Dagbok 2024: 31.oktober

Klokka er no 17.46, men det ser ut som om det er midt på natta, eg merkar at kveldane kjem tidlegare no når vi har stilt klokka.

Temperaturen ute er +8 grader C og det regnar og regnar, men det er liten fare for oversvømmelse her oppe i bakkane.

I dag var eg på trening, men tok beine vegen heim. Her har eg ikkje styrt med så mykje, men då eg såg at det ikkje vart tur på Vernet i dag heller gjorde eg ein liten jobb heime. Eg vaska og rydda i matskapet mitt, ikkje kjøleskapet men der eg har salt og sukker, ris og mjøl etc. Det var i grunnen lurt å shine opp der, såpass eg veit kva eg har . Eg har ein tendens til å kjøpe ting eg TRUR eg treng.

Alle veit vel at eg strikkar lestar. Av eit nøste får eg tre lester, det er litt dumt , så eg kjøper helst 2 like buntar og strikkar 6 lestar, så kan ein pare i hop det ein vil. I dag trudde eg at eg strikka på lest nummer 5, men då eg såg etter, var det nr.6 eg vart ferdig med. Men eg kan godt strikke ein til å ha i reserve.
 

Som sagt, det er heilt mørkt ute no,, og eit ufyseleg ver, men det er ingenting mot det eg ser på TV, og det skal visst halde fram slik.

I morgon skal eg relativt tidleg ut, for eg skal vaksinere meg både mot Corona og vanleg influensa. Det må skje mellom klokka 9 og 11. Men eg skal ikkje ta fredagsvask i morgon, så eg er fri og frank. Men det som ergrar meg litt er at eg ikkje får rydde opp ute i hagen så lenge dette veret varer.  Men så lenge snøen held seg borte er no det eit+

No kom der to jenter og ringde på-og eg hadde ikkje snop, for eg feirer ikkje Halloween. Dei sa at det var heilt greit.

Vi slepp å famle oss fram i mørkret her i Starevegen, for naboane lyser opp. Eg lyt vel etter kvart begynne å gå tur på vegane i staden for på Vernet, men så lenge det er bert kan eg gå der oppe.

Eitt er eg sikker på; tida går fort, og snart er det JUL Og eg glad for at det regnar no i staden for at det kunne komme snø. 

To kjekke jenter som kom for å få snop, men eg hadde ingen ting. Det gjorde ikkje noko sa dei, for dei hadde alt fått mykje. Eg beundra kleda deira. Dei har no gjort seg flid med kostymene-

Dagbok 2024: 30.oktober

 

Klokka er no17.55 og det er bekmørkt ute.. Eg gjekk ut på altanen og der såg eg den lysande "bydelen" Mosmarka. Der er sjølvsagt lys i Vik også-

Temperaturen her er ca +8 grader, det var mindre snø i fjella i dag enn i går, men så har det regna  heile dagen, så eg har ikkje kome meg lenger enn til garasjen for å hente ved.

I dag hadde eg tenkt å ta fredagsvasken som eg ikkje tok sist fredag , og det gjorde eg ,  eg hadde tenkt å ta litt meir, men så er det dette med å ha ut teppe når det regnar som verst - det får bero så lenge. Det er alltid noko ein kan gjere viss ein vil.

Eg hadde strikka på ein lest i går kveld, men var ikkje nøgd med arbeidet mitt, så eg rakte opp og strikka på nytt-det tok litt tid, men så vart lesten mykje finare.

Eg hadde  tenkt å gå på Vernet i dag, men slo det frå meg. Eg synest hausten vart litt trasig , men så er det no snart november også. Men eg har ting eg skulle gjort ute, før vinteren kjem, så eg håper at det kan bli nokre fine dagar sjølv om det lid på.

I morgon skal eg på  trening igjen, godt å ha plikter, så ein ikkje berre blir sittande. Eg har TV på når eg sit og strikkar og då høyrer eg nyheitene mange gonger oppatt det same, så kanskje eg får med meg litt.

Som sagt så fyrer eg i omnen attåt at eg har varmepumpa på, å fryse er det verste eg veit, men eg har mykje heimelaga ved og ved eg har fått av Rasmus, når ein er berre EIN så treng ein meir varme.

I morgon er det altså trening og fredag skal eg ta vaksine, og så skulle eg ha vore ein tur på EL-kjøp og på VØR(når eg får rydda litt meir) Godt å ha planer.

Dagbok 2024: 29.oktober

Klokka er no 16.25, temperaturen ute er +10 grader C og snøen smeltar litt etter litt i fjella.

I dag var det den vanlege tralten igjen, først var eg på trening og så var eg ein tur opp til Marit. Ho er mykje betre og og komande torsdag skal ho begynne på treninga igjen. Det er utruleg, nesten, at ho kunne bli så fort bra, men når det er betennelse er det vel slik.

Etter at vi hadde prata frå oss, gjekk eg ein runde på Vernet, Der var ikkje så mange i dag og ingen eg kjende, så eg rota ikkje bort så mykje tid .

Til middag i dag laga eg risgraut,noko eg brukar å gjere  når eg har melk til overs. Eg likar ikkje å kaste mat. 

      Naturen skifter ham og vi får andre fargar. Kvar årstid har sin sjarm

Eg tok ikkje fredagsvasken sist fredag,men denne veka blir det onsdagsvask, så er eg fri på fredag når eg skal vaksinere meg. Eg tek mot alle vaksiner eg får tilbod om, og er har aldri blitt sjuk av det, slik mange blir.

