Dagbok 2022: 6.mars

 Klokka er 18.30, temperaturen ute er +3 grader. Så vidt eg kan sjå er det opplett. Dette har vore ein sløv dag. Eg er heilt oppslukt av strikketøyet mitt, så snart eg hadde ete frokost sette eg i gang strikkeprosessen- Eg strikkar ein genser til meg sjølv i to grønfargar + kvitt. Det er tynt garn og mange masker så det går  ikkje fort. Eg har klede nok, så det er ingen ting som hastar, men eg skal ha den ferdig FORT. Eg er ute av trening med  mønsterstikking så det blir diverse feil å ta opp att.. Eg hadde på TV på føremiddagen og fekk sjå nyheiter, men så vart det berre sport og då slo eg av. Eg spurde Marit om ho ville komme ned ein tur, og ho kom ned og drakk kaffi med meg. Dei har alltid sein middag, så då høver det med llitt kaffi på føremiddagen. Eg åt eit par brødskiver då eg vart åleine , men så begynte eg å strikke igjen. No tenkte eg å ta ein pause frå strikkinga, men kanskje eg må ta ein "runde" til ?

I morgon er det heimedag, så då får eg prøveå gjere noko fornuftig. eG skulle hatt lyst til å spada opp snøen så den tina fortare, men den er hard og tung.

Eg har ikkje vore utom døra i dag, gjekk ein liten tur i gåd, men fekk vondt i foen. Tidlegare i dag såg eg folk på Vernet, så eg får vel snart ta ein tur der, eg også 

Bok nr.6 - 2022: TEAM TUVA

Dette er ei sånn lita tynn bok som eg har hatt til sengelektyre i det siste. Grei nok, men ikkje noko mesterverk. Av og til lurer eg på kvifor forfattaren har skrive ei bok som eg like godt kunne ha skrive sjølv.
 

Dagbok 2022: 5.mars

                                         Olavsgata innover

Klokka er no16.08, temperaturen ute er + 5 grader C og det har vore opplett hittil i dag, men skya og ikkje sol i dag heller.

Eg stod opp til vanleg tid i dag, og etter at eg hadde ete frokost sette eg meg til med strikketøyet mitt. Genseren er strikkar er til meg sjølv. Eg strikkar av tynt garn med mange masker(456) så fort går det ikkje. Det har heller ikkje nokon hast, men eg er slik at eg helst skulle vore ferdig før eg har begynt. Tolmod er ikkje ein eigenskap eg er utstyrt med. Derfor passar det meg godt å strikke lestar. Det er fleire år sidan sist eg strikka mønsterstrikk, så det går ikkje så lett unna. Sat i timesvis i går , og i dag heldt eg fram, mens eg hadde TV-en på og høyrde nyheiter. Det som skjer i Ukraina er berre forferdeleg. 

Eg har alltid problem med at eg trur det er sundag når det er laurdag, så i dag tenkte eg å ta ein tur på butikken, bestemte meg for ein liten tur på KIWI. Eg hadde skrive ei hugseliste med tre ting eg skulle ha, eg kom heim att med tre fulle plastposar. Eg fekk ein ide om at det kanskje kunne vere lurt å hamstre. Eg skal i alle fall hamstre mjøl når det lid på. Då blir eg ikkje brødlaus i alle fall.

Etter at eg hadde fått varene på plass tok eg ein liten spasertur:ut Starevegen, ned i Olavsgata, inn Olavsgata, opp i Porsevegen og inn att. Av mangel på betre motiv, fotograferte eg på vegen. Så kan alle få sjå kor mykje snø som ligg att ved vegane. Det er ikkje fint og kvitt slik som i fjor,men skitten snø.

                            Porsevegen, Det er Bjørg Halse sin raude bil.

 

                                Hos nokon varer jula heilt til påske.

                                           Utsikt mot Starevegen
No skal eg lage meg ein skvett med god kaffi og kanskje noko attåt.

O så blir det vel TV og spøt resten av dagen/kvelden. "God helg "gløymde eg visst å skrive i går-igjen.

Dagbok 2022: 4.Mars. Ingar 12 år

                                  Frå toppen av Storebakken

Klokka er no 16.50, temperaturen ute er +6 grader  grader. Datamaskina mi påstår at det er sol, og det er det sikkert, berre at skyene gjer at vi ikkje ser den. Det er no for så vidt bra ver, men eg saknar solvarmen i stova.

