fredag, mai 06, 2022

Dagbok 2022: 6.mai


 Klokka er no 16.40, temperaturen ute er + 11 grader C og det regnar. Eg var i ferd med å kle på meg for å gå tur, men slo det frå meg då eg såg kor vått det var ute.

I dag skulle eg vere heime heile dagen, hadde eg tenkt, men så kom eg på noko som eg måtte kjøpe. Eg gjorde ferdig fredagsvasken  før eg for ned på ALTI. Eg kjøpte det eg skulle ha, og så stakk eg innom BUNNPRIS og handla aldri så lite der også. Då eg kom heim såg eg serien min på datamaskina og så varma eg opp middagsrestar frå i går. Som vanleg måtte eg slappe av etter middagen.

Eg gjekk over plenane mine og ned til naboen, der skal dei ha konfirmasjon i helga. Der er mykje løvetann som eg skulle ha tatt opp, og plenen treng verkeleg gjødsel om ein skal få vekk mosen. Men ærleg talt så orkar eg ikkje å halde på med hagearbeid i silande regn- så det får stå litt på vent. Til tross for at det hadde vore heilt topp å gjødsle no. Eg har ikkje diskutert med naboane Torbjørn og Gudmund, og høyrt kva dei gjer- dei har litt betre greie på jordbruk enn det eg har. Plenane mine ser fine og grøne ut- på avstand.

No skal eg ta meg saman og strikke "hals" på genseren min, Eg har strikka den nesten ferdig to gonger, og rekt opp att. Det er no ikkje noko vanskeleg, men garnet er litt glatt og ikkje så fast. I morgon ville Solveig kome innover og då hadde det vore kjekt om genseren var ferdig.

I går ettermiddag/kveld fekk eg 4.sprøyta med Covid-vaksine. Eg kjenner ingen ting, og Marit er heller ikkje sjuk. Eg trefte to damer på min alder på ALTI i dag. Dei ville ikkje ta den 4. sprøyta, dei har ikkje hatt Korona heller. Men her er mykje smitte i bygda. Eg tek imot alt eg får. No er veret litt betre, så det blir kanskje ein tur. Eg plagast litt med hofter og rygg, men det er verst viss eg set lenge i ro. 

I dag veit eg tre som har fødselsdag; det er Stein Inge, son til bror min, han fyller 53 år, så er det Lise, som er gift med søskenbarnet mitt, ho er 70 år, og så er det Margrete sin barneskulelærar Synnøve, eg veit ikkje kor gammal ho er, men ho er vel 2-3 år yngre enn eg

Gratuler alle tre!

Det er ikkje så stas å bli gammal, men alternativet er verre. Eg er glad for kvart år eg får vere her. No regnar det ikkje så eg går kanskje ein liten tur

.


I år er det fuglar i bura på husveggen vår. Torbkjørn har fylgt med og seier at det er gråsporv. For dei som ser godt er det mulig å sjå fuglen høgst i grana mi.. 

Ingen kommentarer:

Dagbok 2024: 28.mars. I dag fyller eg 84 år.

Klokka err no17.03, temperaturen ute er+ 10 grader, det er lettskya og fint  I dag har eg fått mange gratulasjonar på nettet -og elles. Eg s...