No må eg gå igjennom avisa (Møre Nytt)før eg set på TV-en og tek fram strikketøyet. Eg hadde hatt bruk for nokre fineversdagar slik at eg hadde fått rydda skikkeleg opp i hagen. I fjor kom vinteren før eg hadde spylt klipparen, og det var ikkje så lurt. I morgon har eg heile dagen til disposisjon så då må eg no få gjort noko. Såg ikkje særleg fint ut då spola skein på stuevindua, så der har eg ein jobb også. Det er så kjekt å alltid ha noko å gjere, då får ein ikkje til til å kjede seg. Eg er glad i huset og heimen min.

                                              Slik er det her i dag

Dagbok 2024: 28.oktober

Klokka er no  18.48 , temperaturen ute er berre 2-3 +grader og kvelden kom tidleg i dag.Det positive er at vi slepp regnet. I dag fekk eg gå på Vernet for første gong på over ei veke, og det var nydeleg å komme ut i fineveret.

Men før eg gjekk ut hadde eg gjort ein liten jobb inne, eg hadde mellom anna stroke dukane frå selskapet, dei eg vaska og tromla i går. Det var akkurat litt fuktige så det var fint å stryke dei. Litt andre småjobbar gjorde eg også før eg kom meg av garde.

Eg likar i grunnen ikkje snø , men litt kvitt på toppane eg no fint, eg møtte mange andre vandrerar i dag, men ingen eg kjende, Då eg kom heim rydda eg litt i klunger-hola, men det må eg ta att ein annan dag.

Utsikten forandrar seg etter årstidene. Det er no dei mørke granene får dominere.

Då eg hadde rydda litt ute gjekk eg inn og laga meg middag. Eg hadde ein pakke med spekesild, og så kokte eg poteter til og fann fram litt tilbehør , mellom anna ein ferdigkjøpt grønerterstuing. Man tager det man haver-Og eg er så glad i mat at eg et nesten kva som helst.

Eg har ikkje strikka i dag, for handa har vore litt låk, så eg har streva med å løyse sudokuen frå fredagsavisa, Den må vere ferdig før klokka 10, for då får eg tysdagsavisa på nett og der kjem løysinga. Siste gongen eg såg over no,trudde eg at eg var i mål, men så var der ein liten feil, men eg veit ikkje om eg orkar å finne den-

I morgon er det trening igjen, så då må eg stå opp i tide, men det er ikkje problem for eg vaknar alltid tidleg  same kva eg skal.

Det var kjekt då Rasmus var her, og vi for rundt og køyrde i bilen min, på VØR og til Furene. Det er kjekkare enn å fare åleine, men eg må snart ein tur på VØR igjen , eg har sekker ståande alle plassar med såkalla hageavfall. Godt å få det vekk før snøen kjem. Eg har diverse eg vil gjere i hagen , berre  det ikkje kjem snø før eg er ferdig slik som i fjor.

Dagbok 2024, 27.oktober

 

Klokka er no15.30,temperaturen ute er +7 grader C og det regnar. Skikkeleg ufyseleg ver no, Eg hadde tenkt å gå ein tur på Vernet i dag, det er ei veke sidan sist, trur eg. Men eg går ikkje i dette veret.

Rasmus reiste i dag morgon, men han er vel ikkje komen heim til Kongsberg enno.

Vi diskuterte i går kveld kva veg han skulle ta, eg foreslo Kvivsvegen og Utvikfjellet og Hemsedalen- eg har no reist den vegen mange gonger, men det er mange andre vegar som fører til Kongsberg -. Eg håper det går bra denne gongen også om ikkje veret er så bra. No kom det eit solstreif her,gjennom regn og skodde.

I dag har eg halde på å rydde opp litt, og det er no kjekt å ha noko å styre med inne, når ein ikkje kan vere ute. Det er nok å rydde opp i både ute og inne. Eg vaskar og tromlar klede etc. Og så er eg fri til å gjere det eg vil i morgon også. Eg skulle berre ønske meg litt betre ver  så eg kunne få jobbe ute også; eg er ikkje ferdig med alt eg skal gjere til vinteren,  eg må snart på VØR igjen,og tida går fort fram mot jul no, på Plantasjen hadde dei både juletre og anna pynt. Eg ser ikkje fram til vinteren, eg hugsar i fjor kor glatt og farleg det var, og så er det snø som skal mokast. Vinteren er ikkje for gamle folk, men eg kunne ikkje tenkt meg å reise til "Syden" heller. Det letta litt opp no så eg skal sjå om eg får eit bilde-

Her må eg rydde opp litt ned i bakken der "klungeren" stod. (Rosa heitte Rosa mayesi, viss eg hugsar rett.)Rasmus tok opp fleire digre røter som ligg att der ned. Dei kan få ligge ute i regnet og bli vaska reine-

Dagbok 2024: 26.oktober

 Klokka er no19.50, temperaturen ute er + 15 grader. Det vart så varmt inne i stova i dag at vi måtte ha opp altandøra. Den dagen Rasmus vart født for 60 år sidan hugasar eg at det var kaldt og rim på markane.

Det blei ei fin og koseleg feiring i dag. Eg hadde laga gulash til middag etter Rasmus sitt ønske- Eg hadde ikkje baka så mykje kaker, for både Solveig og Margrete hadde laga kaker  dei også, og Solveig hadde også laga karamellpudding. Solveig sin familie kom alle, med unntak av Olaug som bur i Bergen, barnebarnet Amund var også med. Margrete kom i lag med Svein og dei to barna som bur på desse kantar. Erlend bur så nær som i kjellarleilegheita mi-

Eg trur alle kosa seg, for vi likar godt å kome i lag i familien vår. No skal Rasmus reise heim til Kongsberg i morgon, så då blir eg att åleine. Men det er ikkkje så farleg for eg har mykje å styre med. Men det har vor veldig kjekt å ha Rasmus her- Blant anna fordi han reparerer ditt og datt som er litt ubrukeleg. Og så har han lagt vinterhjul på bilen min-ein veit ikkje ordet av det så kan det kome både is og snø på denne tida.

