lørdag, februar 09, 2013
Dagbok 2013: 9.februar
Klokka nærmar seg 16.30. Sola skin, som ho har gjort heile dagen. Ute er temperaturen minus 4 grader C. (I sentrum er det minus 9 grader).
I dag reiste vi til Volda på konsert i kyrkja. Det var musikkskule-elevar som var i elden. Margrete, Ingeborg og Amanda måtte fare med det same Amanda var ferdigspelt, for ho skulle vidare på ballettkonkurranse i Ørsta. Vi fire besteforeldra sat att. På heimvegen handla vi litt mat på Spar, det var ikkje mykje vi trong.
Eg var veldig frostig i dag, så etter ein kopp kaffi og ei brødskive tok eg meg ein relativt lang sparktur: Opp Storebakken og ned att Fonnavegen først. Så fekk eg sjå ein mann med hest og slede ikkje så langt framme, så eg prøvde å nå att ekvipasjen. Men då eg var på skothald langa hesten ut, så eg fekk knapt nok med med halen på bildet eg skulle ta. Tok ein tur fram på Tømmerbakkane, mens eg tenkte tilbake på den tida dette var skulevegen vår. Solveig, Rasmus og eg sykla denne vegen til og frå skulen i 2-3 år. (Bilda).
På tilbaketuren fekk eg selskap av ein mann eg kjenner, for øvrig bror til henne eg gjekk tur med ein dag før i veka.No er det like før sola tek kvelden, men dagslyset varer enno ei god stund. Håper alle har det godt og varmt og slepp å fryse.
PS: Margrete og jentene var oppom som snarast etter balletten.
Abonner på:
Legg inn kommentarer (Atom)
Dagbok 2024: 17.april
Dette var pynten på "Vernet" i fjor. Det kjem vel ein likeins i år. Klokka er no 17.20, temperaturen ute er + 9 gr...
-
Klokka er 17.15, temperaturen i skyggen er + 9 grader, men her i stova må det vere nærmare 30 grader når sola skin inn glasa. I dag var...
-
No har vi rikelig makrell til oss sjølve, enda om diverse naboar har fått sitt. Makrellen kan vi steike, men best likar vi den kald, kokt me...
-
Klokka slo akkurat fem (17.00), ute er det regn og grått og + 9 grader C. I dag har eg vore i full aktivitet heile dagen, noko som er helle...
1 kommentar:
Det er artig å sjå att skulevegen - og huset der vi budde (3. februar. Det er ei stund sidan eg gjekk der, sikkert ein gong vi trilla vogn? Det er merkeleg kor mykje kortare vegen er no ...
Legg inn en kommentar