Margrete hadde sjekka vermeldinga og funne ut at dagen i dag høvde til eit Ørsta-besøk sidan det skulle vere overskya, men så vart dette den finaste dagen! Eg brukte mykje av føremiddagen på å lage mat og vaske opp etc., men tykte ikkje gjestane var svoltne nok. Det hadde kanskje vore ein sein frokost? Elles kjem vel Margrete til å blogge om besøket, så eg skal begrense meg.
Har lagt ute på altanen med lydbok ei stund, men så begynte eg å verke så grassat i foten at eg måtte opp og gå. Låg våken og verkte det meste av natta også, så eg tok det vel litt for travelt i går. Eg kjenner ingen ting før etterpå når eg har vore litt ekstra aktiv, og då er det for seint. Eit par dagar i fred og ro, så er eg vel restituert.
I dag har det vore skikkelig sommar utan den kalde vinden som vi har hatt hine dagane, men så er det kanskje slutt? Nils driv og klipper plenar, i frykt for at det kan bli vått framover ei tid.Før middag fekk han beisa altanfjølene på andre sida, så er det gjort. Det har ikkje skjedd noko med altanrekkverket i dag.
1 kommentar:
Fineversdagane berre fyk av garde. Håper vi får fleire! Det skulle ha vore forbode å melde 10 dagar styggever om sommaren. Ja, ja, dei har vel berre ein jobb å gjere.
Legg inn en kommentar