Dagbok 2024: 25.oktober

Klokka er no 20.07.Temperaturen ute er +9 grader C, men i dag har det regna, så vi har ikkje fått vore så mykje ute. Eg har ikkje vore ute og gått tur på lenge. 

I dag var vi på VØR med eit stort lass med klunger, så no er eg i alle fall ferdig med den. Vi var også i Furene og såg oss om, sjekka om dei hadde pynta til jul , og det hadde dei, både påPlantasjen og på JULA. På JULA trefte eg att Ingrid som budde her med meg før Erlendt flytta inn- Vi kjøpte ikkje mykje, men for meg som ikkje hadde vore innom JULA før var det interessant å sjå kva dei hadde og det var mykje og alt til rimelege prisar. 

Handla matvarer på Coop i dag. Vi hadde det kjekt og ei stund etter at vi var komne heim åt vi middag. I dag vart det karbonadekaker frå butikk. Vi har slappa mykje av i dag,sett TV etc. Men eg har i alle fall skrella poteter og gulrøter som vi skal ha i morgon. Då får vi mange gjester som vi gjerne vil sjå her. Maten blir enkel men det er det Rasmus ville ha. I morgon er det 60 år sidan han kom til verda på sjukehuset på Eid ein iskald dag utan sol og med rim på markane. Å han ein son på 60 og ei dotter på 61 er litt rart. Eg burde vel føle meg gammal. Men det gjer eg ikkje -ikkje så veldig gammal altså.

I dag -den 25.oktober hadde bror min fødselsdag, men han døde for to år sidan. Og denne helga skal vi stille klokkene til normaltid igjen . Det er slutt på sommartida

 

Dagbok 2024: 24.oktober

 

Dette bildet tok eg frå altanen for ei stund sidan, no er det mørkt ute.

Då eg skulle skrive blogg fekk eg problem, det får eg relativt ofte med bloggen, Det gjeld innlogging etc. Eg brukar å få det til sjølv , men i dag var det ekstra vanskeleg. Då er det godt å ha ein fagmann i nærleiken. Så no er alt i orden.

Rasmus og eg har hatt ein travel dag. Først var vi nedover på ALTI og handla diverse, t.d. lysrør- på Clas Olson. På heimvegen handla vi mat på Kiwi. 

Rasmus begynte å skulle klippe litt på plommetreet, men då eg kom ut vart det meir og meir. Hadde mest lyst å ta ned heile treet, men noko står att enno. SÅ begynte Rasmus på å ta ned resten an rosebuska , den som eg hadde begynt på for ei tid sidan. Og han gav ikkje opp før han hadde fått røtene med. Eg hjelpte til så godt eg kunne. Og no eg bilen min fullasta med tornekvistar. Vi skal på Vør i morgon, men det er no fort gjort. 

Klokka var over 16 då vi fekk tid å ete- to Pzza -og etterpå vart Rasmus ståande ute og prate med Lars og Erlend, så det var no kjekt for Rasmus og sikkert for dei andre og. I morgon skal vi handle inn mat til bursdagen-eg trur det skal gå bra.

Rasmus har fått på vinterhjul på bilen min, så no er det i orden. Vi gleder oss til å få samle familien her på den store dagen.

Dagbok 2024: 23.oktober

 Klokka er no ca 23, og vi er i ferd med å komme til køys. Eg har ikkje vore ute for ei dør i dag, så eg har verken bilde eller noko å fortelje frå Vernet.

Føremiddagen gjekk med til diverse husarbeid og matlaging mens eg venta på Rasmus som skulle kome frå Sundalsøra.. Han brukte ikkje så veldig lag tid på å køyre, om Molde, han var her litt over klokka 15.

Vi har prata og ete og sett TV og slappa av i dag. I morgon skal vi jobbe med diverse viss det blir bra ver. Det aller viktigaste for meg er å få vinterhjul på bilen.Og det får eg no. Det er veldig kjekt å ha besøk, og godt å ha ein her som kan gjere det eg ikkje kan.

Fødselsdagen er ikkje før laurdag, så vi kan få gjort mykje før den tid. Men det viktigaste er no å få vere i lag og snakke med kvarandre.

Eg har ikkje vore på Vernet på mange dagar, men det får no stå si prøve- I morgon skulkar eg treninga-men eg har fått lov med fysioterapeuten å vere heime.

Dagbok 2024: 22.oktobrt

Klokka er no16.33, temperaturen ute er 8 grader og  det har regna meir og mindre i heile dag.Eg har ikkje gått tur på Vernet enno, og eg tvilar på om eg kjem meg ut, veret fristar ikkje til uteliv.

I dag var eg på trening, men har spurt meg fri på torsdag. På heimvegen frå trening var eg innom KIWI og handla litt. Og då eg kom heim gjekk eg ein tur opp til Marit. Ho er no mykje betre allereide, men har problem med trapper, så ho kan ikkje komme ned til meg enno.

Kjøttet som eg kjøpte i Volda på fredag hadde eg lagt i frysaren , men tok det opp i dag tidleg, Då greidde eg å skjere det sundt og steike det i dag. Det er eg nettopp ferdig med no. I morgon ettermiddag/kveld kjem Rasmus. Og laurdag skal vi feire at han er 60 år- 

Eg hugsar at eg følte meg litt gammal då er var 60, og no synest eg Rasmus er ein ungdom. Alt er relativt, som vi brukte å seie ofte før. Eg skulle ønske det vart litt fint ver når Rasmus kjem, for det er mykje han har tenkt å hjelpe meg med mens han er her. Han skal til dømes skifte dekk på bilen min, og så har eg mange småting som eg har tenkt at han skal fikse, så slepp eg å mase på Helge. Sjølv kan eg ikkje drive akrobatik i form av klatring etc lenger, eg har nok med å halde meg på beina-

Rasmus kjem hit i morgon ettermiddag kveld. Bursdagen er laurdag, og så reiser han vel sundag. Eg ser fram til å sjå nesten alle i Storfamilien her.

