I dag måtte eg vere litt tidlegare i farten enn vanlig. Hadde frisørtime klokka 9.30. Vart fornøgd med sveisen, men den varer nok ikkje så lenge. Dessverre.
Klokka 12.00 skulle eg vere i Sparebank 1, som representant for pensjonistlaget. Sparebanken er sponsoren vår, og vi hadde møte med tre personar frå banken for å diskutere diverse aktivitetar som banken og ØP samarbeidar om. Ein journalist frå Møre-Nytt var til stades, så denne gongen slepp eg å skrive.
Etterpå var vi ut og såg den nye butikken til Målar-Olav, den er i samme huset som Jysk. Før var det Europris og Expert som heldt til der.Dei spanderte kaffi og marsipankake på alle kundar, enten ein kjøpte noko eller ikkje. Og så trefte eg ei FB-veninne som eg prata med lenge og vel.
Til slutt var vi innom Amfi så vidt det var. Vart forskrekka då vi kom heim at ikkje klokka var meir.
Då vi for heimanfrå var der eit bra snølag på tunet, men då vi kom heim hadde leigebuaren moka fint heile tunet og vegen ned til kjellaren.
Har ikkje fått sett så mykje på TV enno. Det er uhyggelig med den tsunamien. Og vi klagar over mykje snø...............................!
God helg til alle!
1 kommentar:
Kvar er seg sjølv nærast! Men vi har fått nokre påminningar i det siste.
Legg inn en kommentar