spekesild til middag. Så i dag fekk eg skikkeleg mat, dvs.livretten min. 

Etter middagen prøvde eng enda ein gong å løyse sudokuen i siste møre-Nytt, men no trur eg at eg må gi opp, det har eg gjort berr eit par gongar før.

Eg såg eit kjekt program på TV,med mange julesongar. Då tenkte eg på jula og alt den inneheld. Det er ein mix av jesu fødsel, nissen på låven, solsnu, og mykje anna. Ein skikkeleg lapskaus. Og slik er det med "julesongane" også . Og slik er det for oss som feirer jul også, dei fleste av oss får vel med seg litt av kvart-

Dagbok 2024: 20. desember

 Klokka er no 19.30, temperaturen ute er 0 grader og det verken regnar eller snøar akkurat no. Sist natt kom det såpass mykje snø at det vart kvitt, men ikkje så mykje at ein måtte moke. Når ein ser på bildet over her, kan ein stort sett sjå kva eg har gjort i dag. Eg har hatt ut bilen, og eg har gått og henta avisa i postkassa.Og så er der visst fotefara mine frå i går då eg var oppe hos Marit.

Elles har eg tatt fredagsvasken, men ikkje gjort så mykje anna. Eg har streva litt med sudokuen i Møre NYtt, men er ikkje i mål.

Eg var på butikken og handla litt, men eg har ikkje alt i hus enno. Eg er litt bekymra for døtrene mine. Solveig har vore sjuk nokre dagar, og no er ikkje Margrete heil i form heller.Vi brukar å samlast her med meg 2.juledag og det håper eg vi skal få til i år også. I fjor gjekk eg med broten hand, så då var vi på Hareid 2.dag. Ja, vi får ta det som det kjem.

I dag fekk eg julekort med frimerke etc.frå venninna mi som bur i Mosmarka, det var vel ei lita påminning om at vi må treffast oftare. No har vi fått att kaffihuset i Vik, så det er no ein fin plass å treffast. Vi var der mykje før.

Eg har ikkje gjort så mykje i dag og det blir ikkje meir no.Det har vore mykje juleprogram på TV, og det er kjekt -eg sit sjølvsagt og strikkar, lest etter lest til Solveig sitt lager. Ho skaffar garn og eg strikkar. Så sørger vi for at ingen skal fryse på beina.

Olaug og Thomas kjem ikkje til Hareid i jula. Dei blir heime i Bergen med vesle Tobias.

Det er lenge sidan eg har skrive julekort og brev, eg brukar å ønske alle god jul her på Bloggen. Eg ser at klokka er nesten 20, så denne dagen har også gått fort- God helg !

Dagbok 2023: 18. desember

 

Gard Bjørnstjerne Eidsvold har fått "Gullruten " for rollen  som Quisling

Klokka er no 16.01, temperaturen på trappa er +3 grader C, og det regnar; ein kan kanskje "håpe" på snø i morgon? Bles gjer det også."Vind advarsel" står det på PC-en min

I dag har eg ikkje vore mykje heime, Først var Marit og eg på trening, så var vi heimom ei lita stund før vi køyrde ned på Bakk-Ola. Der var det ei tilstelling for eldre i dag, Mari Ella og Elias( Grimstad) skulle spele, så Marit hadde no lyst å vere der, sidan ho er bestemora til Mari Ella. Og eg ville vere med. Marit og eg har ofte snakka om at Bakk-Ola, som er eit slags bufellesskap for eldre, kunne vore meir brukt som møteplass for alle eldre, det er ikkje ofte der er tilstellingar. Før brukte vi å ha møte i pensjonistlaget der, men det er litt for lite til det no.

Men i dag var der altså tilstelling, der ein fekk kjøpe rømmegraut eller kaffi og kaker m.m.Vi var heimom og kledde oss litt om før vi for ned. Der var fullt av folk allereie då vi kom. Eg trur det er veldig mange eldre som kunne hatt lyst til å gå ut oftare, dvs. gå ut og treffe andre eldre. Vi møtte no mange som vi kjende, men som vi sjelden ser. Marit og eg ville ikkje ha rømmegraut så vi kjøpte kake oh kaffi. Eg er godt kjent på huset og med maten, sidan det er der vi har hatt spanskkurset vår dei siste på åra.

Der var utlodding og gevinstane var lestar, vottar etc. som dei hadde strikka der. Vi kjøpte lodd, eg vann ingen ting, men Marit vinn alltid, så ho fekk seg ei ny strikkahue.