Det hjelpte ikkje mykje at eg tok opp alt lauvet med klipparen, for epletreet hadde mykje att.

Dagbok 2024: 21.oktober

 

Klokka er no18.00, temperaturen på trappa er+10 grader." Mye regn" står det på PC-en no, og eg tvilar ikkje. Eg har ikkje vore ute for ei dør i dag, eller kanskje eg var ein tur i garasjen og henta ved. Viss eg fyrer gordt opp ei lita stund, så klarer varmepumpa resten-

Eg har i grunne sete lenge og venta på opplett slik at eg kunne gå ein tur, men no har eg gitt opp. PÅ føremiddagen jobba eg med litt av kvart, støvsuga alle teppegolva m.m. Og rydda litt her og der. Eg plar rydde meir ute enn inne, men no får eg visst ikkje gjort så mykje meir ute viss dette veret skal vare.  Eg har no strikka ferdig ein lest igjen,no når eg fekk tak i rette garnet i Volda. Solveig har eit lite lager av lestar eg har strikka som ho kan dele ut etter behov. "Jentene vil heller stikke store genserar og kofter, så kan eg kose meg med lestar. Kanskje eg skulle strikka vottar også,  det har eg aldri likt, men eg har lyst på gode varme vottar sjølv så kanskje eg prøver. Eg har no strikka vottar sjølv - før i tida.

I morgon skal eg på trening igjen, og så går vi no her og gleder oss heile veka til Rasmus skal komme. Han er på Sundalsøra i jobb samanheng; men onsdag kjem ein avløysar og då få han komme hit onsdag kveld. Så skal han og eg lage til feiring av bursdagen hans, som er på laurdag. Då skal vi samlast her.

Eg fann ut at eg må sjå om eg har stor nok duk til spisebordet- Eg plar ikkje ha så mange til bords anna enn om jula. Men det er vel litt for tidleg med juledukar no. Men dei har "julemannar" på butikken!!! Eg har ikkje iundersøkt på Plantasjen, men i fjor var dei veldig tidleg utre med julepynten.

Eg har ein kommode på gangen med fleire skuffer fulle med dukardei blir så sjelden brukte at eg gløymer kva eg har. Men no skal eg sjå etter.

Eg har vore litt lat i dag, men det er ikkje råd å få gjort noko ute når det er slikt ver- merkeleg dette veret , full sommar førre veka. Mye regn står det på skjermen no. Så takk for det!

 Sundalsøra

Dagbok 2024: 20.oktober

                                       Stille og fredeleg her i dag

Klokka eg no 16.30, temperaturen på trappa er + 15 grader C, så vi kan ikkje klage. Sol har vi ikkje no , men det regnar ikkje, det gjorde det før i dag.Klokka nærma seg 15.3o då eg gjekk på Vernet i dag.

I dag har eg hatt ein stille og roleg dag her heime åleine. Eggjorde ferdig gulrotkaka, og vaska opp for hand. Det gjer eg av og til for "moro" skuld. Ti middag laga eg meg karbonade -smørbrød. Elles har eg strikka og sett TV. Eg veit ikkje kor mange gongar eg har sett konserten til Demenskoret men det begynner å bli ein del. Eg hadde ikkje tenkt å bake eplekake i dag, men kanskje må eg det. Eg kjøpte ein "pose" med eple, men då eg skulle ete eitt merka eg at epla var litt for modne. Eg får sjå kva eg gjer. Klokka nærma seg 15.30 då eg endeleg kom meg ut- Då eg kom heim var her ein klisterlappe frå dei som samlar pengar i dag. Der var vippsnummer, så eg kan no berre sende nokre kroner.

Det har elles hendt veldig lite i dag,og det er kanskje det beste?

                Eg fekk nettopp melding frå Rasmus, han er på Sunndalsøra.

Dagbok 2024:19.oktober

 

Klokka er no 18.10, temperaturen ute er + 18 grader C, det er skya men opplett.

Eg set veldig pris på fineversdagar no når vi er komne langt ut på hausten. Eg vakna tidleg i dag som alle dagar, og etter frokost m.m vart det ein tur på Vernet i dag også. Eg hadde med meg telefonen for å ta bilde, men den var dessverre utan straum, Eg trur ikkje eg såg snurten av meir enn 1-2 personar i dag.

Då eg kom heim vart eg sittande i godstolen og var så trøtt at eg trur eg sovna litt. Men etter kvart kom eg meg på butikken for å handle matvarer til helga. FDå eg kom sår eg at Margrete hadde lagt inn ei sida frå Volda-avisa MØRE. Det var så små bokstavar at eg fekk ikkje lese det som stod der. Så prøvde eg å gå inn med Margrete si adresse og passord, men det vart litt plundrete, men så såg eg mot døra og der stod MARGRETE . Ho hadde med seg Dennis, og så skulle dei vere i Volda og gå "Elva-langs"(Trur det er det det heiter?)Dermed fiksa ho det slik at eg fekk sjå avissida, med så store bokstavar som eg ville ha. Det var ei heil avisside, og eg synest Erlend hadde svart godt for seg.

Margrete og eg drakk kaffi og åt is, til ho måtte fare. Dagen var enno ikkje over, så eg rakk å klippe ferdig i skråniga og få opp lauv.Det med lauvet er no ikkje heilt i boks, for epletreet står fullt av lauv enno. men det gjer ikkje noko om det vert liggande under snøen.