I dag har eg ikkje snakka med ei levande sjel, berre skive meldingar på Messenger.

Eg tok fredagsvasken på førmiddagen i dag, klokka var ikkje meir enn 11 då eg var ferdig. Eg lurte på å ta meg ein tur på bye, men fann ut at det var lurt å få ermar og bol på genseren eg strikkar inn på samme rundpinne, men det var lyst ute-og inne. Så gjorde eg det og strikka nokre omgangar med 456masker på pinnen, det er dryge omgangar før ein får begynne å felle. Men det var godt å få gjort det i dagslys og utan å ha TV på. Det er lenge sidan eg har strikka noko stort, så eg er littuvant med det no.

Til middag åt eg det som var att av suppa eg laga i går, og så sette eg på oppvaskmaskina, det er minst ei veke sidan sist. 

Så las eg så å seie heile Møre-Nytt. Men då følte eg at eg måtte ut ein tur. Eg går lite tur for tida på grunn av den låke foten, men litt får han vel tole. Eg blir så frostig og giddalaus viss eg berre går inne. Det er no fint ute sjølv om vi ikkje ser så mykje til sola.(Her er den!)

I dag fyller Ingar 12 år, dei har vinterferie denne veka. Skulle hatt er ferskt bilde av han, det kan no hende eg får.

                                                   Jubilanten

Dagbok 2022: 3.mars

 

Klokka er no 16.00, temperaturen på trappa er + 9grader C, men sist natt fraus det på, så det tinar lite på oppsida av huset sidan der er skygge, men elles får no sola eit visst tak, særleg inne.

I dag var det trening 10-11, og då vi kom heim sat vi i bilen og prata ei stund. Det var Marit som køyrde i dag. 

Det er noko som har irritert meg ei stund og det er dei skitne stuevindua. I dag kom eg meg ut og vaska dei med Zalo-vatn og skylte med reint vatn. Brukte nalen til slutt. Heilt bra vart det ikkje, men i alle fall mykje betre. Eg får ikkje brukre hageslangen for den ligg gøymt under minst 1 meter snø. Vinteren kom så brått denne gongen at mykje var ugjort.

Eg hadde lyst å gå tur i dag også, men ville spare foten litt. Så eg begynte på middagen. I dag vart det grønnsaksuppe med pølsebitar, det er noko eg lagar ofte. Men i dag kom eg til å skade meg litt. Eg skulle kakke den frosne pakken med pølser i benken-hardt. Men eg hadde ikkje tenkt at den vesnstre langfingeren skulle komme i mellom. Det gjorde den berre og fekk seg ein skikkeleg smell, men eg trur det kjem seg av seg sjølv, så eg slepp å gå til lege. Det ville vore FOR dumt.

Etter at eg hadde ete sette eg meg inn i stova, som vanleg, -og i dag sovna eg skikkeleg og sov i minst eit kvarter. Det er så fin sol på altanen no, og treflakane tørkar. Viss dei blir heilt tørre ein gong, må eg olje dei, elles rotnar dei vekk.

Eg veit ikkje kva meir eg kan bruke denne fine dagen til, det kan vere at eg går eim LITEN tur. Eg er komen såpass langt på genseren min at eg snart skal ha alt opp på EIN rundpinne, så spørs det korleis det går vidare. Det er no det kan bli litt vanskeleg. No skal eg gå ut på altanen og ta eit heilt erskt bilde, slik at vi hugsar denne fine dagen.

                                Nyvaska gardiner og nypussa glas.

Dagbok 2022: 2.mars

                                             Storebakken
 Klokka er no16.30, det er lettskya, litt sol og +7 grader C. Det har vore ein ganske fin dag i dag- og snøen smeltar-men ikkje så fort.

