Klokka er 19.10, temperaturen ute er + 13,6 grader C og det har regna stort sett i heile dag. Akkurat no er det litt lysare.
For å vere sikker på at alle bananfluger var borte, pussa eg stuevindua innvendig i dag og vaska karmane godt. Utvendig lyt eg ta pussen ein annan dag, sola kjem stadig lenger ned, så då er det ikkje lenge før ho avslører alt.
Nils var trøtt og trasig i dag tidleg, så eg kommanderte han til å ta 2 Paracet og legge seg inn att i senga. Hen gjorde det, og då eg var ferdig å støvsuge, stod han opp att- litt friskare.
No har vi ete ein slags middag; i dag vart det Taco igjen. Det er nesten det einaste han har lyst på. Suppa som var att frå i går åt han til lunsj.
Vi har ikkje vore på butikken i dag, og ikkje ute i det heile tatt.
Eg har vore ein del på Facebook. Ingeborg er komen heim.Vi har sjølvsagt tenkt mykje på Harald og familien hans, det er ei tung tid for dei no. Og vi kjem alle til å sakne Harald.
Eg la meg på sofaen ei lita stund for å lese, noko som alltid resulterer i at eg sovnar.
I kveld er det mange program på TV- vi ser Stjernekamp og tek opp "Skal vi danse"-då kan vi spole forbi reklamen.
Referatet mitt kom i Møre-Nytt i dag ! Det var hurtig levert, fint oppsett var det også. Det er meldt regn ei veke til, så eg forstår ikkje korleis det skal gå med plenane. Men det er no eit lite problem i den store samanhengen.
I dag gratulerer vi Kristine på Eid med 16-årsdagen !
Abonner på:
Legg inn kommentarer (Atom)
Dagbok 2024: 25.april i dag.
Bilde frå turen min i dag- På det øvste bildet ser vi gjengen som har tatt ned masse ore-skog og rydda fint opp. I dag hadde dei ei maskin ...
-
Klokka er 17.15, temperaturen i skyggen er + 9 grader, men her i stova må det vere nærmare 30 grader når sola skin inn glasa. I dag var...
-
No har vi rikelig makrell til oss sjølve, enda om diverse naboar har fått sitt. Makrellen kan vi steike, men best likar vi den kald, kokt me...
-
Klokka slo akkurat fem (17.00), ute er det regn og grått og + 9 grader C. I dag har eg vore i full aktivitet heile dagen, noko som er helle...
Ingen kommentarer:
Legg inn en kommentar