Eg kom nettopp heim frå ein fantastisk tur med Margrete og Svein. Det var Svein som køyrde i den nye elektriske bilen sin, og vi har vore i Ålesund. Det er mange år sidan eg har vore til byen, og aldri før har eg sett så mykje av den. Vi var på museum og såg på gamle båtar t.d. og så køyrde Svein heit opp til Sukkertoppen der vi fekk nyte den fantastiske utsikta til byen og øyar omkring. Eg plar sjelden legge att telefonen heime, men i dag gjekk det i ein viss fart då vi skulle fare, og dermed var eg utan fotoapparet. Men Margrete tok bilde, så det kan hende ef kan få nokre fleire med tid og stunder.
Då Nils levde men var sjuk, var vi ofte til Ålesund, på sjukehuset som regel, og då brukte vi å ete pizza på kafeen ved rutebilstasjonen på Moa, så det gjorde vi i dag også. Vi var svoltne og pizzaen var god. Det vart ein veldig kjekk dag for meg , stor takk til Svein og Margrete.
Ingen kommentarer:
Legg inn en kommentar