Harald Aambø kom og las mange fine dikt til oss, det er han flink til.Dei fleste dikta var velkjende og det er berre bra for oss eldre-at det er noko vi kjenner att. Eg skriv no ikkje alt som gjekk føre seg,men eg er vant til å skrive referat, så det kan hende at eg overdriv.

Så var det trompetistane sin tur og dei var veldig flinke, dei spelte nesten alle julesongane, og der sat to bestemødre og ein bestefar og kosa seg. Marit er bestemora til Mari Ella, og bestefaren til Elias er Arne Ola Grimstad . Han var der men sat i rullestol. Han er no blitt betre av sjukdommen, men han er ikkje som før så eg gjekk ikkje bort til han, for eg visste ikkje om han ville like det.

Eg køyrde heim att og sette av Marit, så køyrde eg ned på ALTI og ville prøve på Kitchen om dei hadde rotskrellerar. Dei hadde utruleg mykje av alle slag, men ikkje noko som likna ein rotskrellar. Eg har lenge håpa på at den eg hadde skulle dukke opp igjen, men det har ikkje skjedd. Eg veit at vi hadde på skulekjøkkenet på Velle, men eg har ikkje noko der å gjere no. Eg kjøpte eit par ting på Europris for ikkje å kome heim tomhendt.

No har eg fått meg litt mat og kokt kaffi, så blir det pause ei stund før eg skal opp til Marit og sjå siste episoden av filmen  om Quisling. Eg synest filmen er interessant, men eg veit ikkje kva eg skal meine om hovudpersonen, korleis han eigentleg var. No visste eg ikkje mykje om han på førehand så eg synest det er inreressant å sjå filmen, særleg når ein får sjå den i mange delar med ei veke imellom.

Dagbok 2024: 18.desember

 

                                                               Det er lys i mørketida

Klokka er no 19.55 Temperaturen ute er +9 grader C, det styrtregnar, men på PC-en står det: Snø/is advarsel Eg lurer litt på kva som skal skje i natt. Eg har no tenkt meg på trening i morgon, og om alt går etter planen så skal Marit og eg på Bakk-Ola marka på tilstelling etterpå. Mari Ella og Elias skal vere der og spele og der skal vere rømmegraut og anna mat å få kjøpt. Eg skal også handle litt før helga , men eg har no fredag og laurdag også.

I dag har eg styrt på her heime, ikkje med store jobbar, men med mange små. Eg har ikkje vore ute for ei dør, men eg har "snakka" med Marit og Rasmus på Messenger.

No på ettermiddagen har eg strikka og sett TV, eg slo frå meg å gå tur då det begynte å regne så voldsomt-og brått var det mørkt ute, det er vel den aller mørkaste tida no-solsnu i jula?

Eg fekk ei melding på telefonen der dei takka meg for at eg vil bli fast givar til Flyktninghjelpen. Eg kan tenke meg å sette over ein av dei eg gir til no, og ta Flyktninghjelpen i staden. Eg var overraska over at han som var her i går- Muhamad-hadde greitt å få med seg så mykje av det vi snakka om t.d. namnet mitt. Det er ikkje slik at eg bind meg opp med ein fast sum, eg kan gi så mykje eller lite eg vil, og slutte når eg vil. Han hadde vore hos Marit også, men ho hadde ikkje forstått nokon ting, sa ho. Men han hadde papirer og greier som viste kven han var og kva han jobba for. Han snakka bra norsk også.

No i kveld blir eg vel sittande ved TV-en å strikke,  det er no greit, men eg saknar det å gå tur ute. No synest eg at eg høyrer vinden som skal komme.

Eg er glad for at Solveig er betre, men litt bekymra for at ho vil begynne på jobb så snart, men ho veit vel kva ho gjer.

                        Eg går ikkje lenger enn ut på trappa-for å ta bilde

Dagbok 2024:17.desember

• Klokka er no 17.21, temperaturen ute er + 2 grader, og det regnar og blæs litt.På PC-en står det: Nedbør kommer, ja, eg tviler ikkje. Det er ikkje kaldt, men 2 varmegrader, det kan no vere litt positivt . Eg kan ikkje hugse nokon gong før at veret har skifta slik heile tida-alltid noko nytt frå dag til dag. Akkurat no er det svarte natta ute og det blæs -litt.

