Men så, då vi sjekka yr.no i dag, var der ikkje ein drope å sjå, så vi tok 9.30-ferja over og kom i gang med arbeidet så snart vi var framme. I dag skulle Nils rydde opp litt i skogen, og sage opp dei tjukkaste greinene. Eg sette i gang med å kløyve kubbane som stod att, og etter kvart kløyde eg også greinkubbane. Vi løda opp ein del ved og hadde noko i sekker og prøvde å rydde opp litt. Heilt ferdige vart vi ikkje, men det som står att greier dei sjølve. Vi hadde kaffipause på altanen i dag også, der sit vi under tak.
No blir det pause her ei stund, før Nils skal på eit møte i kveld. Eg får vel sette på ei vaskemaskin eller to og vaske arbeidskleda våre.
Det har blitt nokre ferjeturar i det siste. Ser at dei har sett inn mindre ferjer no, men eg håper dei klarer å ta unna. I dag var det mange store bilar og bussar på tilbaketuren.
Ingen kommentarer:
Legg inn en kommentar