tirsdag, juni 01, 2021

Dagbok 2021: 1.juni

Klokka er no 17.25, temperaturen ute på trappa er + 23 grader. I dag har det vore sol og fint vêr heilt frå morgonen av. Eg gjekk her og surra på føremiddagen, før eg skulle køyre Marit på trening, ho skulle begynne kl. 11.20. Før den tid dusja eg og vaska håret, støvsuga og rydda litt i bilen etc.etc. Etter at eg hadde sett Marit av ved treningsstudio, køyrde eg bort til Gjenbruk, der held gartnaren frå Urke til og sel blomster, tomatar og agurk på torget. Eg kjøpte ein rosa pelargonium, og 10 stemors på tilbod. Det var enno for tidleg å fare på møte, så eg stakk heimom med blomstrane. Som planlagt var møtet i friluft i hagen til Eli og Terje. Det store trebordet med benkar kjem ikkje med på bildet, det er bak den grøne buska heilt til venstre. Det er artig å sjå korleis dei har laga ein fin hage på eit relativt lite areal. Eli hadde steikt vaflar og kokt kaffi til oss i dag, Knut møtte ikkje opp i dag, så vi var ikkje fulltallige. No begynner vi å tenke på møte og vidare drift i pensjonistlaget, vi har hatt lang Korona-ferie. Då eg kom heim skunda eg meg å skrive eit referat før det gjekk i gløymeboka. Så tok eg meg litt mat av ein enkel sort, men desserte var førsteklasses: Jordbær (frå Holland) med sukker og fløte! For første gong i år.Eg burde sikkert ha tatt ein runde på Vernet for å bruke opp kaloriane. Etter at eg hadde ete gjekk eg ut og planta i potter, det er så populært for tida. Mange har ein heil hage i potter, og driv ikkje med bed. Eg har bed også, men har ikkje fått rydda dei skikkeleg. Det er fordi løkplantane ikkje har gjort seg heilt ferdige. Til slutt i dag tok eg den lange slangen og vatna heile tomta-nesten. Det blir tørt ganske fort. Ja, det er ein fantastisk sommar vi har hatt no-eg er berre redd for at vi brukar opp finevêret før sommaren er skikkeleg i gang.Skal legge ut nokre bilde som er nettopp tok i hagen.
Marit har fleire nydelege rhododendron som blomstrar no. Eg kan nyte dei frå kjøkkenvinduet mitt.

Ingen kommentarer:

Dagbok 2024: 27.mars

Klokka er no 17.45, temperaturen ute er+ 9 grader, men det er overskya i dag, så det er ikkje så fint som det var i går. Eg sov godt sist na...