I dag morgon var ikkje Marit i form til å fare på trening så då tok eg meg fri også of gjekk ein tur for mosjonen si skuld. Med det samme eg begynner på runden min , er det dette eg ser(bildet over)Det er her Vallageila held fram heilt til fjells, men då heter det Skålavegen.  Eg irriterer meg støtt over at det ikkje blir rydda vekk skog her, slik at ein kunne sjå vegen og landskapet lenger ute. Granene på andre sida av vegen må kanskje få stå i fred. Men eg likar ikkje det som tek bort utsikt. Håper at andre er samde med meg slik at det kan skje noko. Fonnvernet er blitt noko heilt spesielt her i Ørsta, folk kjem langvegs frå for å gå der, ein møteplass har det også blitt.

Då eg kom heim att fjorde eg nokre småjobbar, før neste tur. Det var ein biltur i lag med Marit ned til SPAR for å handle. Vi handlar no mest på KIWI som er nærbutikken vår, men dei hadde ikkje julebrød. Ja, og så er det no kjekt å sjå inn på andre butikkar og samanlikne , SPAR er ein mykje større butikk enn KIWI, med mange fleire varesortar. 

Ja, vi fann oss kvart sitt julebrød , og eg kjøpte GOMBE, ikkje Søst som det heiter her, men der er litt skilnad på dei to. Søsten er søtare t.d.Etter ein liten bilbrat gjekk vi kvar til oss. Og eg kunne sjlølvsagt ikkje vente men sette på kaffien og skar av julebrødet, og la gombe på-og åt, Ja, no blir det ikkje meir å få i dag, trur eg.........

Eg opplever stadig at eg ikkje høyrer når folk ringer på døra mi, særleg når eg sit på datarommet. Nils fekk i si tid til å skaffe oss ringeapparat til utedøra med forsterkar i stova-så der høyrer vi godt alle som ringer på, men som sagt ikkje her på datarommet. Derfor har eg no sett forsterkaren på kommoden i gangen slik at eg kan høyre når eg er på nett. Så får eg håpe at eg høyrer på kjøkknet og stova også. Viss der er lys på kjøkkenet er eg nokså sikkert heime.

Og der ringde dørklokka akkurat når eg sat her på datarommet,  eg fekk besøk av Muhamed frå Somalia. Han jobba for flyktninghjelpen og var veldig søt og hyggelig. Så no skal eg få gi bort meir av pengane mine-kanskje.

Dagbok 20 24: 16.desember

 Klokka er no 16.20, temperaturen ute er+5grader,og det er litt vind og regn-eg har ikkje gått tur, for å seie det slik.

Elles gjekk det veldig bra med det eg skulle gjere først i dag, eg skar opp kjøttet og steikte det for å ha det klart i frysaren. Då eg var ned i frysaren med kjøttet såg eg ei kakeform  med ei kake i. Ikkje veit eg kva kake det kan vere eller kva tid den vart laga. Det er det verste med å bli gammal-eg hugsar ikkje godt lenger. Eg har aldri hugsa spesielt godt, men no er det verre enn før. 

Eg hadde eit uhell med omnen i går, det er ei plate inni som kan finne på å dette ned. Det gjorde den i går, men i dag fekk eg til å sette den på plass igjen, så då var eg glad for det. Glad for å greie noko sjølv.

Men så skulle eg altså på butikken og kjøpe messingpuss. Koparen pussar eg ikkje lenger, den vaskar eg i oppvaskmaskina. Eg gjekk ut i garasjen sette meg i bilen og vreid på nøkkelen-ingen ting skjedde; eg prøvde nokre gonger, men bilen var heilt DØD. Så var det å bry ein nabo igjen, og han kom og sjekka og meinte som eg at det var batteriet. Eg køyrer så mykje småturar og gløymer at eg må ta litt lengre turar av og til, slik at batteriet laddar seg sjølv. Dette veit eg , men gløymer det også.

Bilen er ikkje køyrbar enno, men eg reknar med at den er klar i morgon tidleg  for då skal Marit og eg på trening.

Eg har ikkje gjort så mykje i dag, men eg har høyrt nyheiter mange gonger, mens eg har sete og strikka.

Så får eg lage meg ein skikkeleg stor og lang huskelapp, for i morgon kan det bli at vi fer på SPAR og handlar.

Dagbok 2024: 15. Desember

Klokka er no 16.07, temperaturen ute er + 8 grader og det regnar, eg har knapt vore ute for døra i dag. Greit nok at det er mildt, men regn likar eg ikkje. Veret er heilt skrullete i år, best som vi har nydeleg vinterver og snø, så regnar det igjen. Men dette er ikkje noko vi kan gjere noko med. Eg går ikkje tur når det regnar, så i dag har eg vore inne heile dagen. Men det vart litt klabb og babb med det er skulle gjere inne også.

