Dagbok 2020: 6.mars

Klokka er 17.35, temperaturen ute er + 3 grader, og det er vått og hustrig. Eg er frostig og saknar sola.
I dag hadde eg ikkje mykje på programmet etter, skulle berre vaske kjøkken og bad. det var fort gjort og eg begynte å tenke på andre oppgåver. Så bestemte eg meg for å ikkje gjere så mykje, berre slappe av. Då begynte klokka å gå mistenkeleg fort. Eg fyrte i omnen og las avisa eg det eine med det andre. Sette på ein klesvask, laga meg litt mat osb.
Så sette eg meg til å høyre lydbok-og sovna. Eg har jo høyrt lydbok i åresvis og det har gått bra, no dett eg fort ut og sovnar. Det er kanskje sjølve boka det er noko i vegen med. Margrete har råda meg til å legge kabal på PC mens eg høyrer, men det toler ikkje arma mi så godt. Men snart skal eg sette på TV-en og hente fram strikketøy. Eg bestemte meg til å gå på butikken i morgon og ikkje i dag, så eg har ikkje noko godt å snope på fredagskvelden. Får ta det att i morgon. Ikkje mykje å berette i dag altså, men eg har det bra.