torsdag, januar 31, 2019
Dagbok 2019: 31.januar.
Klokka er 16.30, temperaturen er 0 grader C , det er lettskya og fint på januars siste dag. Hadde det vore klårt i dag, hadde vi fått mykje sol - trur eg. Den einaste månaden i året som eg brukar å synest er litt langdryg, er januar. No er vi ferdige med den, dagane er lengre og lysare og vi ventar på vår. Elles er det ikkje så viktig at tida går fort. For å sitere Bjørnson:"Kjør langsomt! - ti vi kommer tidsnok hjem."
Eg var ganske så trøtt og trasig då eg stod opp i dag, men eg hadde ein plan - og då skjer det i alle fall litt. Eg bytta på senga, vaska soverom, bad og kjøkken, la i hop klesvask, tømde oppvaskmaskina m.m. Eg må nesten til å lære å jobbe litt igjen etter fleire månader sittande å strikke for det meste. Eg har ikkje mykje vondt i kneet no. Men det er alltid noko å ta seg til, ein skal fyre omnen og må hente ved osv. Men i dag hadde eg meg ei skikkelig kvilepause, sovna med lydbok på øyret. Måtte høyre om att noko som eg hadde høyrt i natt, var ikkje sikker på om eg hadde fått alt med. Men stort sett hadde eg det.
Eg kunne ha støvsuga også, men må spare litt jobb til ein annan dag. Eg ser fram til å få begynne å rydde og styre ute, men må nok vente litt med det.
Strikkar lester innimellom, og no driv eg og brukar opp diverse restar, så får eg rydda opp i garnlageret med det samme.
I morgon er det planen at Ragnhild og eg skal på rek, viss det blir som vi har tenkt.
Abonner på:
Legg inn kommentarer (Atom)
Dagbok 2025: 15.juli
Klokka er no 20.35, temperaturen ute er +29 grader C, og det har vore sol og fint i heile dag. Eg stod opp grytidleg , som vanleg, men la m...

-
Her har eg prøvd kantklipparen bort under buskene, men så kom regnet. Klokka er no 16.01, temperaturen ute er + 13 ...
-
No har vi rikelig makrell til oss sjølve, enda om diverse naboar har fått sitt. Makrellen kan vi steike, men best likar vi den kald, kokt me...
Ingen kommentarer:
Legg inn en kommentar