Klokka er 17.45, temperaturen er ca +20 grader C, det er lettskya og sol, men kald vid frå nord.
Ute på altanen er det imidlertid varmt og fint, og vi har lagt ute og sola oss i "bikini"-eg somna ikkje i dag, for eg hadde ei spennande bok på øyret.
Nils var såpass bra i dag at han greidde å klippe resten av plenen, mens eg støvsuga inne. Så var vi på ei lita bibliotek-og shoppingrunde. Var på Rystelandet og kjøpte ein blå Clematis som vi skal plante ved sidan av New Dawn-rosa, akkurat som dei gjorde på TV for ei veke sidan. Roser og clematis skal trivast så godt i lag, sa dei.
Som de ser lever Advokatten enno, men har ikkje blitt særlig vakrare etter god mat og godt stell. Nils kokar makrell til han i den gamle mikrobølgeomnen som står i garasjen, og det likar katten godt. Som de veit heiter har opp att etter den førre eigaren, han som no er blitt sorenskrivar i Volda. Vi vurderte namnebyte, men slo det frå oss.
Nils ser på Hurtigruta innimellom, men eg synest det blir for kjedelig mellom hamnene. Vi reiste med den frå Tromsø til Honningsvåg for fleire år sidan, men lenger aust har vi ikkje vore. Når det for ein gongs skuld er sol ute, sit eg ikkje inne. I morgon ventar vi besøk av dei to yngste til Margrete, så då blir det vel litt meir liv i leiren.
2 kommentarer:
Fin klematis til New Dawn!
Det hadde sikkert vore finare med mørkare blå-men det hadde vi frå før-og den lever så vidt.
Legg inn en kommentar