Vêrmelding 7.mai - 2012

      Linefangsten på lit de parade: sei,lyr,hyse,torsk og lange.
Klokka er snart halv seks. Temperaturen ute er + 9 grader C, det er lettskya med litt solgløtt. Ja, det er faktisk opphaldsvêr akkurat no.
Vi var tidlig oppe i dag, for Nils skulle egne linene før han og Hassan skulle ut og sette dei. Dei fiska litt med snøre, men fekk ikkje mykje; berre så vidt Nils og eg hadde småsei til middag. No reiser dei ut att for å drage linene, og så er det spennande om dei får noko. Han egnde med makrell og blekksprut frå frysaren.
Eg har gått og småpusla og rydda og styrt i dag. Hadde tenkt å kontakte legen for å få noko for den vonde halsen, men følte meg bra mens eg var heime åleine og ikkje sa eit ord. Då Nils kom att og eg begynte å prate, var det like gale som før. No ringde det nettopp ei dame som ville ha meg med ein ein spørjeundersøkelse, så då brukte eg halsen som grunn for å nekte.Ser det an til i morgon, då får eg prøve å få noko som hjelper.
Det blei ein liten middagslur i dag sidan vi var så tidlig oppe, og då fekk eg lese nesten ut boka eg held på med.No skal eg ta resten for det var ganske spennande. I morgon må eg sikkert på biblio, for den "Orkidéens hemmelighet" trur eg ikkje at eg orkar å lese.
Elles har eg mora meg over Einar som hadde ein konfrontasjon med politiet i går, og vil gi meg skylda fordi eg har strikka ein genser til han som får han til å likne David Toska. 
Hadde kontakt med Rasmus, dei har fått det livlig i huset, etter at Vebjørn har fått seg ein liten elektrisk gitar til bursdagen sin. Der var vel ikkje heilt. stilt før heller. Trommesett har dei frå før.