tirsdag, februar 18, 2020

Dagbok 2020: 18.januar





Klokka er 17.35, temperaturen er + 3 grader, det er skodde i fjellsidene, men det har slutta å regne, trur eg. På føremiddagen silte det ned.
Eg stod opp relativt tidleg i dag, sidan vi skulle på trening. Hadde god tid, så eg kika litt på spanskleksa også. Vi var trøtte og lite motiverte då vi begynte treninga kl.10. Men vi kom gjennom programmet. Torsdag skal Marit til Loen, og då skal vi ikkje på trening, og neste veke blir fysioterapeuten borte, så då får vi vinterferie. Håper det blir litt betre vêr så vi kan mosjonere ute.
Før eg reiste på trening i dag ringde eg legesenteret for å bestille time hos fastlegen. Ja, time kunne eg få, langt ute i april månad. Men eg må fornye førarkortet før 28.mars! Derfor måtte eg få time hos ein annan lege. Eg må berre finne meg i det, men eg ville no helst vore hos fastlegen , som kjenner meg. Timen eg fekk er 20.mars.
Etter treninga var eg ein tur på apoteket og så handla vi på Spar. Eg trong ikkje så mykje, sidan eg hadde handla laurdag kveld.
Mens eg heldt på å rydde inn i kjøleskapet det eg hadde kjøpt, fekk eg auge på noko som freista meg over all måte : ein pakke med frosen spekesild. Men eg var så trøtt at eg gjekk og la meg på sofaen ei lita stund;-spekesilda var i tankane, så det var berre å stå opp, legge silda i vatn til tining og så kokte eg poteter og kålrabi til. Det vart eit herremåltid, eg åt opp alle potetene og rabba, men løyvde sild. Det var SÅ godt. Eg "elskar" spekesild, eller saltsild som mange seier her, og det har eg alltid gjort, då eg var lita også. Eg hugsar at mamma også var glad i sild. I min barndom kjøpte vi silda heil og reinska den sjølve, og eg gløymer aldri smaker av strengen med ister frå sildemagen. Den fekk eg viss eg var der når mamma reinska silda.
Eg vart i alle fall stappmett, og det var ikkje mulig å halde seg vaken lenger, så eg la meg på sofaen og SOV.
Då eg vakna var eg såpass energisk at eg støvsuga stova og gangane. Hadde ein liten samtale med Solveig over telefon. Ho kjem inn ein av dagane, då skal vi kanskje shoppe.
I morgon har eg tenkt meg på kino i lag med Margrete og ev.døtre. Filmen heiter "Little Women" -så den skulle passe for oss -little women.
Eg har ikkje høyrt noko anna , så eg reknar med at det er spansk i morgon.Og eg må øve meir på leksa. Cada dia!

Ingen kommentarer:

Dagbok 2024: 28.mars. I dag fyller eg 84 år.

Klokka err no17.03, temperaturen ute er+ 10 grader, det er lettskya og fint  I dag har eg fått mange gratulasjonar på nettet -og elles. Eg s...