Klokka er no 13.15. Temperaturen ute er + 4grader C, det er lettskya og fint, men ikkje så strålande som det var for ei stund sidan. Det vart snømoking på karane i gata i dag også, men Nils finn det ikkje umaken verd å starte opp fresaren. Snøen minkar for på denne årstida, men det er litt synd for alle dei fine krokusane som no blir heilt øydelagde. Rasmus med familie tok seg ein tur til Vik i dag, så her vart brått så tomt og stilt. Eg driv og lagar mat, som vanlig, i dag skal vi ha Mulligatawnysuppe etter Gunda si oppskrift. Eg antyda at den er litt sterk, sidan den er indisk, men dei vaksne har vore i India, og har sikkert smakt det som verre er. Gutane et den ikkje uansett. Eg serverer ris ved sidan av, så då blir det noko dei likar også. I morgon blir det Hareidstur på familien. Nils og eg vel å vere heime denne gongen, vi traff jo alle sist sundag. No skal eg ta opp høna og kjøle den av, før eg rensar kjøtet. Vi får håpe smaken blir som den skal vere. HOT.
Ingen kommentarer:
Legg inn en kommentar