onsdag, oktober 26, 2011

Gratulerer med dagen, Rasmus !

I dag er det Rasmus sin fødselsdag. Det er 47 år sidan han kom til verda på sjukehuset på Eid. Ein klår og kald haustdag men rim på markane. På den tida budde vi på Raudeberg, men eg hadde flytta heim til mamma ei god stund før fødselen, så hadde eg kort veg til sjukehuset. Mykje vatn har rent i havet sidan den gongen, og mykje har endra seg. No bur Rasmus på Kongsberg og har sjølv både kone og tre små gutar.
Kan ikkje seie akkurat kor gammal Rasmus er på bildet, men han er i alle fall tenåring. Har ein mistanke om at det er Solveig som har tatt bildet og framkalla det sjølv, den tida ho hadde mørkerom i kjellaren her. De får rette på meg om eg tek feil.
No er Rasmus såpass langt vekke at det er ikkje ofte vi har fått vore i lag og feira fødselsdagane hans i seinare år.Før han flytta til Kongsberg budde han i Honningsvåg i mange år, og då var vegen enda lenger. Heldigvis har han svigerfamilie i Kongsberg, så det blir kanskje litt feiring med dei.
Vi ønsker i alle fall til lykke med dagen!
Vi gratulerer også Rasmus Torvik med dagen! Han fylte 21 år den dagen VÅR Rasmus vart fødd.
 Dette bildet er frå haustferien i år. Minstemann er ikkje heilt i form.

2 kommentarer:

solveig sa...

Eg trur bildet må vere frå då Rasmus gjekk 2. klassa i Volda. Han var vel omtrent på Håkon sin alder.

Hildegard sa...

Vi gratulerer også!

Dagbok 2024: 27.mars

Klokka er no 17.45, temperaturen ute er+ 9 grader, men det er overskya i dag, så det er ikkje så fint som det var i går. Eg sov godt sist na...