Vi kom nettopp heim frå ei nydelig ballettframsyning, der Amanda var med. Forestillinga bygde på HC Andersen sitt eventyr "Snedronningen". Der var tre profesjonelle dansarar med, eit ungt par frå Praha og ein av lærarane på ballettskulen som heiter Renata. Ho hadde også koreografert heile programmet og valt ut musikken. Mannen hennar er scenograf og i dag hadde han overgått seg sjølv. Han er fabelaktig og heilt proff han også. Sat og tenkte med meg sjølv at på Eid har dei opera -her har vi ballett. Opera og ballett på landsbygda i Norge! Det er ikkje dårlig ! Vi var i lag med Margrete og Ingeborg.(Foto:Arne Ola Grimstad.)
Nils fekk ikkje sett opp omnen i kjellaren i dag, for han som skulle kome og hjelpe -han kom ikkje. I morgon kjem det ein annan som skal hjelpe med å få alt på plass.
Eg fekk endelig laga Mor Monsen i dag, så no skal eg ikkje lage så mykje meir. Men skal steike krumkaker i alle fall.
Elles har eg vaska til helga, så eg er bra i rute. Vi kjem truleg til å vere på Hareid julaftan i år også.
I dag hadde vi steikt sei til middag av fisken som Nils fiska før i veka. Det er noko av det beste eg veit, enda så ofte vi har det.
Så vil eg ønske alle ei god helg!
2 kommentarer:
Ja, kulturlivet blomstrar ute i distrikta, og no i desember er tilbodet ekstra stort. Ekstra kjekt å vere publikum når barn og barnebarn er med og underheld. I dag blir det krumkake-steiking på meg også. Ønskjer dykk begge ei fin helg!
Veit ikkje om det blir krumkaker her i dag,går og ventar på ein som skal hjelpe Nils med omnen. Og så kjem vi ikkje i sving med noko,
Legg inn en kommentar