Eg sette fram alle messing-stakar etc. og skulle pusse , men så hadde eg ikkje noko å pusse med. Eg stod og såg på pussemiddel på butikken i går, men tenkte at det har eg.  Eg skulle ha tenkt "hadde". Greit nok, butikken opnar i morgon. Det begynner å minke på veden min , og eg veit ikkje om Even kan skaffe meir. Eg gjekk ned i tilbygget og fann litt heimelaga ved, mellom anna ein stor kubbe som eg så vidt fekk inn i omnen. Etter ei stund høyrde eg ein liten smell, det var "hylla" inne i omnen som fall ned.Det brukar den å gjere kvar vinter, men eg plar få til å sette den på plass igjen, med litt strev, men då må omnen vere kald, så eg får vente til i morgon. 

Eg har ikkje gjort så mykje nyttig i dag, eg har sett TV og strikka innimellom husarbeidet etc.

Eg tok fram kjøtet , men det var ikkje råd å skjere det opp enno, så eg må nok vente til i morgon, problemet er at eg vil skjere mens det er litt frose, så det kan bli litt vanskeleg å berekne.

Eg laga skikkeleg middag i dag, det gjer eg ikkje ofte, og det er bra for eg  blir mett og lat når eg et mykje. No har eg kosa meg med nylaga kaffi og kaker som eg fekk med Margrete i går. det blir vel TV og strikketøy resten av kvelden.

Det stod på PC-en at temperaturen skal gå ned, så då får vi kanskje snø igjen?

Dagbok2024: 14.desember

 

Klokka er no 18.10, temperaturen ute er +3 grader , og det regnar for det meste. Kanskje litt snø innimellom? Og det er bekmørkt no når klokka er vel 18. Eg synest ikkje dette veret er så populært. Kvar morgon har eg problem med å vite kva vekedag det er, slik også i dag. Men eg vart glad då eg fann ut at det var laurdag-og nesten helg.

Etter ei stund køyrde eg ned til butikken  med hugselista i lomma. Eg fekk kjøpt alt eg ville ha, og reiste heim igjen. Men då gjekk det brått opp for meg at eg hadde mist klokka mi. Eg visste at reima var dårleg og at klokka rett som det var datt av handa. Eg hadde tenkt meg inn til urmakaren og få ny reim , men hadde ikkje somla meg til.  OK, så fekk eg ta ein tur til på butikken og høyre om dei hadde funne ei klokke, det hadde dei ikkje, så eg måtte fare tomhendt heim. 

Men så fekk eg koselig besøk av Margrete som hadde med kaker til kaffien, vi drakk kaffi og kosa oss ei stund før ho måtte heim. Då skulle eg gjere litt husarbeid og gjekk inn for å reie opp senga mi, og der låg klokka på nattbordet. Då hugsa eg at eg hadde lagt den der kvelden før, fordi eg har så vanskeleg for å tyde dei andre to klokkene når eg ikkje er skikkeleg vaken. Eg vart glad og letta, men kanskje eg må få meg ei ny klokkereim?

Eg hadde gjort klar ei gulrotkake som eg skulle ha glasur på, så vart det gjort og oppvaskmaskina kom på og jobba for meg mens eg såg TV. No har eg tømt maskina og rydda opp på kjøkkenet, så no har eg fri resten av dagen og i morgon er det søndag, det får eg prøve å hugse når eg vaknar i morgon tidleg.

Eg likar ikkje veret vi har no, så det blir ikkje til at eg går tur, og det burde eg faktisk gjere.

Dagbok 2024: 13.desember

Klokka er no 16.53, det er + 5 grader C ute og det regnar. På PC-en min står det: Regn/snø i morgon. , så då har vi noko og glede oss til. I dag har eg knapt vore ut for døra, tenkte å gå ein tur men miste lysta fordi det regna. Eg har ikkje vore så veldig aktiv i dag, men eg har tatt fredagsvasken og støvsuga alle teppegolva. Det er ikkje mykje å skryte av,men hadde eg hatt ein betre rygg, så skulle eg ha klart mykje meir. Baking av småkaker står ikkje på lista. Eg kjøper litt, men det blir som oftast eg sjølv som må ete det, og eg treng ikkje småkaker.

Marit og eg snakka om å fare til Vik og handle i dag, men det blei til at vi slo det frå oss. Eg har ikkje vore så aktiv dei siste dagane ,har ikkje hatt min vanlege energi, men den kjem vel igjen.

