Har ikkje gjort noko særlig mykje fornuftig i dag. Før vi for nedover farga eg håret og ikkje så mykje meir.
Først var vi begge på utvida styremøte på Kulturhuset, etterpå på kino. Det var mykje folk på Dagkino i dag, blant anna ei heil skuleklasse frå VVS, og når ein og samme person skulle selje billettar og snop, tok det si tid før han kunne køyre film.
Filmen var "Victoria" etter Knut Hamsun sin roman. Boka har eg lese for lenge sidan, og den har aldri vore min favoritt. Litt for romantisk og sentimental etter min smak. Men filmen var fin, med gode skodespelarar. Eitt unntak er Victoria sjølv, som blir FOR veik og "slapp", sjølv om ho ikkje er nokon sterk person i boka heller.
Det som løfter filmen til store høgder er bilda, særlig naturfotograferinga. Det er så vakkert! Ja, og Johannes , møllerens sønn, er også nydelig .Så filmen var vel verd å sjå.
Då vi kom heim, steikte vi oss egg til middag, og så blei det ei stund på sofaen med lydbok.Vi har begynt å vakne tidlig om morgonane, så eg håper det er sommartid snart.
Fekk melding frå Lars i dag, då hadde han snakka med Ingeborg på Skype. Ho og veninna er no i Bankok og har lagt mange bilde inn på FB. Godt å ha kontakt med dei når dei er så langt borte.
Les om filmen her:http://p3.no/filmpolitiet/2013/02/victoria/
5 kommentarer:
Eg synest det er svært positivt at klassikarane våre vert filmatiserte. No kan vi til dømes skifte ut Kransen som elevane ikkje heilt forstår, spesielt symbola. I tiande er utdraget med eggsankinga i Victoria "pensum". Eg las romanen opp att for eit par år sidan. Den høver kanskje godt for ungdomsskulen?
Eg trur ikkje eg har vore ung nok når eg har lese boka, så den passar vel best for dei heilt unge.
Eg har brukt å lese utdrag frå Sult og syne filmen på VG3. Dersom elevane ser Victoria i tillegg, får dei eit nyansert syn på Hamsun, vil eg tru.
Men Olaug, Romanen "Victoria" er no superklassikaren på korleis kjærleiken skal vere, var det ikkje slik på filmen då? mvh Torbjørn
Kjærleiken skal vel ikkkje vere som i "Victoria". Eg er realist-ikkje romantikar.
Filmen var som boka, og veldig fin kva bilde angår. Men Veronica sjølv var, som kinosjefen og eg vart samde om, litt "slapp".
Eg har lese ein del Hansun, og Victoria er ikkje hans beste. Somme meiner at han skreiv berre ei god bok, nemlig SULT, som er min favoritt. Eg likar også godt "Markens grøde".
Legg inn en kommentar