Nils var ein tur bortom terminalen på ettermiddagen og fiska makrell, så no har vi eit måltid. Skal steike makrell i morgon, i dag hadde vi steikt laks. Vi brukar induksjonsplata når vi steiker feit fisk, for å få nok varme.
Mens Nils var ute og fiska, plukka eg jordbær, så det vart dessert då han kom heim.
Elles har det vore ein sløv dag. På føremiddagen hadde eg ikkje noko på programmet, så eg vaska og rydda nokre kjøkkenskuffer. Det er slutt på den tida då eg "tok" heile kjøkkenet på ein dag, no tek eg skuffer og skap etter behov, og knapt nok det.
Eg held på med ei gørrkjedelig krimbok, så eg dett ut og må spole tilbake i eitt kjør. Den er skriven av ei svensk dame,og minner mykje om Camilla Läckberg. Say no more. Så her får vi trøtte mødrer, babyar og ekteskaps-problem etc. Eg vil ha KRIM når eg les krim. Slik er det med den saken. Blir sikkert ferdig med boka i løpet av kvelden, så då blir det biblio i morgon. Så lenge det er fotball-VM og så lenge eg er såpass handikappa, blir det lesinga å ty til. Kunne i grunnen tenkt meg noko anna no i ferien.
No er Margrete og dei to yngste komne til Kongsberg, og Ingeborg har kome frå Kristiansand. Tippar der er rimelig livat! Og håper dei legg ut bilde i løpet av kvelden.
Ingen kommentarer:
Legg inn en kommentar