Bok nr.1 - 2016: Søtaste solbæra

Denne signerte boka fekk vi av Øystein til jul. Han har ikkje skrive den sjølv. Boka handlar om korleis ein liten gut i Vanylven opplever krigen. Boka er oppdelt i små forteljingar, så ein kan lese og legge bort og ta att boka. Eg har eit par fortellingar att. Boka er lettlesen, og sidan forfattaren berre er nokre få år eldre enn eg, blir eg lett påmint om korleis eg opplevde krigen. Vi hadde tyske soldatar nær huset vi budde i, men guten i boka fekk dei heilt inn i huset.Her er ingen særleg vonde opplevingar, berre småpussige episodar, noko som viser at foreldra til guten ikkje på nokon måte skræmde han med tyskarane, og at dei tyske soldatane ikkje gjorde han noko vondt.