Eg har ingen faste planar for sundagen, men eg finn sikkert på noko.  Om eg ikkje finn på noko anna, kan eg bake litt til neste helg, for då blir vi mange her. Rasmus kjem truleg torsdagen-og det gleder vi oss til-

Dagbok 2024:18.oktober

Klokka er no17.26 Temperaturen ute er 16 grader C, men den har vore oppe på 20 talet før i dag. Eit underleg år dette. Vi hadde sommar i mai og no har vi sommar igjen-så lenge det varer.

Eg er nesten alltid tidleg oppe, slik som i dag. Men i dag valde eg å gå morgontur på Vernet, så eg kom dit opp om lag på same tid som sola. Ikkje så veldig tidleg, og der var fleire andre som var komne ut og gå. Og som vanleg møtte eg folk som kjende meg-utan at eg visste kven dei var. Når det er så fint ver sit eg gjerne ei stund på benkane langs ruta og nyt solskinnet.

Då eg kom heim ville eg prøve meg på litt hagearbeid, Eg klipte ned alle tre  Klematis -plantane nedanfor tilbygget og hadde i sekker klar for VØR.

Eg har ikkje tort å bruke klipparen i det siste, for det rauk når eg sette i gang, men då eg spurde naboen sa han ar eg berre kunne bruke den likevel. Eg klipte ei stund, men vart ikkje heilt ferdig, så eg få ta det igjen i morgon viss det blir same fine veret. Det slutta å ryke etter ei kort tid.

Eg hadde ein avtale med Einar at han skulle komme på besøk og så skulle vi ta ein tur til Volda.

Og slik vart det. Vi var på Jokobsen og kjøpte kjøt, men då vi skulle på Kinarestaurant, var der låst. Men vi tok sikte på Spinneriet og kom oss over gata utan å bli kjørt ned. Kafeen nederst i bygget heiter no HOLMEN. Der fekk vi pizza og brus og kaffi. Einar er flink å ordne ut, så eg slapp å anstrenge meg.

Så ba eg om at vi skulle stoppe ved garnbutikken, der eg hadde kjøpt eit stort garnnøste og stikka tre lestar. Viss eg fekk eit slikt nøste til, kunne det lett bli tre PAR. Men eg hadde ikkje tatt med garnprøve og der stod eg og skulle plukke ut rette nøstet. Eg syntest det var eit som likna så eg tok det,  sikker var eg ikkje. men eg vart glad då eg kom heim og fekk sjå at eg hadde tatt det heit rette nøstet. 

Så no skal eg kose meg med nytt strikketøy, berre armen greier det. Den armen som eg braut for snart eit år sidan er ikkje heilt god, og i dag føremiddag var eg låk heilt opp i nakken. Eg er heldigvis bra no. Trur det hjelpte med litt hagearbeid.

Eg sat ei stund og prata med Marit på altanen hennar. Ho blir litt betre for kvar dag-I morgon er det laurdag igjen, tida går fort.

Så no er det GOD HELG  igjen!

 

Klokka er no 16.35, temperaturen ute er +19-20 grader C, det er heilt utruleg å få det så varmt rett etter at snøen låg langt ned i fjellsidene-.

I dag gjekk eg ein tur på Vernet og trefte nabodama som eg ofte møter når eg er tidleg ute og går. Men då eg kom heim att visste eg ikkje kva eg skulle gjere. Det er 1000 ting å velje mellom,men eg kom meg ikkje til med noko. Trøtt var eg også, og heldt på å sovne i godstolen. Når eg sit her no og sveittar i ein tjukk ullgenser, så forstår eg betre at eg vart lat. Men etter at eg hadde ete ein liten middags-rest etc. fekk eg litt fart på meg. I morgon er det fredag, og då plar eg vaske "fredagsvask"- men den kunne eg like godt ta i dag, så kan eg gjere andre jobbar i morgon. No har eg vaska kjøkken og bad så kan eg støvsuge i morgon , kanskje. Det er alltid noko å gjere for den som vil-både ute og inne.

Eg gleder meg veldig til Rasmus kjem neste veke og blir her over 60-årsdagen,eg brukar å lage ei liste over slikt han kan reparere for meg, det er ikkje alt eg har vet på sjølv. I alle fall kjem han til å legge vinterhjul på bilen min. Eg er veldig avhengig av å ha bil når eg bur så høgt oppe i bakkane. Eg skal fornye førerkortet til våren og håper det skal gå bra- ei av pensjonistvenninnene mine hadde sertifikat til ho va 91 år, og ein tidlegare kollega har førerkort enno -han er 96 år.Eg er no ein ungdom samanlikna med dei.

Eg forstår ikkje kvar energien min har tatt vegen i dag-håper berre han kjem att.Eg skulle ha vore på trening i dag, men det var avlyst, så det er vel derfor eg vart litt forvirra i dag.

Dagbok 2024: 16,oktober

                             Det er bosstømming om onsdagane.

Klokka er no 17.17, temperaturen ute er og+ 17.graderC, nesten sommartemperatur altså . Det har vore ein fin dag, med delvis sol, eg hadde som ein plan då deg stod opp, og først på planen kom handling på KIWI. Eg hadde planer om å lage ein kakebotn, og så mangla eg ingredienser.

Då kaka var ferdig, tok eg runda mi på Vernet, I dag var det fleire skuleklassar ute og gjekk, og somm ropte "Heia Olaug" -- det er er vant til-folk veit kven eg er og kva eg heiter sjølv om eg ikkje kjenner dei. Idag trefte eg ei lærarinne som eg hadde jobba i lag med på Velle. Eg har knapt sett henne sidan. Det var veldig fint på Vernet i dag, og fint elles også, snakka med mann og kone i eitt av husa eg går forbi, henne på veg ut, han på veg heim. Vi er mange pensjonistar her i gata, vi er vel i flertal.