Eg likar å ha det varmt, så det blir oftast til at eg fyrer med ved sjølv om Varmepumpa står på. Eg fekk mange vedsekker med Rasmus og hadde att ved som eg kjøpte med Even i vår, men no er alt borte snart. Det er ikkje sikkert at Even har ved å selje i år, så då må eg sjå meg rundt etter ein annan "vedmann".

 Når eg går opp på Vernet ser eg kor mykje skog det veks langs elva nedover. Den skogen skulle ha vore borte, så hadde det blitt finare utsikt også. Nils gjekk på kommunekontoret og der fekk han løyve til å sage ned diverse tre, så heile tida mens han var frisk hadde vi rikeleg med brensel. Rasmus har drive med ved der hytta deira er, og eg har fått mange sekker med han. I dag sette eg fyr på to kubbar som låg i omnen frå i går , så då vart det skikkeleg god varme her. Så no trur eg varmepumpa greier resten. Eg har styrt på med noko i heile dag, men no skal eg sette på TV-en og ta fram strikketøyet, dei to høyrer i lag.

I dag er det 13.desember og Lussimesse- Santa Lucia-dagen.

I boka mi står det: Minnedag for den hellige Lucia fra Syrakus (død 310)som under keiser Diokletian ble forsøkt tvunget til å si fra seg sin tro ved å stå på en ring av ild.

Før i tida brukte eg, i alle fall somme år, å bake Lussekattar, kva dei hadde med Lucia å gjere har eg ingen kunnskap om.

Svart senker natten seg..................................

Ønsker alle ei god helg med og utan Lussekattar.

Dagbok 2024: 12.desember

 

Frå Mosmarka til sentrum

Klokka er no 15.36, temperaturen ute erca +2 grader og det regnar litt, mørkt er det også, så det er litt ufyseleg- heldigvis kan eg vere inne og ha det varmt og godt, men det minkar på veden min, så no må eg bestille nokre sekker. Hittil har eg brent på ved som Rasmus kom med og noko eg hadde att frå i fjor. Eg synest omnen min sluker veden fort, men så klarer varmepumpa resten. Når ein bur åleine tregst det litt fyring for å halde temperaturen oppe-.

I dag vakna eg grytidleg , som vanleg og tok ein tur inne i leilegheita før eg la meg att, og stod opp på skikkeleg tid. Marit ringde og skulle ikkje på trening i dag, så eg måtte fare åleine. Litt synd for vi hadde tenkt å fare på SPAR og handle i dag, der er det litt meir å velje i enn på KIWI. Men eg for åleine og gjorde det eg skulle før eg for heim og tok ein tur på Vernet straks. Det var bra for då eg kom heim att begynte det å regne. Eg fann meg litt mat før eg sette meg inn i godstolen attmed varmepumpa. Men det vart liksom ikkje varmt nok, og så begynte eg å kjenne på litt hovudverk, det er det veldig lenge sidan eg har hatt, og veldig sjeldan eg har, og eg tru det går fort over. `Tinnitusen dermot har blitt meir merkbar siste året, men ikkje så gale som det var første åra eg var plaga. Eg har hatt tinnitus i over 20 år, men ei stund var det nesten stilt i øyret, før det kom att.

Eg har sete og slappa av ei god stund, og ikkje gjort anna enn å sjå på TV, så no må eg ta fram strikketøyet om ikkje anna. I morgon er det fredag og vaskedag, så då får eg ta husarbeidet. Eg gjer ikkje så mykje ekstra til jul.

Utsikt mot fjorden og Hovdebygda

Kvar gong eg er oppe på Vernet og ser utover, blir eg slått av kor stort Ørsta har bltt på dei åra vi har budd her, heile Mosmara-feltet er bbygt opp i seinare år og Vallabøen der vi bur har også vakse seg større. Det er Ørsta som er heimbygda mi no, vi har budd her i nærmare 60 år og føler oss heime her. Når eg ein sjeldan gong er på Eid kjenner eg meg ikkje att.

Dagbok 2024: 11.desember

 Klokka er no 16.30, temperaturen ute er minus 1grad, men det ser ut til at det regnar aldri så lite.

Då eg vakna i dag var eg heilt i villrede, eg greidde ikkje å finne ut kva dag det var-og det hjelpte ikkje å sjå på klokka, eg måtte stå opp og sette på datamaskina, for å finne svaret.

