Vermelding: 6.oktober 2010

Klokka er no snart 20, og det er for seint å ta bilde ute.Men eg reknar med at de etter kvart er kjende med utsikta frå trappa og frå altanen vår. Temperaturen er +11 grader C, framleis er det mildt men ikkje så varmt som i går, då det var + 20 grader på kveldstid. I dag har det vore ganske mørkt og regnfullt, litt synd for dei som har haustferie.
Margrete og ungane kom hit etter at Erlend hadde vore til tannlegen, men dei måtte vente litt på middagen, sidan vi hadde invitert Einar også. I serien "gammaldags mat" vart det i dag svinesteik og medisterpølser.No har eg snart brukt opp alle dei gammaldagse rettane eg kan, så då blir det vel repriser.
Margrete og eg var ein liten tur nedover såpass eg fekk vist henne gardinene eg likte, og ho likte dei, ho også. Så no blir det kanskje litt utskifting i heimen. Skikkelige gardiner er dyrt, så det er ikkje noko ein kan kjøpe ofte. Eit alternativ er å kjøpe rimelige ferdigsydde i pakkar, men dei passar ikkje, så då må eg til å klippe og sy.......
Nils var ute og drog teiner i dag tidlig, fangsten var ikkje stor, og Margrete fekk med seg det som var, håper ho fann litt mat i dei.I morgon kjem trulig Håkon innover og skal fiske i lag med morfaren.Det er meldt storm til natta, så vi får håpe det stilnar igjen fort.