I dag var det spanskkurs frå 10.30-12.30, og det var kjekt, som vanlig. Då eg kom heim var eg litt i tvil om kva eg skulle gjere, men det vart til at eg tok ein spasertur i det fine vêret, gjekk litt opp og ned/fram og tilbake på Vallabøen. Då eg kom heim i Starevegen møtte eg nabo Solveig og vi vart ståande og prate ei stund. Så kom tidlegare nabo-Gunnar-med den elektriske rullestolen sin, så vart den enda meir prat. Då eg kom inn att til meg sjølv åt eg eit par brødskiver før eg sette i gang å jobbe litt. Eg sette på vaskemaskina med tre gardinlengder-før eg tok ned "julegardinene" på stova. No har eg hengt opp dei tre nyvaska, eg tek dei rett frå vaskemaskina og henger dei opp så tørkar dei etter kvart. Dette gjorde eg for første gong i fjor og det var veldig vellykka. Før om åra har eg tørka og stroke gardinene før eg hengde dei opp. Heilt vekkasta arbeid. Men no får eg ikkje gjort meir før dei tre siste lengdene er ferdigvaska.

                                     Starevegen

Eg vart litt plaga med den låke foten då eg gjekk tur, men det får no berre våge seg. No har eg sete ei stund og sett TV og strikka. Vêret vert berre finare og finare og i morgon er det meldt full sol for første gong i år. Det er enno mykje snø i hagen og på vegkantane, men det tinar litt etter litt, eg hjelper til med spaden innimellom og på altanen er der snøfritt no.

I dag er det 50 år sidan Marianne på Geilemyra vart fødd. Lise budde med oss på Engeset eit par-tre veker før fødselen, og eg hugsar at Nils køyrde henne bort på Volda sjukehus midt på natta. No er det Marianne som driv slektsgarden i Innvik, og om eg ikkje tek feil, så er ho alt blitt bestemor. Tempus fugit.

Dagbok 2022: 1.mars

                                                            Akkurat no

Klokka er no 16.20, temperaturen ute er +5 grader, det regnar og det blæs.

Ja, vi har vel heile vinteren klaga på vêret -utan at det har blitt betre av den grunn. Vi saknar sola mest av alt, og no er vi komne til mars månad utan å ha sett så mykje av henne. Dette var eit "problem" før det store problemet kom og Russland gjekk til krig mot Ukraina. I min barndom var eg alltid redd for russerane og særleg Stalin, som eg frykta. Etter at Sovjetsamveldet  gjekk over til å bli Russland, har eg følt meg trygg frå den kanten. No er eg ikkje trygg lenger. På ALTI i dag fekk eg høyre at Putin har fått Altzheimer- ja,eit kvart gale må det no vere.Eg har sete ei stund og høyrt på TV no, men det er begrensa kva eg kan ta innover meg.

I dag måtte eg fare åleine på trening, for Marit var så låk av gikt, men elles er ho frisk til tross for at Koronaen er i huset. Etter treninga var eg på handlerunde åleine. Eg var til Målar-Olav og kjøpte rensevæske til å bruke på teppegolva. Rensemaskin har eg sjølv, men før måtte vi leige. Ei flaske med "såpe" kosta 499 kr. Men eg renser ikkje teppa kvart år.

Så var eg på Clas og kjøpte krokar og spiker, eg har nesten alltid ærend på Clas.

Hadde også ærend inn til Mariann-der er eg også ofte. 

Maten handla eg på SPAR i dag, og i tillegg til det eg sjølv skulle ha, kjøpte eg mat til Lollo, katten til Marit. Eg hadde lapp med meg i dag, så eg kom heim att med alt eg mangla.

Førre veka laga eg pizza som eg hadde til middag kvar dag,nesten. I helga koka eg graut, så i dag følte eg på at eg måtte lage meg skikkeleg middag. Men lettvint skal det vere, og fort skal det gå. Så det vart steikt ørret med poteter og grønsaker, og til dessert nokre frosne(opptina) jordbær med fløyte. Eg lever ikkje SÅ godt kvar dag.

I morgon er det spanskundervisning frå 10.30 til 12.30. Då skal vi øve på å gå på kafé/restaurant og bestille mat og drikke. Det kan bli litt artig.

No skal eg strikke på genseren min og sjå litt meir på TV. Når eg ikkje orkar meir krig, får eg sette over på ein serie. Ja, og så er eg ikkje ferdig med avisa enno-.

Vippsen min er ute av bruk, men eg skal no logge meg inn att- Elles har eg fått melding frå biltilsynet om at eg har sertifikat som gå ut 1.juni- frå før har eg fått melding om EU-kontroll, det må eg snart ordne.