Dagbok 2016: 19.september

Klokka er 21.35, temperaturen ute er + 15 grader C. Det har vore overskya, men stort sett opplett i dag. Som de kanskje har lagt merke til manglar det bilde på bloggen for tida, har problem med å få overført bilde frå fotoapparat til data. Nemlig.
I dag har det vore ein trasig dag her hos oss. Nils har vore sengeliggande heile dagen. Han kom seg ikkje fram or senga før klokka var 20.30 i kveld. Han er slapp og sløv og har ikkje appetitt. Han tok det nok litt for traveldt dei dagane han var bra, slikt har straffa seg før Han er oppe no i kveld ei stund.
Eg var inne ei stund på føremiddagen i håp om at han skulle komme seg på beina, men så gjekk eg ut og jobba. Først grov eg opp eit ripstre som skulle fjernast, og så vart det plenklipping. Tok heile skråninga med el-klippar. Det tek si tid, men så kan eg ta det litt rolegare enn når eg brukar bensinklipparen. hadde ikkje tenkt å klippe plenen rundt huset, skulle berre samle opp litt lauv, men så vart det til at eg klipte heile. Opp mot vegen tok eg ikkje i dag. Elles har eg gjort "forefallande" husarbeid, som vanleg, og passa på pasienten. Så det er ikkje så mykje å skrive om.
I morgon skal eg til frisør kl.14.00, og viss ikkje Nils er oppegåande får eg fri til ein av naboane. Skulle vore innom biblio og henta eit par bøker også. Håper sjølvsagt på at Nils kjem seg til att, for dette er trasig.