Eg hadde ærend til Volda,  eg likar ikkje å køyre den vegen, men etter ein litt alvorleg tale frå meg sjølv, bestemte eg meg for å fare. Det gjekk heilt greitt, men då eg kom bort på andre sida -på Ose,  vart det tjukk skodde som gjorde det vanskeleg å sjå. Men eg såg den kvite stripa på vegkanten og bilen framfor meg så då var eg berga. Eg var ikkje interessert i å vere så lenge i Volda, så eg køyrde rett opp til Jakobsen og kjøpte kjøt. Og etterpå køyrde eg heim. Eg kunne ha tatt ein tur i Furene og handla, men eg hadde meir lyst heim. Her heime inviterte eg Marit på kaffi og kake, det er ikkje ofte ho har kunna kome ned til meg i det siste. Vi drakk kaffi og åt kake, heilt til ho ville heim att. Då gjekk eg tur.

Det er somme tider ein ikkje veit kva ein skal ha på seg, eg visste at gater og vegar var isa, men ikkje kor glatt det kunne vere. Eg tok ikkje på meg piggskorne, men det skulle eg ha gjort, for på asfalten var det is. Men eg greidde meg godt for eg hadde tatt med ein stav. Det å gå med stav er veldig lurt, for då retter ein seg opp og går fortare enn ein gjer elles.

Middagen i dag, vart den same som i går, og dagen før : Grove brødskiver med leverpostei og sylta rødbeter. I leverposteien er det mykje jern, derfor er det bra for meg å ete den-og  eg likar den. Så då er det vel heilt greit ?

I morgon er det trening igjen og så skal Marit og eg handle litt på Spar-det er ikkje alt vi får på KIWI.

                       Storebakken  kl 15.05. Ser de månen

Dagbok 2024 10.desember

Klokka er no 18.09. Temperaturen på trappa er + 3 grader C, og på Pc-en min står der no at temperaturen skal stige-ja, la den berre stige, det er ikkje meg i mot.

Men eg saknar litt å gå tur på kvite vegar med stav i hand, ikkje var eg ute og gjekk i går og ikkje i dag heller. I dag var vi , Marit og eg, på trening først og på butikk etterpå. Resten av dagen har eg styrt på her heime, med klesvask ,oppvask og rydding og vasking av frysedelen på kjøleskapet, berre for å nemne litt av det eg har gjort. Sjølv om eg bur her åleine så blir det litt husarbeid- og godt er det, for så har eg alltid noko å styre med. Då eg sette meg ned og skulle sjå TV sovna eg ei lita stund-det er typisk.

Eg kan ikkje hugse at vi har hatt så skiftande ver før, vi er enno ikkje komne til jul, men vi har hatt fleire snøfall, vi har hatt kulde og regn og alt mulig synest eg.

Det har vore ein tradisjon at heile storfamilien har vore her 2.juledag, og slik håper eg på at det kan bli i år også. Eg legg i alle fall opp til det. I fjor måtte Solveig ta over, så då var vi der. Eg med handa i gips. Eg får no hjelp av jentene mine viss eg treng det. Men eg set ikkje så store krav til meg sjølv lenger.Det som er spesielt med jula no når barnebarna er vaksne er at dei kjem heim til høgtida. Olaug kjem ikkje heim til jul i år, sidan ho har ein liten gut på berre vel ein månad.

Før i tida, då vi var unge, var det kjekt å gå i butikkar før jul og kjøpe gåver etc. Det gjer eg ikkje lenger, og gåvene får dei kjøpe sjølve når dei får litt pengar å kjøpe for. Eg veit ikkje kva ungdommane set pris på å få.

Men eg saknar litt å gå og sjå på alt som er, men det er ikkje så kjekt å gå åleine. Eg tenkjer eigentleg ikkje så mykje på det I dag er det 14 dagar til julaftan og dei dagane går fort.
 

Dagbok 2024:9.desember

Utsikt frå altanen.

 Klokka er no17.05, temperaturen ute er minus 2 graderC, men eg trur det blir kaldare etter kvart, for det ser ut til at det klårnar opp. Denne førjulsvinteren har vore vekslande, knapt to dagar med samme ver; no får vi visst barfrost til ei forandring. Ja, eg for min del saknar ikkje snøen, den er no grei nok viss den ligg i ro, men det gjer den som regel ikkje. Uansett så må vi ha det veret vi får og gjere det beste ut av det. Dagane vert enno kortare og kortare , men snart snur sola og derifrå går det rette vegen.

I dag har eg eit mysterium som eg få finne ut av; eg sat ved bordet og år frokost,og drakk kaffi. Då fann eg ut at eg måtte ha sjokoladen frå adventskalendaren attåt kaffien. Eg gjekk inn på stova og henta den, men der stoppar det-eg har ikkje ete den sjokoladen og eg har leita og leita utan å finne den. Det er eit mysterium, Eg har enno ikkje funne sjokoladen.

