Bok nr.3 - 2015: Sommeren uten menn.

Mia legges inn på psykiatrisk avdeling for en kortere periode. Deretter forlater hun hjemmet i Brooklyn, New York for å tilbringe sommeren hos moren i Bonden, småbyen hun kommer fra, et sted i Midtvesten.

Mia går gjennom hele følelsesregisteret, fra sammenbrudd og gråt, til hyl, raseri og bitter ironi

Levd liv og heftige diskusjoner
I Bonden, sammen med moren og en lesesirkel bestående av hennes aldrende venninner - "de fem svanene", som de gamle damene kalles, damer som "lever intenst i nuet" - og sammen med en gruppe på sju jenter tidlig i tenårene, som Mia underviser i poesi, kommer vår heltinne langsomt til hektene igjen. Og det blir slett ingen begivenhetsløs sommer. De gamle kvinnene, inkludert moren til Mia, bærer alle sammen med seg sine liv og sine hemmeligheter som stiger opp til overflaten. Og blant de unge jentene som skal lære seg å skrive poesi, syder det av konflikter, konstellasjoner, sårhet og en helt egen og fascinerende mangel på empati som man gjerne finner i unge tenåringsjenter.
..........................................................
Denne boka har eg lese før, men følte at eg hadde fått lite ut av den. Så i mangel på anna fristande lesestoff, bestemte eg meg for å lese boka om att. Trur ikkje eg får så mykje meir ut av den no. Denne boka burde eg ha lese på papir, for opplesaren les for fort til at eg får tankane med meg.

Bok nr.2 - 2015: En ny grevinne

Siste bind i «Kjærlighet og arv»-trilogien.

England 1903. Det er full panikk på godset til Lord Robert og Lady Isobel Dilberne. Snart får de storfint besøk av kong Edward VII, og da overlates ingenting til tilfeldighetene.
Dessverre for Lady Isobel vil ikke resten av familien samarbeide. Hun krangler med svigerdatteren Minnie O’Brien om oppdragelsen av barnebarnet James, og Minnies mamma er på
besøk fra USA og lager kvalm. Niesen Adela skaper også massehysteri blant tjenerne ved å hevde at det hviler en forbannelse over huset.
Som om ikke det var nok, spøker det også for finansene til det fornemme ekteparet. Og mens stresset tiltar, forandres plutselig hele rangordningen på godset.
Boken er spekket med drama, romantikk og humor, akkurat som vi er vant med fra Fay Weldon.
...........................................................
God og morsom underhaldning på historisk bakteppe.

Dagbok 2015: 4.januar

Himmelen over Ørsta ca klokka 15.00 i dag.

No går klokka mot 17.00 og det er mørkt ute, men det har vore ein fin dag, etter det eg har observert. Dessverre har eg ikkje kome meg ut i dag heller. Men viss vi får behalde snø, finevêr og sparkføre er det ein sjanse for uteliv i framtida. Eg er ikkje noko vintermenneske, til tross for at eg har kjøpt meg sko med vinterdekk.

I dag har eg til ei forandring vore ganske aktiv på kjøkkenet. Først fekk eg svineribba i omnen, og mens eg "passa" den fekk eg vaska og rydda kjøleskapet og kokt syltetøy av 4 kilo plommer. Kokte to kilo om gongen, sidan eg har frose ned ferdig vaska og reinsa plommer i 2 kilos- posar. Dette skulle sjølvsagt ha vore gjort før jul, då vi trong frysarplass. No går planen ut på å ete tomt både kjøleskap og frysarar. Men vi finn vel eitt og anna som er kjekt å ha og då fyller vi opp igjen.

Elles hadde eg sjølvsagt ei bok liggande på kjøkkenbenken, som eg las i, innimellom. Og etter at vi hadde ete oss godt mette på svinekjøt, blei det siesta på sofaen med lydbok.

Nils måtte mòke litt ute på tunet i dag også, men så vart det opp i finevêr og delvis klår himmel. Dessverre er det meldt regn igjen.

