onsdag, november 04, 2009
Klippe, klippe, klippe.........
Sist mandag saga vi ned heile hekken mot naboen på eine sida, og fekk alt rasket levert på VØR. I går begynte vi på "hekken" mot naboen på nedsida.Dvs. det som ein gong var ein granhekk, men som etter kvart har blitt blanda med snøbærbuskar heilt utan menneskeleg hjelp.Sidan hekken no var blitt urimelig høg, måtte han klippast. Eg starta med snøbærbuskane som stod på vår tomt i går og fekk sendt eit par knippe med naboen som skulle på VØR med eige rusk. I dag starta vi opp igjen, denne gong utstyrt med både motorsag og kompostkvern.Det viste seg at mange av granene var fullstendig døde og måtte fjernast. Der var også mange halvdøde som fekk ei lita utsetjing.Og eg klipte og klipte...Kom i hug" Kjerringa mot straumen", eit namn som eg fekk av ein lærar på barneskulen. Han må ha vore framsynt! Klipping er mitt kjæraste hagearbeid!!! No ser hekken virkelig fryktelig ut! Men til trøst for naboane som er på Gran Canari, vil eg minne om at snøbærbuskane veks opp att som ugras til våren og skjuler det verste. Og så kan vi plante nye graner.
Abonner på:
Legg inn kommentarer (Atom)
Dagbok 20 24: 3.mai
Klokka er no18.30, temperaturen ute er + 20 grader. Det har vore ein strålande dag, med sol frå klar himmel. Eg har vore her åleine heile d...
-
No har vi rikelig makrell til oss sjølve, enda om diverse naboar har fått sitt. Makrellen kan vi steike, men best likar vi den kald, kokt me...
-
Klokka er 17.15, temperaturen i skyggen er + 9 grader, men her i stova må det vere nærmare 30 grader når sola skin inn glasa. I dag var...
-
Klokka slo akkurat fem (17.00), ute er det regn og grått og + 9 grader C. I dag har eg vore i full aktivitet heile dagen, noko som er helle...
3 kommentarer:
Det kan ikkje vere så stort behov for ein hekk den vegen, men den har gjeve ein del skugge til hagen. De er beundringsverdige, og det er så kjekt å lese om slike prosjekt!
Straffa kom sist natt! Det verkte og verkte både her og der til tross for div.tablettar. Og når eg likevel låg med attletne auge og prøvde å sove, såg er berre føre meg greiner som skulle klippast eller sagast.Vi kjem nok til å sage ned fleire graner, men i dag lyt N. jobbe åleine ute med å male opp resten av greinene.
Det er godt at vi får slike fine novemberdagar! Her vert det lite tid til rydding i hagen rett nok.
Legg inn en kommentar