Klokka er snart halv tre, og eg synest faktisk at det alt er åt å skymest. Veret er lettskya og fint, med ein temperatur på minus 2,5 grader C. Eg er litt sint på meg sjølv fordi eg ikkje kjem meg ut i fineveret. Eg finn alltid noko å gjere. INNE.
I dag kunne vi ikkje fare nokon stad, sidan vi venta på LINK, firmaet som legg inn "Tussa fiber" til oss. Vi åt tidlig middag, så vi skulle vere ferdig med den før LINK-arbeidaren kom. Nils hadde ei tugge att då bilen svinga ned på tunet. Godt tima.
Eg har bakt ei kake i dag, og styrt med deiverse anna husarbeid. Eg har skrive ferdig referatet til avisa og fått det av garde, og så blir det ikkje så mykje meir med meg, i alle fall ikkje før eg har fått kaffi. Har nokre julegåver att å kjøpe, er rimelig a jour, men blir vel ikkje heilt klar før butikkane stenger på julafta. Som Nils brukar å seie. Vi blir trulig hos Solveig på julafta i år også. Greitt det no når det er ferjefritt og ein kan køyre heim att og legge seg.
1 kommentar:
Her har vi ikkje kjøpt så mykje enno, men butikkane i Vik har ope til åtte. Det vert til at ein kjøper til dei som skal sendast først. Så de står nok sist på lista sidan de kjem hit;-)
Legg inn en kommentar