Før middag støvsuga eg grundig alle teppegolv før vi var nedover ein tur. Måtte innom biblioteket i dag, sidan det er stengt både laurdag og sundag i sommarferien.
Så var vi innom Coop og handla på tilbodslappane våre + litt til.
Etter ein lett lunsj skulle vi sola oss på altanen, men det gikk berre ikkje, altanen blei for varm i dag. Nils fann ut at han skulle fare ut og vaske båten. Eg syntest det var gale å vere inne i finevêret så eg fann fram hijaben min (bøff frå Sparebank1) og bløytte den i iskaldt vatn og drog det ned på hovudet. Då kunne eg vere ute i sola ei stund. Etterpå var eg ute i hagen og vatna, blant anna.
Seinare laga vi oss steikt sei til middag, og så blei det middagskvil på altanen, men då var klokka nærmare halv åtte.
Og slik går no dagane. Dette må vere den finaste sommaren vi har hatt sidan 1997, det året Olaug og Eirik vart fødde. Det er mange år sidan vi har hatt skikkelig sommarvêr, så no er det berre å nyte det. Ønsker alle ei god helg!
1 kommentar:
Etter det eg kan sjå på yr, ligg det an til ein sånn sommar!
Legg inn en kommentar