Ein nabo med snøfresar kom og bana veg til meg, eg tok vekk litt snø sjølv også. Leigebuarane mine for på tur med begge bilane, så tunet vart ledig i dag. Og det kom vel med.
Marit og eg "diskuterte" litt om kva vi eventuelt kunne gjere i dag, men enda med å utsette det til i morgon. Solveig ville komme innover på ettermiddagen og då kunne eg vere med henne å handle. I mellomtida bakte eg brød, og dei var akkurat ferdige då Solveig kom.
Eg laga kaffi og vi år varmt brød. Eg hadde ikkje handla inn til helga, så eg hadde ikkje noko meir spennande å servere. Birte og Håkon kom frå Volda, det er lenge sidan dei var her, så det var ekstra kjekt å treffe dei også. Det var meininga at Solveig og eg skulle handle på Coop i Furene, men det leid såpass langt på kveld at eg heller ville vere heime. Det kan hende det blir ein tur i Furene i morgon i staden.
No skal eg sette meg ned framfor TV-en, eg ser fram til Linda Eides "språksjov", det er mitt favorittprogram. I dag har eg ikkje sove middag enda eg var rimeleg tidleg oppe.
Ingen kommentarer:
Legg inn en kommentar