I dag hadde vi faktisk ærend på apoteket, så vi tok ein tur på Amfi. Mat kjøpte vi ikkje i dag heller.
Eg hadde eit ærend på strikkebutikken, for i mangel på anna arbeid starta eg på eit nytt lestepar i går, til tross for at eg hadde altfor lite garn. Det skulle eg kjøpe i dag. Det var berre det at no hadde dei ikkje meir av den sorten. Men eg fann fint lestegarn på sal, så eg kjøpte to store buntar-no angrar eg på at eg ikkje tok alle fire dei hadde att.
Eg hadde sett meg ut eit gensermønster på nettet, og vi fann det i ein perm dei hadde, men sjølve mønsterheftet var utselt. Så får eg strikke lester mens eg ventar på at dei skaffar mønsteret.
Før jul skulle vi kjøpe oss kaffimaskin, men då sa dei at vi måtte vente til romjula for då skulle dei ha ei bra maskin på tilbod. I dag hadde dei den, og etter litt plunder fekk vi den til å virke. No har vi så mange duppedittar på kjøkkenbenken at der er lite arbeidsplass att. Men set ein saker og ting inn i skapa, blir dei ikkje så mykje brukte. Det er ei erfaring som eg har gjort.
Nils er i garasjen og fileterer sei, han er visst innstilt på å fryse filetane, så då slepp eg å lage fiskemat denne gongen. Dessutan er det så fullt på kjøkkenbenken!!!!!!!!!!!!!!!!!
2 kommentarer:
Gratulerer! Lurt med ei slik kaffimaskin, spesielt når ein berre skal lage eit par koppar.
Ja, eller om berre ein av oss treng ein kopp. Ein TRENG vel strengt tatt ikkje ei sånn maskin, men det kan vere "kjekt å ha".
Legg inn en kommentar