Klokka er 13.45, temperaturen +3 grader C, og det regnar ute. Det hadde kome mykje nysnø i natt og Nils hadde bra trim med å moke for hand. Dessverre kjem ikkje snøen til å bli liggande, den har alt smelta mykje.
Mens Nils moka ute, vaska eg litt inne. Og etterpå hadde vi diverse ærend til Vik. Måtte ut att på butikken til Målar-Olav i dag, for sist eg var der, prata eg meg vekk med gardindama og gløymde kva eg eigentlig skulle kjøpe.(Såg litt på gardiner i dag også). Skulle ha noko lite på Europris også, så vi var innom der. På Amfi handla vi berre mat, men trefte litt folk å prate med, som vanlig. Såg at mange av pensjonistane hadde barnebarn med seg i dag. Dernest var eg innom biblio og leverte inn bøkene eg lånte før helga, har ikkje lese dei, men lagt dei inn på MP3. Og til slutt var eg innom Bakk-Ola og henta Årsmeldinga som dei har kopiert til meg. Litt rart å ikkje ha tilgang til kopi-maskin, slik eg hadde før.Dvs. eg har ei kombinert kopimaskin/printer, men fargepatronene er så dyre at det ville bli dyrare enn å leige til kopiering.
Årsmøtet i pensjonistlaget er komande onsdag.
I dag handla eg inn rømme til rømmegraut, men om den blir laga i morgon på feitetysdag eller ein annan dag vil tida vise.Vi avstod frå krembollar i går, så vi har litt å gå på. Trur eg.
No skal vi snart ete middag. I dag blir det fiskekaker frå frysaren med diverse tilbehør.Nils ventar på fiskever, for vi er nesten lens for fisk, noko som sjeldan hender.
1 kommentar:
Olaug moka her i går på eige initiativ (!) I dag vakna ho skikkeleg forkjøla. Så no satsar eg på at den siste snøen regnar vekk ...
Legg inn en kommentar