Klokka er 18.00. Temperaturen er + 20 grader C og det er fin sol ute. Frå morgonen av var det skodde, og den var ikkje heilt borte før i 2-3 -tida.
Det har vore ein aktiv dag i "gamlehjemmet" i dag også. Dagen starta med at Nils sette opp resten av støttene til rekkverket, mens eg beisa alle fjølene som skal bli sprosser- eller kva det no heiter- på eine sida. Eg stod i garasjen med dette arbeidet. Etterpå jobba eg ei økt i hagen med reinsking av ugras etc, mykje bøy og tøy, det som eg absolutt ikkje toler. Resten av dagen har eg vore konsulent og handlangar på altanen, så no har vi fått opp nedste og øvste fjøla.Det er mykje som skal stemme med water og lodd og skøytar.....
Då eg fekk fri av byggmesteren, gikk eg inn og vaska golv i godt sterkt grønsåpevatn, i eit håp om å bli rein på hendene. Det ser bra ut. Så snart kjøkkengolvet er tørt, skal eg lage middag. Tippar det blir spaghetti og kjøttsaus i kveld. I morgon ventar vi Margrete og ungane til kveite-middag, då skal vi kose oss og slappe av-chille er det vel det heiter, eller?
Eg trur ikkje nokon andre kan forstå kva det betyr for meg, som ikkje har kunna gjort noko særlig i seinare år, å vere i "jobb" igjen. Eg veit at eg får vondt i ryggen og andre stader, men det kjem seg att !
God helg til alle som les bloggen min!
1 kommentar:
De er flinke! Veret er det same som her, forstår eg.
Legg inn en kommentar