Sidan det var fint ver og opplett, fann eg på å vaske på soverommet og bytte på senga. Der er så mange teppe på golvet at det må nesten vere opplett når eg har dei ut. Så bytte eg på senga med det samme og sette på klesvask.

Då fekk eg enda fleire gode idear sidan eg først vaska kunne eg vaske litt til, dusjkabinettet til dømes. Men då måtte eg ut og hente "bilvask"- eg har tru på den når det gjeld t.d. dusjkabinett etc. Om det vart så velgig reint kan eg ikkje påstå- Eg fann enda fleire oppgåver, eg måtte ta oska ut or omnen og vaske ruta i ovnsdøra. Der brukar eg steikovns-rensk og det går veldig bra. No er ruta klar og fin, så lenge det varer.

Eg hadde avtale med Marit om å komme opp ein tur, og der vart eg både vel og lenge, for dei ho venta på kom ikkje som avtalt. 

Då eg kom ned att var det rett i kjellaren for å hente tørre klede-som ikkje var så tørre som dei skulle ha vore-alle dei små plagga hadde samla seg inne i dynetrekket, med det resultatet at ingenting var heilt tørt. Men eg har no meir sengetøy i skapet, så då fekk eg bruke av det. No er alt i orden, men det er ikkje mykje att av dagen. Eg hadde tenkt å gå ein tur-men det er enno ikkje for seint.

I morgon er det trening+ handling på KIWI.

Dagbok 2024: 8.desember 2.søndag i advent.

 Klokka er no 19.05, temperaturen ute er +2 grader C og det regnar. Ikkje akkurat julestemning , heilt greit for meg at det ikkje er snø. Men det er no fint med snø i jula, berre den ligg i ro.

I dag har eg gjort lite og ingenting, berre lata meg. Ut på ettermiddagen kom Solveig på besøk og det var veldig kjekt, når vi er berre to får vi prata om mangt og mykje -utan at eg misser tråden på grunn av dårleg hørsel.

Eg har altså ikkje vore ute og gått i dag -veret frista ikkje. Det vart til at eg sat og strikka framfor TV-en. Det skjer så mykje i verda for tida, så eg greier ikkje heilt å få med meg alt. Det er sikkert ikkje så farleg, for eg kan ikkje gjere verken til eller frå.

Mest snakkar vi, Solveig og eg, om det som hender i storfamilien-og det er ikkje så lite, vi ser fram til å samle dei fleste i jula- her hos meg.

Juletre frå Clas Olson på kjøkkenbordet i dag, kjøpte det i fjor. Her skal det pyntast!!!

Dagbok 2024: 7.desember

                                                           Lite snø på vernet i dag

Klokka er no18.15, temperaturen ute er +2 grader C, men på Pc-en min står det "Temperaturfall"-ja så blir det vel kaldt igjen, men eg håper i alle fall at vi ikkje får mykje snø.

I dag morgon og nesten heile dagen har eg følt at det var sundag, derfor har eg gjort lite og ingenting.I dag morgon var eg også veldig låk i ryggen og venstre hofta, Men til stor glede for meg sjølv, gjekk det for over. Men søndagskjensla har ikkje forlatt meg.

Men eg greidde i alle fall å gjere litt. Eg rydda litt i hagen der vi tok bort klungerrrosene og etterpå gjekk eg tur på Vernet. Det var veldig kjekt å komme opp att på kjende stigar, eg møtte ei par eg kjende også.

Då eg kom heim var eg svolten-det er eg stort sett heile tida,men eg fekk ikkje middagsmat i dag, berre brødskiver med leverpostei -for jerninnhaldet si skuld.

Etterpå syntest eg at eg måtte gjere noko sidan det ikkje var søndag, så då laga eg ein botn til Pavlova-kake. Eg har ein botn liggande frå før, men eg tenkte det var greitt å ha fleire.

Etterpå har eg site og sett TV og strikka,  i morgon må eg sikkert gjere noko-men det er då det ER søndag, så det spørs-.

Sidan det skal bli kaldare igjen får vi vel meir snø også. Snøen er grei nok den, berre han ligg i ro etter at ein har moka, men det gjer han sjelden.
 

             Slik ser det ut her i gata vår i dag,berre litt gammal snø ligg att.

Dagbok 2024: 6.desember- Nilsmesse/Nicolausdagen- Var messedag for denheilage biskopNicolaus frå Myra

Den heilage biskopen er vel helst ukjend, men han har eit anna namn også: Santa Claus, som kanskje alle kjenner til.