Eg har ikkje tenkt å rydde ut jula før det nærmar seg neste helg. Har eg først pynta får eg jammen ha det ei stund, og vi har ikkje juletre som slepper nålene.Eg har planar om å plukke vekk litt og litt. Heldigvis har eg amaryllisane, som er heit eventyrleg vakre. Kanskje eg må bort og kjøpe fleire.Synd at dei har berre ein farge.

Dagbok 2015: 3.januar

Klokka er ca 18.00. Temperaturen ute er +2 grader C. Då vi stod opp i dag, oppdaga vi at det hadde kome rein og kvit snø sist natt, noko som gjorde det litt triveligare. Men det varte ikkje lenge før det vart sørpe igjen.Då det leid ut på føremiddagen tok vi ein tur på Coop Amfi og handla på bonuslappane våre. Eigentleg trong vi ingen ting, men ein må no nytte tilboda ein får. Trefte nokre folkk vi kjende i dag også, ikkje så mange av mine venner, mest karar som Nils kjenner. Der var lite folk, men då vi for heim strøymde folk i mengder inn døra. Det er ikkje kjekt å gå ute og trakke i dette vêret, men Nils tok seg ein mosjonsrunde no i kveldinga.Eg er ikkje i form til det.

I dag var vi innom Gjenbruk, og skulle sjå om vi fann noko som vi er på jakt etter, det gjorde vi ikkje. Var ikkje så trivelig der i dag, for dei har framleis juletinga ståande framme-til halv pris. Eit par av barnebarna har uttrykt ønske om ei runde på butikken, men trur dei må vente til dei har fått rydda opp litt, dei som styrer sjappa.

Til middag i dag laga eg berre ei blomkålsuppe. Vi prøver å bruke opp det som var kjøpt inn til jul. I morgon skal vi steike svineribbene som vi handla inn før helga. Eg gløymer kvart år at vi stort sett er her to-eine i jula. Men ingen ting blir kasta. Og vi lever godt. Altfor godt for meg som stort sett held meg i ro.

Dette er mobilbilde. Snøhaugane hopar seg opp ved Amfi. Dei har ikkje lov til å ha snøen ut i sjøen, truleg fordi den ikkje er rein.Men når snøen smeltar, renn vel det meste ut i sjøen uansett? Der er mengdevis av ender på fjorden, og rett som det er kjem dei i store flokkar opp til Amfi, det er alltids einkvan som har noko godt å gi dei.

Dagbok 2015: 2.januar

Klokka er snart 18.00. Temperaturen er ca + 4 grader C.
I dag hadde Nils tenkt seg ut og fiske. Då han stod opp kika han inn på yr.no. Der stod det at vindstyrken på Rjåneset var
0 m/sek. Ei lita stund etterpå var vindstyrken oppgitt til 15 m/sek- og det var noko heilt anna. Fisketuren vart avlyst!
Vêret har vore ganske guffent i dag: Regn, vind, torden, hagl osb. Måtte slå av datamaskina ei stund, då det lynte ganske kraftig her.
Eg hadde planlagt brødbakst i dag. Vi trong meir grovbrød, og no er der plass i frysaren. Så i dag har eg laga tre "Ingers" og tre vanlige grovbrød.
Til middag hadde vi fiskekaker frå frysaren. Sist eg laga fiskekaker hadde eg veldig fin fisk, men fiskekakene har konsistens som litt mjuke viskeler, det er dei verste fiskekaker eg nokon gong har laga, men vi gomlar og tygg dei i oss på trass. Og tenkjer på alt det gode som var i røra. Feilen var at eg spedde dei for lite.
Og så begynte eg å tenke på dei eg hadde med til Kongsberg, og som eg ikkje hadde prøvesmakt. Enn om dei var like mislykka? Har ikkje høyrt noko, men dei er kanskje for høflige til å seie ifrå.
Elles har eg lese ut boka mi, og så har eg ikkje gjort så mykje anna.
Nils var ein tur på sjukeheimen for å sjå til ein gammal kamerat, eg har ikkje vore ute for ei dør, og no er det forlengst mørkt.
Alle fire amaryllisane blomstrar no med fleire blomster på stilken, dei er fantastiske så lenge det varer, men det blir ei kort glede.
Trur eg skal lese litt i papirboka mi i kveld, måtte legge den vekk mens eg las "Bursdagsgaven" for eg begynte å rote i hop personane i dei to fortellingane.
Elles så er det visst fredag i dag, og dermed mykje å sjå på TV. Går litt i surr i dagane, men no er det lenge til neste ferie!

