Klokka er 20.40, temperaturen ute er + 19 grader og det er fint vêr og sol.
Det var ikkje så fint med det samme eg stod opp i dag, så eg vart verande inne ei stund og fann noko å styre med der. Til dømes strauk eg nokre klede.
Då eg gjekk ut litt seinare sette eg i gang å rive ned meir eføy, eg blir sikkert ikkje ferdig denne sesongen, men alle monner drar.
Då eg kom inn og sjekka dataen, var der melding frå Ingeborg, ho ville ta ein tur bort til meg. Sidan eg ikkje hadde noko spennande å diske opp med, vart det vaflar i dag også. Vi hadde mykje å snakke om, som vanleg.
Gravferda til Ruth blir komande tysdag i Volda. Det kan visst vere over 100 personar til stades.
Etter at Ingeborg hadde fare gjekk eg ut og plukka stikkelsbær. Eg har berre ei buske, men der er mykje bær på den. Eg plukka ikkje alt, men det eg plukka har eg reinska-to klipp pr. bær- say no more. Men eg hadde lydbok til underhaldning mens eg klipte. Trur eg skal koke sylte av bæra i morgon. I og med at eg ikkje har vore ute av tomta i dag, har eg ikkje så mykje å berette.
Ingen kommentarer:
Legg inn en kommentar