Dagbok 2022: 4.mai.

 Klokka er no 21.08, temperaturen ute er + 8 grader C. I dag har det vore både opplett og regn, men det er framleis så kaldt at eg kvider mot å gjere hagearbeid. I staden vart eg sittande mykje av føremiddagen å bale med genseren eg held på å strikke.

Så laga eg meg litt middag, og så vart det å shine seg opp før vi skulle på kino. Vi for heimanfrå før klokka var 17. Det kom mange som ville sjå filmen og smake på engelsk Afternoon Tea. Opplegget var det samme som førre gongen. Stort langbord i foajeen, småbord i flatsalen og masse, masse små og større kaker og godbitar. Det er kokkelinja på skulen som lagar maten. Det ser veldig fint og godt ut, men ikkje alt er like godt som det ser ut. Vi fekk både te og kaffi og eg smakte på så mykje som eg orka. Det var mat først og kino etterpå-

Eg tok bilde ar nokre av borda i flatsalen. Vi sat med andre bord og gjekk og forsynte oss. Her er nokre av bilda eg tok:

                            Dette er berre ein liten del av alt som var

Så var det film, kanskje den siste om Downton Abbey. Eg hadde litt problem  med å kjenne att alle personane, for somme skodespelarar var nye. Men etter kvart kjende eg att dei fleste. Alle kosa seg. Det var mykje folk , dei fleste var kvinner og mange var ikkje heilt unge, så Marit og eg kjende mange av gjestane. Mennene som møtte opp trur eg vi kunne telje på ei hand. Det var eg som køyrde i dag, og merkeleg nok var det lyst då vi kom ut.

I morgon er det trening og vaksinering.