Klokka er 23.05, temperaturen ute minus 2 grader C, og akkurat no er det opplett. Sist natt hadde det snødd ein del, men ikkje så mykje at Nils starta fresaren. Han mòka med brettet.
Eg gjorde ikkje anna før middag enn å strikke og vaske håret. Så var vi ein tur nedover; eg hadde tenkt meg ein shoppingdag, men å kjøpe julegåver utan å ha tenkt ut kva ein skal ha, det er heilt håplaust, så det gav eg opp.Vil gjerne ha fleire ønskelister! Skal skrive ei sjølv også.
Vi hadde svinekotelettar til middag i dag. Billig mat! Rasmus ringde etter middag, han hadde det etter måten bra. Etter planen skal han leggast inn på sjukehuset over helga, og så blir det operasjon igjen. Då kjem han til å få gips på foten, men blir nok sjukmeld ei stund. Det er trasig, men ikkje "livstruande", som det heiter.
I ettermiddag og kveld har eg stort sett strikka og sett TV. Heldigvis datt ikkje TV-en ut, men vi har vore utan data og telefon. Vi kom oss inn att på Internett klokka 22.00. Det er derfor eg er så seint ute med blogg.
1 kommentar:
Du var sakna på nett, men etter å ha tenkt meg om og sett ein reportasje i Møre Nytt, forsto eg det var problem med nett i Ørsta.
Legg inn en kommentar