Apropos jul så er det ingen julestemning ute- Inne derimot har eg ruska fram den gamle julepynten, som begynner å bli slitt i kantane- men det er det som er sjarmen med julepynt, synest eg. At den er gammal eg ber på minne frå mange år tilbake. Til og med det vesle gamle juletreet har eg spjelka opp att så det kan stå på bordet i hjørnet. Det er ingen disigner-jul her,nei. 

 

                                             Desemberhage

Klokka er no 17.25, og det er + 6 grader ute. Ikkje meg imot, men ikkje rette julestemninga -ute altså.

I dag er det fredag og vaskedag. De er no ikkje så mykje eg vaskar alltid, ofte berre kjøkken og bad. Det er no stort sett berre eg som er her.

Men i dag hadde eg eit ærend til Vik. Det var plutseleg slutt på nokre av tablettane mine, og då må eg ha nye. Derfor tok eg og køyrde ned på ALTI sånn ein gong mellom kl.13 og 14.

Er det nokon gong der er mykje folk og bilar i Vik så er det akkurat den dagen og timen. Det var kø på apoteket, mange som venta og få som vart ekspederte. Dei var komne til nr. 82 då eg kom, eg fekk nr. 89. Og det gjekk ikkje unna. Trur at dei som var der og handla var slike som kjøpte for t.d. alders-og sjukeheimar, for dei blei aldri ferdige. Og vi kom berre til 83. Men ein gong var det slutt og nummer 84-85  etc kom opp, men kundane var vekke-heilt til eg kunne skride fram som nr. 89.

I mellomtida hadde eg fått meg to venninner å prate med. Og eg hadde tid å vente, og det måtte eg, for eg var heilt lens for eine tablettsorten.

Då eg kom heim att laga eg meg litt mat og så henta eg inn posten med aviser etc. Der var også eit hefte med bøkene som er aktuelle. Eg skammar meg verkeleg for eg har nesten slutta å lese bøker. I mange år las eg lydbøker støtt og stadig, men då eg kom  på at har eg lese berre 2 bøker i år, Den eine hadde Øystein skrive og den andre Arill Riise. Så eg les visst berre det som kjentfolk skriv. Men no såg eg i heftet at Tore Renberg har ei ny bok som eg kunne tenke meg å lese. Boka heiter LORDEN og er skriven på nynorsk-hans 3.nynorskroman står det å lese. Edvard Hoem kjem også med ei ny bok i år. Så no må eg visst til å lese igjen.

                                         Det kjem ein vår ein gong

Dagbok 2024: 5.desember

                                               Utsikt frå altanen i dag.

Klokka er no16.00og det mørknar fort ute no. Eg synest det er kjekt at naboane pyntar så fin ute , med mykje lys. Det varmar i mørketida. Eg er ikkje flink med slikt, så eg har ikkje hatt opp noko ute enno. Eg har no ein dørkrans om ikkje anna.

I dag har eg vore på trening , men gjekk ikkje tur etterpå slik som i går, då gjorde eg visst litt for mykje av det, for eg vart låk i ryggen- så i dag slappa eg av etter at eg hadde ete "middag". Marit var så bra i dag at ho kunne vere med på treninga, og etterpå var vi på KIWI og handla.

Eg hadde tatt med alle tomflaskene mine, men eg fekk ikkje panta alle i dag, for masineriet stoppa to gonger mens eg ladda inn. Ikkje så farleg, eg let flaskene ligge i bilen, så prøver eg ein annan dag. Dei har hatt gravkransar på KIWI i år, eg har ikkje kjøpt enno, men no blir snøen nesten heilt vekk, så då passar det å stelle på grava.

Då eg kom heim  i dag laga eg eit måltid med brødskiver og godt pålegg. Det får passere som middag. Eg trudde eg skulle få til å rydde litt i dag/kveld for i  morgon er det vaskedag. Eg har eit rom fullt av rot, Wenche kallar det roserommet fordi der er roser på tapeten, eg kallar det "Rote-rommet "fordi det er det. 

I kveld skal Marit og eg sjå film i lag oppe hos henne. Det er litt artig å sjå film i lag, i staden for å sjå åleine. Det er Quisling det handlar om. Dei viser litt av filmen kvar torsdag så lenge den varer.

Det var noko av julepynten eg ikkje fann att nede i kjellar-boda. I går hadde eg eit anna ærend ned dit. Då snubla eg nesten i dei to kolliane.

I morgon er det som sagt fredag og vaskedag. Men laurdag har eg lyst å gå i butikkar, for å sjå............kanskje.No skal eg Rydde!!!!!!