Før eg vart så altfor plaga med rygg og hofte gikk eg mykje tur på skogsvegane i området ovanfor byggefeltet vårt.I tilfelle eg skulle kome ut for uhell e.l. hadde eg alltid mobilen med meg, og Nils og eg hadde gitt alle vegane namn, slik at det skulle vere lett å forklare kvar ein var. No har eg ikkje tort meg opp på desse vegane på minst 5 år,trur eg, men i dag fann eg ut at eg ville prøve ein liten tur. Så får vi sjå om eg får varige mein. Eg gikk inn til bomvegen i nærleiken av der Nils driv og vedar og gikk opp i første krysset-det mellom Bjørnebærvegen og Raudhyttevegen.
et Sidan Bjørnebærvegen er både lang og bratt, valde eg å ta til venstre på Raudhyttevegen, den går ovanfor Raudehytta og beint vest. Den er ganske flat.
Her ligg Raudehytta, i bakgrunnen kan de sjå Melshornet.
Raudhyttevegen er ganske flat og god å gå for meg, som helst ikkje skal gå i motbakke. Trefte eit par som eg kjenner frå pensjonistlaget, dei var på heimveg.
Der Raudhyttevegen sluttar står det ein kvilebenk. Der har eg site så mang ein gong og meditert.
Litt plundrete før ein kjem seg inn på stigen som går nedetter Åsmundmarka.
Når ein går beint ned Åsmundmarka, kjem ein ned ytst i Starevegen.Stigen er litt bratt, men akkurat det gjer ikkje noko når det er nedover. Sist eg prøvde på denne runden, gikk det IKKJE bra, så no er eg spent på korleis det funkar denne gongen.
Elles var ikkje stigane så gjengrodde som eg trudde, det er tydelig at andre også brukar desse fine turvegane.
Elles var ikkje stigane så gjengrodde som eg trudde, det er tydelig at andre også brukar desse fine turvegane.
(Det er ganske håplaust å ta skikkelige bilde når sola står så lågt på himmelen.)
5 kommentarer:
Håper det går bra med helsa!
Ser bra ut så langt.
... Og at hausten held fram å vere like fin!
Ja, kan gjerne berre vare og vare, for min del. No er dei komne med Tussafiber- kabel og skal kanskje grave i dag.
Legg inn en kommentar