Til kaka mi hadde eg brukt berre eggekvitane, så eg tok plommene og laga meg pannekaker til middag, det gjekk fint an.

Etter at eg hadde ete slappa eg av litt, før eg skulle ut og plukke opp alt lauvet frå trea - med plenklipper. Men det gjekk ikkje så bra, klipparen starta heilt fint, men så begyte det å ryke  og då slo eg av. Eg prøvde fleire gonger , men det var ikkje råd, og eg hadde ingen å spørje. Så det vart til at eg måtte rake med riva, men så gjorde eg mykje meir enn det, eg klipte gras og rydda opp rundt busker og tre  t.d. Men no var eg lei så no gjekk eg inn.

Det er heilt nydeleg å få ein slik dag etter mange dagar med snø i fjell , regn og rusk. Slik som vi har hatt det i dag, kan vi gjerne ha det lenge. I morgon skal eg ikkje på trening, for fysioterapeuten skal kurse seg, så då kan eg kanskje få gjort litt meir ute. Eg ny nytte dei dagane som er til å bu hagen til vinteren. I fjor fekk eg ikkje gjort noko særleg og då blir det noko å ta att om våren.

Dagbok 2014:15.oktober

 Klokka er no18.06,temperaturen ute er +10 grader. Det har vore ein fin dag utan regn, men heller ikkje så mykje sol. Snøen har smelta mykje i fjellet men er ikkje vekke enno.

I dag var det trening, og eg måtte fare åleine i dag også. Etterpå hadde eg eit ærend i Vik(sentrum)Det er nesten litt trist å sjå, for der som før var liv og røre og mykje folk inn og ut av butikkane, der er det nesten berre frisørsalongar att og ikkje mykje folk i gatene.Eg brukar å parkere bilen ved ALTI og gå opp i gatene. Det er mykje snakk om å få gjort noko med sentrum, blåse nytt liv i gatene, men det ser ikkje lyst ut. No handlar folk mest på ALTI og i FURENE. Og det som før var handlegater ligg der nesten utan liv. Eg hadde eit lite ærend på ein frisørsalong, og så gjekk eg ned att til ALTI, men ikkje  inn, eg køyrde beint heim, for eg ville gå tur på vernet før eg skulle på "Eldre- fest".

Som sagt, så gjort, eg tok runden min og så var det heim att og shine seg opp litt før "festen"- Marit hadde snakka om at ho ville vere med, men eg var litt i tvil. Redd for at ho skulle falle og slå seg etc. Men ho sa at no var ho så bra at ho gjekk på føtene men stavar- for sikkerheits skuld. Ho kom gåande så fint som berre det og sette seg i bilen, heilt utan hjelp. Og det var så kjekt å sjå!!!

"Festen" på eldredagen var det stort sett Karen Høydal som hadde fått i stand. Der var barn frå barnehagen som song frå scena. Så var der diverse andre innslag, Mari Ella og Elias spelte trompet i lag med læraren sin, men ho kunne like godt ha halde seg borte. Der var veldig mykje folk og mange vi ikkje kjende, dei kom vel frå utkantane i kommunen. Maten på desse samkomene er nokså eventyrleg. Det er elevar på kokkelinja som lagar heilt fantastisk oppdekking.  Maten er OK men den ser veldig vakker ut. Så ein "et" like mykje med augene.

Då eg kom heim måtte eg berre sette i gang ein oppvask(for hand)-eg brukar ikkje å gå frå eit rotete kjøkken , men det gjorde eg i dag.

Det kjekkaste i dag var at Marit var så frisk og rask, eg har følt meg litt åleine denne tida ho har vore sjuk. Der kjem folk til henne kvar dag(trur eg) og hjelper henne -med trening, mellom anna.

Dagbok 2024: 14.oktober

 

Klokka er no 17.48,temperaturen ute er +6 grader og sola skin. Det har ho gjort i heile dag. Eg tok bildet då eg gjekk turen min i dag morgon. Grjekk på Fonnvernet som vanleg og i dag trefte eg fleire eg kjende og fekk prate litt med dei. Det var heilt nydeleg å få gå ute i solskinnet.

Eg hadde ein plan for dagen, det er lurt å ha, for så får ein kanskje gjort litt av kvart.

Det første eg skulle var å handle inn mat og diverse anna. Til ei forandring køyrde eg ned på SPAR for eg var ikkje så sikker på kva eg skulle kjøpe, og der er godt utval. Eg fekk plukka litt av kvart opp i vogna mi. Og så køyrde eg heimover, på Mosvegen. Ofte når eg køyrer der stikk eg ofte bortom gravplassen for å sjå korleis det står til med blomster etc. så det gjorde eg i dag. Det var eit behov for nyplanting for å seie det slik. Eg kunne ikkje gjere noko der og då, for eg måtte heim etter reiskapar, der er ingenting å hjelpe seg med på gravplassen.

Så var det heim att og ha frå seg varene og lesse inn reiskapar etc. Og ned att på Spar for å kjøpe ein lyngplante. Viss eg hadde tenkt meg litt om så kunne eg ha gjort alt i ei reise, men så langt hadde eg ikkje tenkt-

Då eg kom heim planta eg den gamle planten frå grava i beddet nedanfor garasjen. Eg brukar å gjere det slik.

