Dagbok 2022: 3.mai

 Klokka er no 18.37, temperaturen ute er + 8 grader, og det er opplett og lettskya.

Det er relativt fint ute, men eg synest det er for kaldt til å få gjort noko- men viss eg hadde begynt hadde eg sikkert helde heten.

I dag var vi på trim, Marit og eg, og det gjekk relativt bra til tross for venstrefoten som ikkje er heilt i orden. Trur ikkje han har likt at eg har sete så mykje i ro og strikka. Etter trimmen handla vi på KIWI og så sit vi alltid og pratar ei stund i bilen før vi går kvar til oss.

Dagen min begynte forresten veldig irriterande. Eg brukar å sjå ein lang serie på NRK 1, det kjem nye episodar kvar dag, med unntak av laurdag og sundag. Men i dag kom eg ikkje inn på NRK 1 kor eg bala. Eg gjekk inn på datamaskina og logga meg på der, men der fekk eg berre direktesendinga. Det blir vel å rope på Helge igjen, han er flink med TV også. Men eg blir ganske irritabel når ikkje ting virkar slik dei skal.

Til middag i dag vart det grønnsaksalat, det må eg ha minst ein gong i veka. Etter eg hadde ete vart eg sittande å halvsove framfor TV-en, eg forstår ikkje korleis eg har begynt med denne halvsovinga-det er noko nytt.

Eg tenkte at eg kunne gå ein tur på Vernet sjølv om foten ikkje var så god, men eg måtte stryke litt klede først. Då eg begynte å gå, var det høgrefoten som ikkje var heilt god, men eg gjekk no likevel ein runde i dag, det gjer ikkje vondt og veret er bra, det blir faktisk finare og finare ser det ut til.

I morgon skal Marit og eg på kino og sjå den nye Downton Abbey -filmen, og før filmen skal vi få "Afternoon Tea" Slik var det då vi såg den førre filmen også.

Torsdag skal vi på trening, og kl.17.30 skal vi ned på Velferdshuset(Ørsta helsestasjon) og få 4.dosen med Covid- 19vaksine.Det er heilt frivillig, og vi får ikkje innkalling, men Marit ringde og bestilte til oss begge.

Det er noko ein skal nesten kvar dag - og det er no bra, slik at ein ikkje blir heilt eremitt. No skal eg inn og sjå Nyjheiter, og så blir det vel å strikke litt, det er snart slutt med mønsteret på genseren, men så skal det strikkast "hals".