Klokka er no 19.15. Temperaturen ute er + 4,4 grader C. Det har vore litt mindre grått og vått enn i går, men det ville vere å overdrive om eg sa at det var fint. Det mest positive er at snøen smeltar.
I dag skulle Margrete til Åse sjukehus for å undersøke den vonde armen, og Ingeborg ville vere med. Dei tre andre vart att her hos oss. Og så Charlie sjølvsagt. Både barn og hund er veldig fredelige å ha i hus. Nils og gutane var ein tur ut i hamna, elles var vi i ro.
Vi åt ein enkel lunsj, og då Margrete og Ingeborg kom att, serverte vi "ihelkokt" fårikål, heilt ute om sesongen. Det var ein del av konseptet "Et opp det vi har i frysar og kjøleskap". Elles har det ikkje skjedd så mykje, og bra er det. No har eg rydda kjøkkenet, sett på oppvaskmaskina etc. Og så er denne dagen snart over.
1 kommentar:
Fin jente og gut og fin hund.
Legg inn en kommentar