                                Lyngen får stå til det er tid for julekransen

Eg steikte kylling i bitar og hadde ein pose med tillegg. og så kokte eg ris. Det vart litt uryddig på kjøkkenet så eg ville vaske opp litt for hand. Men kva skjedde? Vatnet i springen var kaldt! Eg prøvde å ta det roleg, kanskje var det berre ein sikring som hadde gått. Men sikring-skapet er eg ikkje så fortrolig med for det er høgt på veggen ved kjellartrappa. Der fer eg ikkje og klatrar. 

Men kva gjer eg når eg har el-problem? Eg er så heldig at eg har ein"personleg elektrikar", så han ringde eg til, han kom ganske snart, og før han for så var vatnet i springe lunka. Takk og pris så slepp eg å ha rørleggar som skal sette inn ny varmtvass-tank til ørten tusen kroner. Og så styret med det.

Nio er eg fornøgd med denne dagen. I morgon vert det littstress, for då skal eg på trening først og så er det Eldredagen på Kulturhuset etterpå. "Problemet" er : Kva skal eg ha på meg? Eg er ikkje så velutstyrt i klesvegen for tida, men folk går nokledde i både det eine og det andre for tida. Alt er lov!

Fint å gå heim frå Vernet i dag morgon. Det er ein som har eit tre med så fine raude lauv på, så det lyser opp heile gata.

Dagbok 2024: 13.oktober

 

Klokka er no 19.48, temperaturen ute er + 6 grader C. Eg veit ikkje så mykje om veret for eg har vore inne nesten heile dagen. Eg gjekk tur på Vernet før middag og då var det opplett.

Dette vart ein fryktelig kjedeleg dag, men eg kan takke meg sjølv. Eg har sete og sett TV og strikka nesten heile dagen. Har ikkje gjort noko til gagns, men sett eit heil serie på nettet; at eg strikka ein halv lest mens eg såg er ei anna sak. 

Eg hadde kjøpt inn mykje god mat til helga og skulle lage middag i dag, men den middagen skal eg ha i morgon, for eg fekk ikkje tid til å lage middag når eg skulle sjå TV. Ja, eg rota det godt til, og eg er veldig misnøgd når eg ikkje får gjort noko  skikkeleg "arbeid".

Eg treng nokre fineversdagar for å få rydda hagen før vinteren kjem, men no ser det ikkje lyst ut.

No skal eg lage meg litt mat-men det blir vel kveldsmat og ikkje middag.

I morgon må eg få gjort litt av kvart for tysdag skal eg både på trening og på Pensjonistmøte.

Dagbok 2024: 12.oktober

Det var litt av eit syn som møtte meg då eg stod opp i dag; snø langt ned etter fjellsidene og strålande sol

 Men snøen gjer meg ikkje noko så lenge han held seg borte frå bilvegane, for eg har ikkje vinterdekk enno. Eg hadde ikkje så mange planar for dagen, men eg kom meg no ut og fekk gå ein runde på Vernet før eg tok ein tur på butikken. Det blei KIWI i dag også, for det er ikkje så kjekt å fare til Vik eller til Furene åleine, så det får bli ein annan gong.

Eg handla ein god del mat i dag, for eg hadde ikkje så mykje  på lager. Så då eg kom heim att laga eg eit enkelt måltid  med brød og pålegg.

Etterpå sette eg meg inn og såg TV og strikka, eg trur eg var borti og sov litt også. Eg har mykje eg skulle ha gjort inne, for eg ha jobba mest ute i heile sommarhalvåret, så eg har litt å ta att.

Komande veke skal eg på trening tysdag før middag og på Pensjonistmøte  på ettermiddagen.Det er eit litt spesielt møte sidan det er Den internasjonale eldredagen.

Dagbok 2014: 11.oktober

Klokka er no 18.05, temperaturen ute er +3 grader. Det har vore ein del regn i dag og snøen ligg på fjelltoppane. Eg likar det ikkje, men kan ikkje gjere noko med det. Eg har ikkje gått på Vernet i dag, men mosjonerte aldri så lite med golv-vask m.m. 

Elles har eg ikkje gjort så mykje, eg har laga meg litt mat, og så greidde eg til slutt å få ferdig sudokuen. Det er viktig for meg å klare den, men det tek litt tid.

Marit er heime no og relativt frisk, men ho kan ikkje gå ut enno, trur eg. Eg tok ein tur opp til henne såpass vi fekk prata oss litt tomme, både ho og eg. Vi fann ut at det skal vere feiring av Eldredagen komande tysdag på Kulturhuset. Ho kan ikkje gå, så  eg må vel gå åleine då, men eg kjenner mange så det er ikkje problem. Har no godt av å komme meg ut i lag med "folk". 

Det var fint og ryddig på plenen eit par dagar, men no har plommetreet kasta frå seg mykje lauv igjen, det tek visst aldri slutt- Det treet skal klippast ganske kraftig når eg får nokon til å hjelpe meg med det. Eg gjer mykje sjølv, men eg likar ikkje så godt motorsaga. I alle fall om ein må opp i høgda. Eg har mykje som skulle ha vore gjort før snøen og vinteren kjem, men det blir vel ei råd.

Eg har litt dårleg samvit for at eg har vore så lat i dag og ikkje vore ute, men eg skal prøve å vere flinkare i morgon. Då må eg i alle fall handle inn diverse matvarer, for no er det tomt både for det eine og det andre.

Eg synest at fredagane kjem veldig ofte, men eg vil ønske alle ei fin helg. Eg tenkte at eg kunne ta ein tur på Plantasjen for å sjå om dei har fått fram julepynten.

