Klokka er 17.15, temperaturen +14 grader, det er overskya og opplett. Regna vel litt tidlegare i dag.
Ikkje veit eg - eg har vore innomhus. I dag er eg litt stolt over meg sjølv, så lenge det varer, for eg har gjort ein kjempejobb (for meg). Eg har studert veldig på korleis eg skulle få vaska og rydda i vaskekjellaren, der er mykje som må flyttast fram og tilbake til dømes. No har eg vore bra eit par dagar, så eg tenkte eg kunne begynne på jobben, og så ta litt og litt. Slik vart det ikkje; når eg først var i gang, så gjorde eg meg ferdig.
Legar og fysioterapeutar seier at eg skal ikkje bøye ryggen min, eg skal ikkje løfte og eg skal ikkje drage. Skubbe har eg lov til. I kjellaren er det: ein frysar (400liter), eit kjøleskap med frysedel, ein gammal kjøkkenseksjon, ei vaskemaskin, ein tørketrommel, ei gammal rulle og ein ergometersykkel. Alle desse tinga skulle fram og tilbake. Fekk litt hjelp av Nils, men mesteparten greidde eg sjølv.
Når eg vaskar foregår det ikkje på den gamle, gode måten med klatring opp og ned. No blir det godt såpevatn og mopp med langt skaft. Det får vere bra nok.
Etter vaskinga dusja eg meg sjølv. Eg kjenner sjølvsagt at eg har gjort noko utom det vanlege, men spenninga ligg i korleis eg kjenner meg i morgon. I alle fall har eg eliminert eitt problem.
Nils kokte lange til middag, og etter middagen har eg lege på sofaen med lydbok.
Hos naboane nedanfor oss høyrer eg motorsag. Det er ein lifleg lyd, der er nokre store graner som skal ned; det vil resultere i at vi får meir kveldssol og betre utsikt ril fjorden. Eg gler meg.
Abonner på:
Legg inn kommentarer (Atom)
Dagbok 2024: 13.mai
Det var eigentleg ikkje dette bilde eg skulle ha i dag, det liknar veldig på det eg hadde i går,men litt har det skjedd. Eg har til dømes kl...
-
No har vi rikelig makrell til oss sjølve, enda om diverse naboar har fått sitt. Makrellen kan vi steike, men best likar vi den kald, kokt me...
-
Klokka er 17.15, temperaturen i skyggen er + 9 grader, men her i stova må det vere nærmare 30 grader når sola skin inn glasa. I dag var...
-
Klokka slo akkurat fem (17.00), ute er det regn og grått og + 9 grader C. I dag har eg vore i full aktivitet heile dagen, noko som er helle...
Ingen kommentarer:
Legg inn en kommentar