I dag hadde vi ærend til Vik, blant anna på biblioteket. Men først var vi ein tur på El-kjøp og handla kaffi. Så køyrde vi bort på Tilseth og kjøpte ei skjærsminbuske som eg har ønska meg lenge utan å finne. Hadde ein skjærsmin i mange år, men så klipte eg den litt for mykje eit år, såpass at den døde.
Mat trong vi også litt påfyll av, og på biblioteket fekk eg med meg to bøker heim.
Eg hadde hausta all rabarbraen før vi for og kokt ei suppe, for det høyrer visst til når ein skal ha steikt makrell. Og det var det som stod på menyen her i dag.
Det blei eit herlig måltid. Nils hadde skore filetar og eg steikte på den gloheite induksjonsplata, såpass den vart så brunsvidd som eg vil ha den-og saftig inni. Hadde agurksalat og sylta rødbetar til.
Etterpå vart det lydbok på sofaen.
Så var vi ute og stelte litt i hagen, planta buska blant anna. Eg er litt frustrert over at eg ikkje kan gjere alt eg har lyst til-av hagearbeid altså. Sist vår kjøpte eg primulaer i potter, tre av dei vart planta ut og står og blomstrar no. Elles er det no tid for stauder, som vi har ein god del av. Men hagen vår er ikkje spennande utforma - det skal vere enkelt å slå !
Nils har tenkt seg ut på Rjåneset i morgon og sette liner, Han har ferdigegnde liner i frysaren sin.
Margrete og ungane er på veg heim med Charlie. Fekk melding frå Lærdal klokka 19.30, og då stod alt bra til med folk og dyr.
Ingen kommentarer:
Legg inn en kommentar