 

               Når alt lauvet fell av trea, får vi mykje betre utsikt til fjorden

Dagbok 2024: 10.oktober

 

Klokka er no 16.47, temperaturen ute er +8 grader C. I dag vakna eg opp til snø i fjella igjen, men så kom det sol også, så det vart fint. Eg hadde ikkje noko spesielt eg skulle gjere i dag, for eg har haustferie frå treninga. Derfor gjekk eg på Vernet først best. Det var fint der oppe også i dag,

Eg hadde ingen spesiell plan for dagen i dag, og det var bra, for rett som det var fekk eg besøk av to unge gutar, brødrene Eirik og Erlend kom hit i Amanda sin bil etter at dei hadde sett henne av i Volda. Ho skulle på "skule", men hunden hennar fekk vere med til Ørsta. Det var veldig kjekt å få besøk ,  eg hadde lite å by på i dag men eg hadde i ale fall kaffi om ikkje anna. Det er alltid kjekt å prate med barnebarna og få høyre kva dei driv med. Eirik har no jobb som musikklærar på ein skule i Trondheim, og han likar seg godt. Erlend bur no eigentleg her i huset mitt, men det er ikkje så ofte han eg innom meg. Han har hatt mange spelejobbar i seinare tid.

Det store kjøle-/fryseskapet som han  har arva etter meg, er no heilt utbrukt, så eg har sagt at han kan få det vesle skapet som stod i vaskekjellaren, og det ville han ha no. Etter at dei hadde reist gjekk ned i kjellaren og greidde å få kjøleskapet ut åleine. Tanken var at Erlend og eg i lag skulle få det på plass. Men så kom eg på at Erlend sikkert blir hos Margrete i kveld, så då står eg der. Eg funderer på korleis eg skal få kjøleskapet  bort til døra til kjellarleilegheita. Det er no verken stort eller tungt, men eg greier sjølvsagt ikkje å bere der. Så no er rådyra gode. I verste fall får det stå ute over natta, men då må eg pakke det inn. Det hadde vore ein god ide å tenkje før ein handlar.

                 Det er fint å sitte på ein benk på Fonnvernet og sjå dei kvite fjella i                                                      Dalsfjorden

                             Haustfargane tek over, det er lite grønt att

P.S- Eg fekk kjøleskapet opp på ei plast- plate som eg hadde, og greidde å flytte det,så no står det under altanen ,utafor soveromsglaset til Erlend. Det gjeld å ikkje gi opp.

Dagbok 2024: 9.oktober

 Klokka er no 19.47, temperaturen ute på trappa er+7 grader, og vi har hatt ein dag med skyer og regn. Eg tok turen på Vernet først i dag; sjølv om det ikkje er så stålande ver så synest eg det er fint å komme ut i naturen, sjå haustfargar  og alt anna som er rundt ein, små bekker og større elv m.m. Dette er slikt som eg etter kvart har blitt glad i.

Då eg kom heim frå turen, lessa eg inn tomme brusflasker i bilen og køyrde på butikken, der eg vart fri tomflaskene og fekk kjøpt det eg skulle ha. Det vart litt i dag også. Elles har eg rydda litt i huset etc. Eg laga svelerøre, for eg venta besøk av Solveig i dag. Middag vart det også, det var restar frå i går. 

Eg set mykje framfor PC-en og ser og høyrer på   "Reels and short videos"  når eg har god tid, og så strikkar eg sjølvsagt - og ser TV. Solveig kom klokka 17, som avtalt, og hadde med seg ein fin blomst til meg, noko som alltid er kjærkome.

 Eg er veldig glad i blomster men ikkje så flink å stelle dei, eg prøver å bli betre til det.

Kjekt å ha besøk av jentene, dei har no skulefri denne veka så då har dei litt ekstra tid.

No ser eg at Marit er komen heim att, så får vi håpe at ho blir så bra at vi kan finne på noko. Eg meinte det skulle vere Pensjonistmøte i oktober, så eg får sjekke avisa. Eg treng å komme meg ut blant folk av og til. I morgon skal eg ikkje på trening, då er det ferie der.

Dagbok 2024: 8.oktober

 

                                                        Utsikt frå trappa

Klokka er no 16.22,ute er det skodde og regn så det er godt eg fekk gjort litt i hagen i går, i dag er der ikkje verande.Eg sov dårleg sist natt, så no har eg sete og halvsove framfor tv-en ei stund. Eg har tatt inn avisa, men ikkje lese den enno, det er neste post på programmet.Sudokuen tok eg før eg la meg i går kveld.

I dag måtte eg fare åleine på trening, for Marit er framleis på sjukehuset, men vi har kontakt på nettet heile tida, slik vi brukar å ha når vi begge er heime. På heimvegen frå treninga var eg innom KIWI og handla , som vanleg, og då eg kom heim gjekk eg på Vernet slik eg plar. Men eg vart gåande å snufse heile tida, heilt til eg kom ned att på vegen. Ikkje så mange å sjå på Vernet i dag,men eg fekk no mosjonsrunda mi i alle fall.

Då eg kom heim att laga eg middag, i dag laga eg potetstappe og steikte pølser. Passa på å lage så mykje at eg har i morgon også. Det er litt kjedelig å lage mat berre til seg sjølv, men det går bra for eg har framleis ein glupande appetitt, slik eg alltid har hatt.

Eg sit og ser ut på all skodda, kvar kjem den frå? Litt sørgeleg at det vart så dårleg ver no når skuleborna og lærarane har haustferie. Håper naboane har det fint på cruise. Eg skulle også gjerne ha hatt litt meir tid i hagen, for eg er ikkje ferdig å rydde opp til vineteren enno, men eg håper at eg er ferdig å klippe plen.

Eg har ikkje noko interessant å berette no når eg stort sett berre går her heime, men eg er godt fornøgd med å ha det slik. Det er berre veret eg ikkje likar akkurat no.

                                         

        Utsikt frå altanen. Når lauvet fell av trea får vi sjå fjorden litt betre. Eg likar å sjå fjorden. Heime på Eid såg vi også fjorden, men der var den nærmare.