Klokka er 17.45. Temperaturen er + 11 grader C, det er heilgrått og regn. Eg har vore inne heile dagen og er ikkje frista til å gå ut no heller.Inne har eg det både varmt og lyst, så her er godt å vere.
Nils ville så gjerne ha sei med seg til Kongsberg, så han reiste på sjøen klokka 8.00 i dag tidlig. Og i dag var han heldig og fekk bra fangst, så no har han noko å gi bort.
Mens han var vekke, bakte eg 6 grovbrød. Før likte eg ikkje å bake, men no går det fint, etter "Solveig -metoden". Eg lagar deigen i miksaren, som før, men så kjem det smarte: Eg har eit bakeunderlag som eg har kjøpt på Clas. Eg tømmer litt olivenolje på underlaget og så deigen. Olivenolje på hendene-og så bakar eg ut brøda, utan eit gram mjøl på hender eller underlag. Hendene er like reine, med unntak av olivenoljen. Eg brukar raude silikonformer frå Jernia, som eg ikkje treng å smørje eller vaske. Det blir veldig lite søl på denne måten, og det er fort gjort å rydde opp. Bakeunderlaget er det berre å tørke av med ein klut. Det eg må passe på er å lage deigen ganske fast frå begynnelsen av.
Til lunsj i dag åt vi krabben som vi fekk med Jørn i går, der var ikkje mykje mat i den, trur her er for mykje krabbe i fjorden.
Etter at vi hadde slappa av litt, laga eg glasur og hadde på gulrotkakene, la i hop ein klesvask etc.etc.
Nils har filetert all seien. Og så planlegg han korleis vi skal få alt med oss. Dei har allereie hatt snø i Kongsberg, og vi må sjølvsagt byte til vinterdekk før vi fer.
Abonner på:
Legg inn kommentarer (Atom)
Dagbok 2024: 26.april
Klokka er no 16.30, temperaturen ute er +8 grader og no skin sola mellom skyene. Det er berre ei lita stund sidan eg kom att frå turen på Ve...
-
Klokka er 17.15, temperaturen i skyggen er + 9 grader, men her i stova må det vere nærmare 30 grader når sola skin inn glasa. I dag var...
-
No har vi rikelig makrell til oss sjølve, enda om diverse naboar har fått sitt. Makrellen kan vi steike, men best likar vi den kald, kokt me...
-
Klokka slo akkurat fem (17.00), ute er det regn og grått og + 9 grader C. I dag har eg vore i full aktivitet heile dagen, noko som er helle...
1 kommentar:
Førre veke lærte eg elevane å bake fletteloff. Den veka får eg tørre hender! Så kjem eg på å finne litt olivenolje iskåpet. Betre "hudkrem" finst ikkje!
Legg inn en kommentar