Eg bad mamma om oppskrift på aniskringler ein gong, og det fekk eg, men eg laga dei aldri. No ser at Solveig har opp til fleire oppskrifter på bloggen sin, så då vil eg komme med mamma si også.
1/4 kg kveitemjøl
80 gram farin
100 gram margarin
1/2 teskei kardemomme
1 teskei anis
3 1/2 dl melk
40 gram gjær
Smuldre margarinen i mjølet, ha i anis, kardemomme og sukker.
Rør gjæren ut i melka, ha det i og bland deigen lett saman. Lat heve til dobbel storleik. Elt deigen og lat den stå i 15 minutt til.Del deigen opp i ca 40 emne og trill kvart emne til ein ca 30 cm lang rull som ein formar til ei kringle.
Etterhev godt over damp, pensle med egg og steik ved 250 grader i 4-5 minutt.
NB: Kan dessverre ikkje legge ved bilde i dag-men kven veit?
Abonner på:
Legg inn kommentarer (Atom)
Dagbok 2024: 23.desember: GOD JUL
Klokka er no 18.20, temperatur-målaren står på 0, det er opplett-og på markane ligg det litt snø. Eg håper i mitt stille sinn at det ikkje...
-
No har vi rikelig makrell til oss sjølve, enda om diverse naboar har fått sitt. Makrellen kan vi steike, men best likar vi den kald, kokt me...
-
Klokka er no16.42, temperaturen ute er +24 grader, Det har vore ein fin dag, og den vart finare etter kvart. Bildet over tok eg på føremidda... -
Klokka er no17.14, temperaturen ute er + 16 grader,det er mest overskya men opplett og fint ver å gå tur i. Eg kom nettopp att frå ein tur p...
7 kommentarer:
Dei er ikkje så forskjellige... Her må du smuldre smør og mjøl. Visss ein brukar kniven i foodprossessoren, så går det fort. Raud gjær fanst ikkje då. Den et litt sukker meiner eg, slik at ein må ha meir sukker, men då hevar dei meir. Egg og meierismør forringar heller ikkje.....
p.s.
Mormor sine aniskringler var kjempegode. Og bollane! Eg hugsar bror vår brukte å få med seg ein pose heim.
Eg har ikkje særleg peiling på aniskringler. Men stort sett er eldre oppskrifter (med unntak av Schønberg Erken o.a.) meir sparsommelige med t.d.sukker, egg og anna som var relativt dyrt eller vanskelig å få tak i.
NB:Mine bollar er heler ikkje å forakte! Brukar oppskrifta til TV-Wenches Solskinnsboller. Den ligg på nettet.
Ikkje mine heller....
Eg har utarbeida mi eiga.
Den hemmelige ingrediensen er nok handlaget ein får av erfaring. Eg bakar rundstykke kvar dag på jobb og treng berre sjå på, ikkje ta i gjærbaksten,for å vite kor tid han er ferdigheva. Elevane lurte på kva det betydde at den skulle hevast til et lett fingertrykk går sakte tilbake.
Kan ikkje hugse at eg har baka aniskringler nokon gong. Kva har eg gått glipp av? Kanskje ungane mine hugsar noko frå farmor si tid?
No skal eg i alle fall prøve, kanskje veslejenta vil hjelpe meg? Takk for endå ei oppskrift. Då eg lærde å bake grovbrød heime i Torvika, 10 - 12 år gamal, brukte vi å sjekka om deiga var nok heva ved å lyfte opp litt av deiga og stikke inn under ei tend fyrstikk. Slokna fyrstikka var deiga ferdigheva. Effektivt, sikkert eit kjerringråd. I dag baka eg 36 bollar etter oppskrift på den blå (Møllerens?) mjølposen. Fekk uventa besøk av storegut i Kvh.v. og han forsynte seg godt. Kjekt å glede ungdomen av og til.
Eidabesta
I dag gjorde eg eit lite eksperiment når det gjeld brødbakst. Hadde noko ballmjøl(klubb-) ståande; den typen som er berre å tilsette vatn.Fann ut at eg kunne ha litt av det i brøddeigen-og brøda vart gode, dei. Men hadde eg hatt for mykje i så hadde det smakt ball. Elles var det fint å bli påmint av Eidabesta om det gamle fyrstikktrikset, hadde heilt gløymt det.
Eg hugsar det og frå Espelid si tid. Ho var pedagog! På skulekjøkenet må vi ofte jukse med førstehevinga.
Legg inn en kommentar