Bok nr. 1 - 2015: Bursdagsgaven

Charleston, 1803: I den rike, hvite Grimké-familien er alle samlet for å feire datteren Sarahs elleveårsdag. Men da foreldrene presenterer den jevnaldrende slavejenta Hetty Handful som Sarahs bursdagsgave, sier hun bestemt nei. Som straff for upassende oppførsel må Sarah skrive til alle gjestene og be pent om unnskyldning.
For jenter i South Carolina skal ikke drømme om å avskaffe slaveriet eller studere jus - de må konsentrere seg om broderi, håndskrift og bibel. Hetty Handful prøver på sin side å finne seg til rette i Grimké-huset, mens hun fabulerer om verden utenfor murene som omslutter slavegården.
.........................................................
Det er to fortellestemmer i denne boka, Sarah dottera til ein rik dommar og plantasjeeigar og den vesle slavejenta Hatty. Det er også to personar som les boka.
I forfattaren sitt etterord kjem det fram at Sarah var ei kjend kvinne i USA på den tida, på grunn av arbeidet ho gjorde for å få slutt på slavehaldet. Der finst både brev, pamflettar og mykje anna skriftleg dokumentasjon på arbeidet hennar. Hatty er ein fiktiv person som er tatt med i fortellinga for å gi slavane ei røyst.
Eg vil ikkje skrive meir om innhaldet i boka, men oppmode andre om å lese den sjølve. Eg var til å begynne med litt skeptisk, trudde boka var i kategorien "litt rosa", men det er ei god fortelling som bygger på verkelege hendingar. Språket er nokså "usynleg", men det er greitt når sjølve fortellinga er så viktig.
Forfattaren kjem med ei lang utreiing til slutt, eg synest det blir  vel mykje forklaring. Fortellinga står godt åleine.Det kunne greie seg å opplyse om at fortellinga var "based on a true story".
Eg skal innrømme at tankane mine ofte gjekk til dei muslimske jentene i vår tid, då eg las korleis jenter vart oppseda i Amerika for ca 200 år sidan.

Dagbok 2015: 1.januar = Nyttårsdag

GODT  NYTT  ÅR

Klokka er no 14.00, temperaturen ute er litt i underkant av +8 grader; det regnar og blæs litt. Ikkje direkte uvêr, men ganske trist etter det fine vêret vi hadde i jula. Trøsta er at sola har snudd, og blir det fint og klårt, har vi sol i stova om eit par veker.

Mange ønske om eit godt nytt år har gått mellom kjende og ukjende på FB dei siste par dagane. Og alle ønsker vi at det nye året skal bli godt, kva vi elles legg i det ønsket er vel litt ymist, alt etter alder og personleg situasjon.

Vi hadde ei roleg nyttårsaftan her i heimen. Etter litt teljing fram og tilbake med fingrane til hjelp, kom vi fram til at dette var den 55. nyttårsafta vi har feira i lag. Vi åt god julemat, restar frå novemberjula -dessert og kaffi hadde vi også. Vi såg nokså mykje på TV, og mora oss over den gamle farsen "Den innbilt syke" med Bjarte Hjelmeland. Artig med litt nye og aktuelle replikkar innimellom.

Her var mykje fyrverkeri, som vanleg, men kanskje litt mindre enn tidlegare år. Eg er ikkje tilhengar av for mykje av den sorten.

I dag har vi sett og høyrt mykje av nyttårskonserten frå Wien, the same procedure as every year.(Og eg fekk strikka ferdig lesten som var på beddingen.) No er det det som eg kallar "sportsmas" på TV. Men vi skal ete tidlig middag, og så får eg vel ein sjanse til å høyre på lydboka mi.

Elles kan eg glede meg over dei to amaryllisane som har sprunge ut.

I dag skal eg ta i bruk den nye dagboka som eg fekk frå Kongsberg. Så fin og raud dagbok har eg aldri hatt før.Håper innhaldet blir like bra som eksteriøret.