Klokkka er no16.40, temperaturen på trappa er minus1 grad og på skjermen min står det: "Snø i morgen". Ja, det blir vel ein gong slutt på desse fine dagane som vi har hatt, særleg vi som bur på solsida-siste dagane har det knapt vore ei sky på himmelen, og eg har slett ikkje lyst på snø no, det er for tidleg.
I dag var det spansk-kurs, og det er no kjekt. Då eg kom heim gjekk eg ein tur på Vernet, Marit følgde ut Starevegen. I dag trefte eg ingen eg kjende, men ei dame kom bak meg og gjekk forbi på akkurat same plassen som ho gjorde i går; eg kjende henne att på kleda.
Då eg kom heim att styrte eg og rydda litt før eg tok meg mat. No har eg fyrt i omnen, slepp å ha på varmeomn så lenge vi har sola. Det er ikkje så lenge sidan sola forsvann-men det er alt begynt å skymast. Dagane blir kortare og kortare no framover-nesten til jul.
I morgon skal vi på trening, så då spørs det om vi må moke snø først. Eg ser fram til å få besøk av Rasmus i helga, han er framleis i Mo i Rana.
No skal eg rydde opp litt før eg set meg til å strikke. No strikkar eg lestar med tynt garn og fargar frå eit Van Gogh maleri. Det er Solveig som kjem med garn av og til- ho kjøper myke på nettet.
Ingen kommentarer:
Legg inn en kommentar