Vermelding 1.november - 2011

Klokka er 13.15. Temperaturen er + 15 grader C, det er skya opphaldsver og litt vind. Deilig ver for årstida får ein vel seie.

I dag fekk eg endelig gjort ein jobb som eg har utsett lenge. Eg fekk vaska ned kjøkkenet. Skuffer og skap i nedre regionar tek eg etter kvart -etter behov. I dag tok eg overskapa + tak, vegger etc. Ikkje all verdens arbeid, det er mest tiltaket med å kome i gang. Men no når vi endelig fekk "sommar", kom energien også. Nils hjelpte meg litt med å ta opp og ned frå skapa, slik at det ikkje blei for mykje klatring , det er det verste for meg.

Nils har vore nedover og kjøpt melk, så no skal vi koke oss litt graut av risrestar frå i går. Så blir det kanskje litt "middag" seinare på dagen. Eigentlig burde ein vel nytte høvet til å vere ute før det begynner å regne igjen.
Kl.17; No har vi gått ei runde i nærmiljøet, for enno er det opplett og fønvind. Hadde ei jakke utanpå T-skjorta, og vart altfor varm. Måtte det vare!