Vi tok det litt med ro før vi for til Vik i dag. På Amfi var der veldig mykje folk, slik der plar vere om laurdagane. Vi trefte på Ruth og Harald og sette oss inn i kafeen og drakk kaffi i lag. Vi hadde mykje å prate om.
Nils hadde tatt opp ein rest av ertersuppe frå frysaren før vi for nedover. Og eg slo i hop ei pannekakerøre, så hadde vi dessert og kaffi også.
Eg la meg på sofaen med lydbok, "Billie" av Anna Gevalda. Den virkar veldig lovande.Omsetjaren,Tove Bakke, skal vere i Aasentunet komande onsdag og snakke om boka.Ho har gjort ein god jobb! Opplesaren, Silje Breivik, er eminent. Boka er på 4 CD-plater. Men i kveld blir det nok ein god del TV og ikkje så mykje bok.
I dag har det altså vore kviledag, men maskinene har både vaska opp og vaska klede.
2 kommentarer:
Som kjent er eg den einaste som ikkje liker Anna Gevalda sine bøker. Ikkje har eg likt språket heller, sjølv om det er nynorsk som har fått mykje skryt.
Men eg skal sjølvsagt gi denne ein sjanse!
Denne liknar ikkje på dei andre, og det er ei sunnmørsstemme som les.
Legg inn en kommentar