Klokka er no18.40, temperaturen ute er + 10  grader og sola skin frå ein nesten skyfri himmel. Eg er ikkje så flink å følgje med på vêrmeldinga, så eg blir gledelig overraska kvar gong sola kjem fram.

Føremiddagen i dag gjekk med til å rekke opp att strikketøy og så var eg ein liten tur på butuikken. Og så tok eg meg ein liten runde og tok opp løvetannrøter, men der er rikeleg att.

 Soveig kom litt over klokka 14, som avtalt, og ho fekk berre brødmat og kaffi. Eg var ikkje klar over at ho var heime åleine, eg trudde Øystein hadde kome heim frå Roma, men det hadde han altså ikkje. Hadde eg visst det, hadde eg laga middag. 

Det er kjekt å vere i lag berre to, somme tider, så får vi prate om alt mulig. Solveig greidde å få TV-en min opp og stå igjen, så no kan eg sjå alt eg vil. Ho oppdaterte med telefonen, eg har oppdatert sjølv før, men då har eg brukt datamaskina.

Då Solveig hadde reist og eg hadde hengt opp ein klesvask og sett på ein til, tok eg ein tur på Vernet. I dag gjekk eg "feil" veg til ei forandring, dvs. mot sola= rangsøles. Eg høyrde at somme hadde tatt fram plenklipparen, men eg må pent vente til mandag -om ikkje lenger- Ugraset er mykje lengre enn graset, så det ser ikkje pent ut. Viss det blir høveleg vêr kan eg få ut gjødselen også-etter klipping.

Solveig og eg var ned i hagen og så på bærbuskene mine, og dei er fulle av blomster. Eg har ei ripsbuske og to solbærbusker og to blåbærbusker-meir treng eg ikkje.

I morgon blir det å heise flagget igjen. God helg.