mandag, februar 13, 2012

Vermelding 13.februar - 2012

Klokka er vel halv åtte. I dag har det snøa og slapsa nesten heile dagen. Temperaturen ligg no på   ca 3   grader C.
I dag var vi ein tur på butikken, og etterpå laga eg glasur til kakene eg bakte i går.
Vi fikk melding om at Bodil og Svein ville ta seg ein tur opp til oss i dag, sidan dei skulle hente folk på flyplassen her.
Før dei kom åt vi middagsrestar frå i går, og så blei det "nonsmat" då gjestane kom. Det er ikkje sikkert alle veit kva nons eller non er? Før i tida åt dei fleste folk på landsbygda middag klokka 12.00. Då var det vanlig med eit brødmåltid med kaffi til rett etter arbeidstid. No går det vel mest i lunsj eller formiddagsmat midt på dagen, og middag i 16-17 tida?
Som pensjonistar gjer vi akkurat som vi vil med måltida.
Det var i alle fall veldig hyggelig med besøk, og vi hadde som vanlig tusen ting å snakke om.
I morgon er det styremøte i pensjonistlaget. Og Nils skal på gruppemøte i SV om kvelden.

4 kommentarer:

solveig sa...

Her har det regna og blåse i dag. Kjekt slekta stikk innom!

Hildegard sa...

Takk for ei koseleg nons-/kaffistund.

Hildegard sa...
Denne kommentaren har blitt fjernet av forfatteren.
Bjørg sa...

Eg veit jo godt kva non er. Slik var det på gardane då vi vaks opp. No er det oftast middag i fire - femtida som du seier, med oss og.