Klokka er 13.30, temperaturen minus 2 grader. Det er overskya opphaldsver, men det kjem nok snø i løpet av dagen. Oppgåva i dag er å finne julenissen på bildet.
I dag har vi brukt føremiddagen til å pakke ein del julegåver, og så har eg pussa kopar og messing mens Nils såg skiskyting. Pussinga var i grunnen fort gjort, det er ikkje så lenge sidan sist. Eigentlig skulle eg ha steikt krumkaker, men dagen er ikkje slutt enno. Var no litt trasig at eg måtte slutte å strikke, men skuldra kjem seg litt etter litt når eg held fred.
I dag skal vi ha steikt fisk til middag, den vi eigentlig skulle hatt i går. MÅ ha ein dag med steikt fisk som ikkje har vore i frysaren.De kan seie kva de vil, men maten er best før han har vore frosen.Amanda og Eirik skal spele i korps i Voldakyrkja i dag, men eg trur ikkje vi kjem til å gå. Eg har trakka rundt nede i Vik i to dagar og har såleis problem med både rygg og hofte når eg skal sitte.
1 kommentar:
Her er og konsert i dag, men eg trur det vert trangt om plassen. Før har dei hatt to konsertar, i år har dei slått saman. Ein får håpe at det er fordi dei ikkje klarte å fylle kyrkja to gongar...
Legg inn en kommentar