I dag var vi i villreie om kvar vi skulle ta vegen, så det blei ein tur på Rjåneset. Sitteplassen i enden på ruta var oppteken, så vi rusla berre rundt litt. Vi møtte eit par som Nils kjende frå "hamnemiljøet" og vart ståande å prate lenge. Det kom litt kald vind etter kvart, men då vi kom heim att sat Marit ute i solveggen og las, så eg gikk opp og forstyrra henne ei stund. Stilt og varmt her.
Til middag hadde vi ferdigkokt påskeskinke med soppsaus frå pose etc. Veldig lettvint, men godt. Etter middagen reidde eg opp senga mi på altanen og sov middag der, med bok på øyret. Eg har både pledd og dyne i kassen på altanen, så eg passar på at eg held varmen.
Hadde berre knipsekameraet med meg ut i dag, og i dette vêret er det heilt greitt. Frå Rjåneset har eg lagt inn mange bilde gjennom heile året, så det fåre vere med eitt i dag. For dei med ørneblikk, kan det vere mulig å sjå eit tjeldepar på steinen nærmast sjøen. Eit lite vårteikn er det no.
2 kommentarer:
Her vart det restar m.m. til middag. Karane som kom frå fjellet var skikkeleg kakesvoltne også!
Det vae bra. Her held vi oss unna kaker-mest mulig.
Legg inn en kommentar